İmişli Rayon Məhkəməsi Qərar — İş №3(036)-67/2024

Azərbaycan Respublikası adından QƏRAR İmişli rayonu İş № 3(036)-67/2024 13.03.2024 İMİŞLİ RAYON MƏHKƏMƏSİ İmişli Rayon Məhkəməsinin hakimi Quliyev Telman Osman oğlunun sədrliyi, Şiralıyeva Günel Mirzə qızının katibliyi, barəsində inzibati xəta haqqında iş üzrə icraat aparılan şəxs X10, İmişli rayon icra və probasiya şöbəsinin icra məmuru X11 iştirakı ilə, X5 barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə toplanmış inzibati xəta haqqında materiala İmişli Rayon Məhkəməsinin binasında açıq məhkəmə iclasında baxaraq, məhkəmə М Ü Ə Y Y Ə N E T D İ: İmişli rayon icra və probasiya şöbəsinin icra məmuru X19 tərəfindən X10 barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə xx.xx.2024-cü il tarixli, MN ******* nömrəli inzibati xəta haqqında protokol tərtib olunmuşdur ona görə ki, o, İmişli Rayon Məhkəməsinin xx.xx.2018-ci il tarixli, 2(036)-1640/2018 saylı icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra etməmiş və icra məmurunun qanuni tələbini yerinə yetirməmişdir. Məhkəmə iclasında barəsində inzibati xəta haqqında iş üzrə icraat aparılan şəxs X10 Azərbaycan Respublikası İnzibati Xətalar Məcəlləsinin 528.1-ci maddəsi ilə özünü qismən təqsirli bilərək izahatında göstərdi ki, onun aylıq gəliri az olub, maddi imkansızlıq ucbatından icra sənədi üzrə öhdəliyini tam icra edə bilməmiş və nəticədə borcu yaranmışdır. Hər ay gücü çatdığı qədər icra sənədi üzrə müvafiq ödənişlər etməyə çalışmışdır. Gələcəkdə aliment borcunu tam ödəyəcəkdir. Ona görə də barəsində yüngül cəza təyin olunmasını xahiş edir. Məhkəmə iclasında İmişli rayon icra və probasiya şöbəsinin icra məmuru X19 izahat verərək göstərdi ki, borclu X3 Rayon Məhkəməsinin xx.xx.2018-ci il tarixli, 2(036)- 1640/2018 saylı icra sənədini üzrə borclu olduğu pul vəsaitinin ödənilməsi üçün üzərinə düşən vəzifəsini tam icra etməmişdir. X1 da icra sənədi üzrə mövcud borcun dəqiqləşdirməməsi nəticəsində icra ilə bağlı bəzi çaşqınlıqlar yaranmışdır. Bundan əvvəl tərəflərin arasında olan razılaşma əsasında X10 tələbkara aylıq 100 manat olmaqla ödənişlər etmişdir. İmişli Rayon Məhkəməsinin xx.xx.2018-ci il tarixli, 2(036)-1640/2018 saylı icra sənədi üzrə borclu X4 tərəflərin birgə nikahından doğulmuş 07 noyabr 2004-cü il təvəllüdlü X12, 30 dekabr 2002-ci il təvəllüdlü X8, 18 sentyabr 2007-ci il təvəllüdlü X13, 02 avqust 2009-cu il təvəllüdlü X15, 25 avqust 2013-cü il təvəllüdlü X16, 11 sentyabr 2012-ci il təvəllüdlü X14 adlı uşaqların yetkinlik yaşına çatana qədər saxlanması üçün hər ay bir uşağa görə 50 manat sabit pul məbləğində aliment 30 may 2018-ci il tarixdən başlayaraq tutulub X7 xeyrinə verilməli olduğu müəyyən olunur. İmişli rayon icra və probasiya şöbəsinin icra məmurunun xx.xx.2023-ci il tarixli qərarı ilə borclunun haqqında axtarış elan olunmuş, İmişli Rayon Polis Şöbəsi tərəfindən 440326 nömrəli axtarış işi açılmışdır . İş materiallarına əlavə edilmiş X17 tərəfindən İmişli rayon icra və probasiya şöbəsinə ünvanlanmış ərizə ilə müəyyən olunur ki, X17 1900 manat qalıq borcdan 400 manat ödənildikdən sonra yerdə qalan məbləğdən imtina etdiyini və iyun ayından etibarən ayda 100 manat ödəniş edilməsi ilə bağlı razılığa gəldiklərini bildirmişdir. İşdən görünür ki, icra məmuru tərəfindən icra sənədi üzrə icra tədbirlərinin həyata keçirilməsi barədə, yəni borclunun adına hər hansı bir əmlakın, bank hesablarının, tələbin borclunun yönəldilə biləcək əmək haqqının və sair gəlirlərinin olub-olmamasının müəyyənləşdirilməsi istiqamətində icra tədbirləri görmüş, lakin tələbin yönəldilə biləcəyi əmlak aşkar edilməmişdir. Azərbaycan Respublikası İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə inzibati məsuliyyət nəzərdə tutulmuşdur. Azərbaycan Respublikası İnzibati Xətalar Məcəlləsi Maddə 2. Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariyaepidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir. Maddə 3. Bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. Maddə 4. Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Maddə 8.1. Barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Maddə 12.1. Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Maddə 48. İnzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Maddə 76.1. İnzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Maddə 84.1. İnzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə işdə olan materialları tədqiq edərək hesab edir ki, X3 Rayon Məhkəməsinin xx.xx.2018-ci il tarixli, 2(036)-1640/2018 saylı icra sənədi üzrə borclu 07 noyabr 2004-cü il təvəllüdlü X12, 30 dekabr 2002-ci il təvəllüdlü X8, 18 sentyabr 2007-ci il təvəllüdlü X13, 02 avqust 2009-cu il təvəllüdlü X15, 25 avqust 2013-cü il təvəllüdlü X16, 11 sentyabr 2012-ci il təvəllüdlü X14 adlı uşaqların yetkinlik yaşına çatana qədər saxlanması üçün hər ay bir uşağa görə 50 manat sabit pul məbləğində aliment 30 may 2018-ci il tarixdən başlayaraq tutulub X7 xeyrinə verilməsi barədə icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra etməmiş və icra məmurunun qanuni tələbini yerinə yetirməmişdir. Ona görə də, X2 Xətalar Məcəlləsinin 528.1-ci maddəsi ilə nəzərdə tutulmuş inzibati xətaya görə inzibati qaydada tənbeh olunmalıdır. İş üzrə məsuliyyəti yüngülləşdirən və ağırlaşdıran hallar müəyyən edilməmişdir. Məhkəmə inzibati xətanın xarakterini və işin faktiki hallarını nəzərə alaraq X10 barəsində İnzibati Xətalar Məcəlləsinin müvafiq maddəsinin sanksiyasında nəzərdə tutulmuş cərimə növündə tənbeh tətbiq olunmasını məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 114,115, 117,130 və 138-ci maddələrini rəhbər tutaraq, məhkəmə Q Ə R A R A A L D İ: X10 Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətaya görə 750 manat cərimə edilsin. Qərardan 10 (on) gün müddətində İmişli Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Hakim: Telman Quliyev