İmişli Rayon Məhkəməsi Qərar — İş №3(036)-611/2024

Azərbaycan Respublikası adından QƏRAR İmişli rayonu İş № 3(036)-611/2024 12.08.2024 İMİŞLİ RAYON MƏHKƏMƏSİ Hakim Mahmud Orxan Əlövsət oğlunun sədrliyi, Məhkəmə iclas katibi Tağıyev Rasət Şaiq oğlunun katibliyi, İnzibati xəta haqqında protokolu tərtib edən İmişli Rayon İcra və Probasiya Şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1976-cı il tarixdə Ermənistan Respublikası Artaşat rayonunda doğulmuş, Azərbaycan Respublikasının vətəndaşı, evli, orta təhsilli, işləməyən, İmişli rayonu, Şahverdili kəndində qeydiyyatda olmaqla yaşayan. Şəxs Azərbaycan Respublikası İnzibati Xətalar Məcəlləsinin 528.1-1-ci maddəsi ilə tənbeh tədbirinin tətbiq edilməsinə dair İmişli Rayon İcra və probasiya şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏNETDİ: İmişli Rayon İcra və Probasiya Şöbəsindən daxil olmuş 12 avqust 2024-cü il tarixli inzibati xəta haqqında protokolda göstərilmişdir ki, İmişli Rayon Məhkəməsinin xx.xx.2022ci il tarixli, 2(036)-185/2022 saylı icra sənədi üzrə ödənilməli olan 30 000 manat məbləğində borc Şəxs tələb edilmişdir. Lakin Şəxs borcunu tam olaraq ödəməmiş və icra məmurunun qanuni tələblərini yerinə yetirməmişdir. Beləliklə göstərilənlərə əsasən o, Azərbaycan Respublikası İnzibati Xətalar Məcəlləsinin 528.1-1-ci maddəsində nəzərdə tutulmuş inzibati xətanı törətmişdir. Məhkəmə iclasında İmişli Rayon İcra və Probasiya Şöbəsinin icra məmuru X5 inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, “İcra haqqında” Azərbaycan Respublikası Qanununun tələblərinə uyğun olaraq icra sənədi üzrə icraata başlamaq haqqında qərar qəbul edilərək borcluya tələbin icrası üçün bildiriş göndərilmişdir. Bundan sonra, dəfələrlə borclu Şəxs yazılı və şifahi xəbərdarlıq edilərək qətnamənin icrası tələb olunmuşdur. Borclu, Şəxs Azərbaycan Respublikası adından qəbul edilmiş və icrası bütün şəxslər üçün məcburi olan məhkəmə qərarının icrasını tam olaraq təmin etməmiş, icra sənədinin icrasından qərəzli olaraq yayınmış, icra məmurunun qanuni tələblərini yerinə yetirməmişdir. Həmçinin, əvvəllərdə dəfələrlə onun barəsində borcunu ödəməkdən yayındığı üçün inzibati xəta haqqında protokol tərtib olunaraq məhkməyə təqdim edilmişdir. Göstərilənlərə əsasən borclu şəxs Məmmədov X4 Xətalar Məcəlləsinin 528.1-1-ci maddəsində nəzərdə tutulan inzibati xətanı törətmişdir. Beləliklə o, Şəxs barəsində müvafiq inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İnzibati Xətalar Məcəlləsinin 528.1-1-ci maddəsində nəzərdə tutulmuş inzibati xətanı törətməkdə özünü təqsirli bilərək ifadəsində göstərmişdir ki, İmişli Rayon Məhkəməsinin xx.xx.2022-ci il tarixli, 2(036)-185/2022 saylı icra sənədindən xəbəri olmuşdur, lakin maddi imkanı aşağı olduğu üçün icra sənədi üzrə olan borcunu tam olaraq ödəyə bilməmişdir. Hazırda o, işləmir və qazancı yoxdur. Atası əlildir. Himayəsində 3 (üç) uşağı var. Çox çətinliklə dolanır. Hazırda borcunun çox olmasından heç bir ödəniş edə bilmir. Beləliklə o, əməlindən peşman olduğunu bildirərək barəsində yüngül inzibati tənbeh tədbirinin tətbiq edilməsini xahiş etmişdir. İş materiallarında olan və məhkəmə baxışında tədqiq edilmiş: İmişli Rayon Məhkəməsinin xx.xx.2022-ci il tarixli, 2(036)-185/2022 saylı icra sənədindən görünür ki, Şəxs 30000 (otuz min) manat məbləğində pul vəsaitinin tutularaq X3 ödənilməsi qət edilmişdir; icraata başlamaq haqqında xx.xx.2023-cü il tarixli qərarın surətindən görünür ki, İmişli Rayon Məhkəməsinin xx.xx.2022-ci il tarixli, 2(036)-185/2022 saylı icra sənədi əsasında iş üzrə icraata başlanılmış, qərar tələbin könüllü icrası barədə bildirişlə Şəxs göndərilmiş və sonuncu tərəfindən bildirişə imza edilməklə qəbul edilmişdir; Azərbaycan Respublikası Ali məhkəməsinin 2(102)-6140/2022 saylı qərarından görünür ki, cavabdeh Şəxs kassasiya şikayəti qismən təmin edilmiş, Şirvan Apellyasiya Məhkəməsi Mülki Kollegiyasının 2(106)-1406/2022 nömrəli, xx.xx.2022-ci il tarixli qətnaməsi cavabdehdən əldən çıxmış faydaya görə iddiaçıya 500 manat pul ödənilməsi hissəsində (həmin hissədə birinci instansiya məhkəməsinin qətnaməsinin dəyişdirilmədən saxlanması) ləğv edilmiş və qətnamə qalan hissədə dəyişdirilmədən saxlanılmışdır; İmişli Rayon Məhkəməsinin xx.xx.2023-cü il tarixli, 3(036)-368/2023 saylı qərarından görünür ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata xitam verilmişdir; İmişli Rayon Məhkəməsinin xx.xx.2023-cü il tarixli, 8(036)-134/2023 saylı qərardadından görünür ki, borclu Şəxs mülkiyyətində olan “Daimler Benz” minik markalı ** BK *** dövlət qeydiyyat nişanlı avtomobilin üzərinə həbs qoyulmuşdur; Şirvan Apellyasiya Məhkəməsinin 3(106)-264/2023 saylı xx.xx.2023-cü il tarixli qərarından görünür ki, tələbkar X6 tərəfindən verilmiş apellyasiya şikayəti təmin edilmiş, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirləndirilməsinə dair inzibati xəta haqqında İmişli Rayon Məhkəməsinin xx.xx.2023-cü il tarixli, 3(036)-368/2023 saylı qərarı həmin qərardan tələbkar X6 tərəfindən verilmiş apellyasiya şikayətinə münasibətdə ləğv edilmiş və iş yenidən baxılması üçün İmişli Rayon Məhkəməsinə göndərilmişdir; İmişli Rayon Məhkəməsinin xx.xx.2023-cü il tarixli, 3(036)-368/2023 saylı qərarından görünür ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 10 (on) gün müddətində inzibati qaydada həbs edilmişdir; İmişli Rayon İcra və Probasiya Şöbəsinin xx.xx.2023-cü il tarixli qərarından görünür ki, Şəxs mülkiyyətində olan “Daimler Benz” minik markalı ** BK *** dövlət qeydiyyat nişanlı avtomobilin barəsində axtarış elan edilmişdir; İmişli Rayon Məhkəməsinin xx.xx.2023-cü il tarixli, 8(036)-285/2023 saylı qərardadından görünür ki, İmişli Rayon Məhkəməsinin xx.xx.2022-ci il tarixli, 2(036)- 185/2022 saylı icra sənədi üzrə borclu Şəxs ölkədən getmək hüququ icra sənədi üzrə tələb ödənilənədək müvəqqəti məhdudlaşdırılmışdır; Şirvan Apellyasiya Məhkəməsinin 3(106)-357/2023 saylı xx.xx.2023-cü il tarixli qərarından görünür ki, Şəxs Azərbaycan Respublikası İnzibati Xətalar Məcəlləsinin 528.1ci maddəsi ilə təqsirli bilinərək 10 (on) gün müddətində inzibati qaydada həbs edilməsinə dair İmişli Rayon Məhkəməsinin xx.xx.2023-cü il tarixli qərarı ləğv edilmiş və inzibati xəta haqqında iş üzrə icraata həmin Məcəllənin 53.1.6-cı maddəsinə əsasən xitam verilmişdir; İmişli Rayon İcra və Probasiya Şöbəsinin xx.xx.2023-cü il tarixli qərarından görünür ki, İmişli rayonu, Aranlı kəndində qeydiyyatda olan Şəxs barəsində Respublika daxilində axtarış elan edilmişdir. İmişli Rayon Məhkəməsinin xx.xx.2023-cü il tarixli, 3(036)-1190/2023 saylı qərarından görünür ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş xətaya görə 750 (yeddi yüz əlli) manat cərimə edilmişdir; Şirvan Apellyasiya Məhkəməsinin 3(106)-14/2024 saylı xx.xx.2024-cü il tarixli qərarından görünür ki, Şəxs tərəfindən verilmiş şikayət təmin edilmiş, zərərçəkmiş şəxs X6 tərəfindən verilmiş təmin edilmiş, İmişli Rayon Məhkəməsinin Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta iş üzrə xx.xx.2023-cü il tarixli 3(036)-1190/2023 qərarı dəyişdirilmiş, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək tətbiq edilmiş cərimə tənbehi 15 (on beş) gün müddətinə inzibati həbs tənbehi ilə əvəz edilmiəklə ağırlaşdırılmışdır; İmişli Rayon İcra və Probasiya Şöbəsinin xx.xx.2024-cü il tarixli qərarından görünür ki, Şəxs barəsində məcburi gətirilmə qərarı qəbul edilmişdir; İmişli Rayon Məhkəməsinin xx.xx.2024-cü il tarixli, 8(036)-61/2024 saylı qərardadından görünür ki, İmişli Rayon Məhkəməsinin xx.xx.2022-ci il tarixli, 2(036)- 185/2022 saylı icra sənədinin icrasını təmin etmək məqsədi ilə borclu Şəxs məcburi qaydada İmişli Rayon İcra və Probasiya şöbəsinə gətirilmişdir; Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. «İcra məmurları haqqında» Azərbaycan Respublikası Qanununun 10-cu maddəsinə əsasən icra məmurlarının öz səlahiyyətləri hüdudunda irəli sürdükləri tələblər Azərbaycan Respublikası ərazisində bütün fiziki və hüquqi şəxslər üçün məcburidir. İcra məmurlarının qanuni tələblərini yerinə yetirməyən, ona həvalə edilmiş vəzifələrin icrasına mane olan şəxslər qanunvericiliklə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin: 32.1.1-ci maddəsinə əsasən inzibati xəta törətmiş şəxsin səmimi peşmançılığı inzibati xətaya görə məsuliyyəti yüngülləşdirən hal hesab edilir. 32.2-ci maddəsinə əsasən İnzibati tənbeh tətbiq edilərkən bu Məcəllənin 32.1.1 - 32.1.7-ci maddələrində göstərilməmiş başqa hallar da hakim tərəfindən məsuliyyəti yüngülləşdirən hal qismində nəzərə alına bilər. 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. 528.1-1-ci maddəsinə əsasən Bu Məcəllənin 528.1-ci maddəsində nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərarın qanuni qüvvəyə mindiyi gündən bir il ərzində eyni icra sənədinə münasibətdə təkrar törədilməsinə görə fiziki şəxslər min manatdan min beş yüz manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla iki ayadək müddətə inzibati həbs tətbiq olunur, vəzifəli şəxslər iki min beş yüz manatdan dörd min manatadək məbləğdə, hüquqi şəxslər beş min manatdan yeddi min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, icra məmurunun və barəsində inzibati iş üzrə icraat aparılan şəxsin çıxışları, həmçinin inzibati materialda olan digər sənədlərlə sübuta yetirilmişdir ki, borclu Şəxs məhkəmə qətnaməsi ilə üzərinə qoyulmuş öhdəliyini üzrsüz səbəbdən yerinə yetirməyərək icra məmuru tərəfindən müəyyən olunmuş müddətdə İmişli Rayon Məhkəməsinin xx.xx.2022-ci il tarixli, 2(036)- 185/2022 saylı icra sənədinin icrasını təmin etməmişdir. Bununla da, borclu Şəxs məhkəmə qərarında göstərildiyi qaydada icranı tam təmin etməmiş, icra sənədinin icrasına laqeydlik göstərmiş və səhlənkar yanaşmışdır. Bu isə öz növbəsində keçən müddət ərzində icrası məcburi olan Azərbaycan Respublikası adından qəbul edilmiş məhkəmə aktına vətəndaşın səthi və etinasız yanaşmasına dəlalət edir. Şirvan Apellyasiya Məhkəməsinin 3(106)-14/2024 saylı xx.xx.2024-cü il tarixli qərarı ilə ki, Şəxs tərəfindən verilmiş şikayət təmin edilmiş, zərərçəkmiş şəxs X6 tərəfindən verilmiş təmin edilmiş, İmişli Rayon Məhkəməsinin Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta iş üzrə xx.xx.2023-cü il tarixli 3(036)- 1190/2023 qərarı dəyişdirilmiş, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək tətbiq edilmiş cərimə tənbehi 15 (on beş) gün müddətinə inzibati həbs tənbehi ilə əvəz edilmləklə ağırlaşdırılmışdır. Hazırda isə Şəxs Azərbaycan Respublikası İnzibati Xətalar Məcəlləsinin 528.1-1-ci maddəsində nəzərdə tutulmuş inzibati xətanı törətmişdir. Məhkəmənin bu qənaəti həmçinin onunla da əsaslandırır ki, Şəxs 30000 (otuz min) manat məbləğində pul vəsaitinin tutularaq X2 xeyrinə ödənilməsinin qət edilməsinə baxmayaraq, Şəxs bugünədək olan borcunu tam olaraq ödəmədiyindən, onun hazırki vaxtda ödəməli olduğu məbləğ 30000 (otuz min) manat təşkil etmişdir. Bu hal onun məhkəmə qərarının icrasına biganə yanaşdığını və qərarı qərəzli olaraq üzrsüz səbəbdən icra etmədiyini təsdiq edir. Şəxs dövlət adından çıxarılmış məhkəmə qətnaməsinə etinasız yanaşmasının ictimai təhlükəliliyi ondan ibarətdir ki, bu hərəkətlərə yol verməklə o, məhkəmə orqanlarını nüfuzdan salır və bununla da, vətəndaşların məhkəmə sisteminə inamını azaldır. Məhkəmə inzibati xətanın xarakterini nəzərə alıb Şəxs barəsində Azərbaycan Respublikası İnzibati Xətalar Məcəlləsinin 528.1-1-ci maddəsinin sanksiyasında nəzərdə tutulmuş həbs növündə tənbeh tədbiri tətbiq olunmasını məqsədəmüvafiq hesab edir. Yuxarıda göstərilənlərə əsasən Azərbaycan Respublikası İnzibati Xətalar Məcəlləsinin 114,115, 117,130 və 138-ci maddələrini rəhbər tutaraq QƏRARAALDİ: Şəxs Azərbaycan Respublikası İnzibati Xətalar Məcəlləsinin 528.1-1-ci maddəsi ilə təqsirli bilinib 20 (iyirmi) gün inzibati qaydada həbs edilsin. Şəxs həbsdə saxlama müddətinin əvvəli 12 avqust 2024-cü il tarixdən hesablansın. Qərar dərhal icra edilsin. Qərarın icrası İmişli rayon Polis şöbəsinə həvalə edilsin. Qərarın surəti, təqdim edildiyi və ya alındığı gündən 10 (on) gün müddətində qərardan İmişli Rayon Məhkəməsi vasitəsi ilə və ya birbaşa Şirvan Apellyasiya Məhkəməsinə apellyasiya şikayəti verilə bilər. Hakim Orxan Mahmud