İmişli Rayon Məhkəməsi Qərar — İş №3(036)-785/2025

Azərbaycan Respublikası adından QƏRAR İmişli rayonu İş № 3(036)-785/2025 29.05.2025 İMİŞLİ RAYON MƏHKƏMƏSİ Hakim Mahmud Orxan Əlövsət oğlunun sədrliyi, Tağıyev Rasət Şaiq oğlunun katibliyi, İmişli Regional Ədliyyə İdarəsinin nümayəndəsi X1, İnzibati xəta törətmiş şəxs Şəxs iştirakı ilə, xx.xx.1964-cü il tarixdə İmişli rayonu, Mürsəlli kəndində anadan olmuş Azərbaycan Respublikası vətəndaşı, evli, İmişli rayonu Muradallı bələdiyyəsinin sədri vəzifəsində işləyən, İmişli rayonu, Mürsəlli kəndində yaşayan Şəxs barəsində Azərbaycan Respublikası İnzibati Xətalar Məcəlləsinin 549.2-ci maddəsi ilə olan inzibati xəta haqqında iş üzrə icraat materiallarına açıq məhkəmə iclasında baxaraq, MÜƏYYƏNETDİ: Şəxs barəsində Azərbaycan Respublikası İnzibati Xətalar Məcəlləsinin 549.2-ci maddəsi ilə olan ondan ötrü inzibati xəta haqqında protokol tərtib edilmişdir ki, o, İmişli rayonu Muradallı bələdiyyəsinin mütləq təqdim edilməli olan xx.xx.2025-ci il tarixli, 05 saylı iclas protokolunu bələdiyyənin fəaliyyətinə inzibati nəzarəti həyata keçirən orqana beş iş günündən gec göndərmişdir. Məhkəmə iclasında inzibati xəta haqqında protokolu tərtib etmiş İmişli Regional Ədliyyə İdarəsinin nümayəndəsi X3 protokolun məzmununa uyğun izahat verərək Şəxs Azərbaycan Respublikası İXM-nin 549.2-ci maddəsi nəzərdə tutulmuş xətanı törətdiyinə görə barəsində müvafiq olaraq 25 aprel 2025-ci il tarixli MN seriyalı ******* saylı protokol tərtib olunduğunu və Şəxs barəsində müvafiq inzibati tənbeh tədbirinin tətbiq edilməsini xahiş etmişdir. İmişli rayonu Muradallı bələdiyyəsinin sədri Şəxs bildirdi ki, barəsində ədalətli qərar qəbul edilməsini məhkəmədən xahiş etdi. İmişli Regional Ədliyyə İdarəsi tərəfindən tərtib edilmiş 25 aprel 2025-ci il tarixli MN seriyalı ******* saylı inzibati xəta haqqında protokoldan görünür ki, İmişli rayonu Muradallı bələdiyyəsinin sədri Şəxs bələdiyyənin mütləq təqdim edilməli olan xx.xx.2025-ci il tarixli, 05 saylı iclas protokolu inzibati nəzarəti həyata keçirən orqana beş iş günündən gec göndərildiyinə görə Azərbaycan Respublikası İXM-nin 549.2-ci maddəsində nəzərdə tutulan inzibati xətanı törətmişdir; İşdə olan İmişli rayonu Muradallı bələdiyyəsinin xx.xx.2025-ci il tarixli, 05 saylı iclas protokolundan görünür ki, İmişli rayonu Muradallı bələdiyyəsinin mülkiyyətində icarə predimeti olan örüş torpaq sahəsindən 20 ha torpaq sahəsində heyvandarlığın inkişaf etdirilməsi üçün torpaq hərracın keçirilməsi ilə bağlı torpaq sahəsi üzərində bələdiyyənin mülkiyyət hüququnun qeydiyyata alınma prosedurunun başa çatdığı nəzərə alınmış, İmişli rayonu Muradallı bələdiyyəsinin mülkiyyətində hərrac predmeti olan 20 ha örüş torpaq sahəsində heyvandarlığın inkişaf etdirilməsi məqsədi ilə 15 il müddətinə icarəyə verilməsi üçün torpaq hərracı keçirilsin, hərracda icarəyə veriləcək torpağın qiyməti hər hektarı 135.30 manat olmaqla cəmi 2706 (iki min yeddi yüz altı) manat müəyyən edilmiş müsabiqənin keçirilməsi barədə İmişli rayonu Muradallı bələdiyyəsi ilə X2 arasında icarə müqavilə bağlanmış, bu qərarın icrasına nəzarət İmişli rayonu Muradallı bələdiyyəsinin sədrinə həvalə edilmiş, İmişli rayonu Muradallı bələdiyyəsinin mülkiyyətində hərrac predimeti olan örüş torpaq sahəsindən 20 ha torpaq sahəsində kənd təsərrüfatı məhsulların inkişaf etdirilməsi üçün torpaq hərracın keçirilməsi ilə bağlı torpaq sahəsi üzərində bələdiyyənin mülkiyyət hüququnun qeydiyyata alınma prosedurunun başa çatdığı nəzərə alınmış, İmişli rayonu Muradallı bələdiyyəsinin mülkiyyətində hərrac predmeti olan 20 ha əkin torpaq sahəsində kənd təsərrüfatı məhsulların inkişaf etdirilməsi məqsədi ilə 20 il müddətinə icarəyə verilməsi üçün torpaq hərracı keçirilsin, hərracda icarəyə veriləcək torpağın qiyməti hər hektarı 135 manat 60 qəpik manat olmaqla cəmi 2706 (iki min yeddi yüz altı) manat müəyyən edilsin, müsabiqənin keçirilməsi barədə İmişli rayonu Muradallı bələdiyyəsi ilə X2 arasında icarə müqavilə bağlanmış, bu qərarın icrasına nəzarət İmişli rayonu Muradallı bələdiyyəsinin sədrinə həvalə edilmişdir. İşdə olan Azərbaycan Respublikası Bələdiyyələrlə İş Portalından çıxarışdan görünür ki, İmişli rayonu Muradalılı bələdiyyəsininxx.xx.2025-ci il tarixli iclas protokolu xx.xx.2025cü il tarixdə sistemə yerləşdirilmişdir. “Bələdiyyələrin fəaliyyətinə inzibati nəzarət haqqında” Azərbaycan Respublikası Qanunun 6.1 və 6.1.6-cı maddəsinə əsasən həmin Qanunun 5.0.1-ci maddəsində nəzərdə tutulmuş əsas üzrə inzibati nəzarətin həyata keçirilməsini təmin etmək məqsədi ilə bələdiyyələr qəbul etdikləri bələdiyyələr üçün xərclər və maliyyə öhdəlikləri doğuran aktları qəbul edildiyi tarixdən 3 iş günündən gec olmayaraq inzibati nəzarəti həyata keçirən orqanın informasiya sistemində (bundan sonra – informasiya sistemi) yerləşdirməlidirlər: Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 549.2-ci maddəsinə əsasən Bələdiyyə qərarlarının qəbul edildiyi vaxtdan 3 iş günü ərzində onların surətinin bələdiyyələrin fəaliyyətinə inzibati nəzarəti həyata keçirən orqanın informasiya sistemində yerləşdirilməməsinə görə vəzifəli şəxslər dörd yüz manatdan altı yüz manatadək məbləğdə cərimə edilir.bələdiyyələrin fəaliyyətinə inzibati nəzarəti həyata keçirən orqana mütləq təqdim olunmalı bələdiyyə aktlarının surətlərinin vaxtında təqdim edilməməsinə görə inzibati məsuliyyət nəzərdə tutulmuşdur. Məhkəmə barəsində proses iştiakçılarını dinləyib işdə olan materialları tədqiq edərək hesab edir ki, Şəxs Azərbaycan Respublikası İXM-nin 549.2-ci maddəsində nəzərdə tutulan inzibati xətanı törətmişdir. Belə ki, İmişli rayonu Muradalılı bələdiyyəsininxx.xx.2025-ci il tarixli iclas protokolu 3 iş günündən gec olmayaraq inzibati nəzarəti həyata keçirən orqanın informasiya sistemində (bundan sonra – informasiya sistemi) yerləşdirməli olsa da, heç bir üzrlü səbəb olmadan xx.xx.2025-ci il tarixdə yerləşdirilmişdir. Bununla da qanunvericiliyin tələbləri pozulmuşdur. Ona görə də Şəxs, həmin maddə ilə təqsirli bilinib inzibati qaydada tənbeh olunmalıdırlar. Azərbaycan Respublikası İnzibati Xətalar Məcəlləsinin 32.2-ci maddəsinə əsasən fiziki şəxslər barəsində inzibati tənbeh tədbiri tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuıiyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın xarakterini nəzərə alıb Şəxs barəsində maddənin sanksiyasında nəzərdə tutulmuş cərimə növündə tənbeh tədbiri tətdiq edilməsini məqsədəmüvafiq hesab edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43,50, 114,115, 117,130 və 138-ci maddələrini rəhbər tutaraq QƏRARAALDİ: Şəxs Azərbaycan Respublikası İnzibati Xətalar Məcəlləsinin 549.2-ci maddəsində nəzərdə tutulmuş inzibati xəta hadisəsinin törədilməsində təqsirli bilinib 400 (dörd yüz) manat cərimə edilsin. Qərarın icrası İmişli rayon İcra və Probasiya Şöbəsinə həvalə edilsin. Qərardan 10 (on) gün müddətində İmişli Rayon Məhkəməsi vasitəsi ilə Azərbaycan Respublikası Şirvan Apellyasiya Məhkəməsinə apellyasiya şikayəti verilə bilər. Hakim Orxan Mahmud