İsmayıllı Rayon Məhkəməsi Qərar — İş №3(037)-153/2021

Azərbaycan Respublikası adından QƏRAR İsmayıllı rayonu İş № 3(037)-153/2021 29.04.2021 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi Qasımov Sənani Nazir oğlunun katibliyi ilə xx xxxxxx 1989-cu il tarixdə İsmayıllı şəhərində anadan olmuş, İsmayıllı şəhəri, M.Orucov küçəsi, dalan 6, ev 1də yaşayan, Şəxs barəsində Bakı şəhər Nərimanov rayon Polis İdarəsindən Azərbaycan Respublikası İnzibati Xətalar Məcəlləsinin 529.3-cü maddəsi ilə olan inzibati xəta haqqında materiala 29 aprel 2021-ci il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq müəyyən etdi: Şəxs 28 oktyabr 2020-ci il tarixdə ”VAZ-21723” markalı ** DP *** dövlət qeydiyyat nişanlı avtomobillə manevr etmə qaydalarını pozduğuna görə Azərbaycan Respublikası İnzibati Xətalar Məcəlləsinin 327.1-ci maddəsi ilə inzibati məsuliyyətə cəlb edilərək həmin tarixli qərarla 40 (qırx) manat miqdarında inzibati cərimə edilməsinə baxmayaraq, qeyd olunan qərarı qanunla müəyyən edilmiş əsaslar olmadan icra etmədiyi üçün barəsində 12 fevral 2021-ci il tarixdə Bakı şəhər Nərimanov rayon Polis İdarəsinin Dövlət X1 tərəfindən Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilərək baxılması üçün aidiyyəti üzrə məhkəməyə göndərilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasının vaxtı və yeri barədə lazımi qaydada rəsmi məlumat verilməsinə baxmayaraq məhkəmə iclasına gəlməmiş, gəlmədiyinin səbəbləri barədə məlumat verməmişdir. Məhkəmə Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən işə onun iştirakı olmadan baxılmasını qərara almışdır. İnzibati xəta haqqında protokoldan görünür ki, Şəxs 28 oktyabr 2020-ci il tarixli İXP ******* nömrəli inzibati xəta haqqında qərar əsasında qəbul edilmiş 40 (qırx) manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə 24 (iyirmi dörd) manat miqdarında dəbbə pulu gələrək, 12.02.2021-ci il tarixə 64 (altmış dörd) manat məbləğində cərimə borcu yaranmışdır. Şəxs barəsində Bakı şəhər Nərimanov rayon Polis İdarəsinin Dövlət X1 tərəfindən tərtib edilmiş 12 fevral 2021-ci il tarixli İXP ******* nömrəli inzibati xəta haqqında protokoldan görünür ki, Şəxs inzibati cərimə növündə inzibati tənbeh tətbiq etmə haqqında qərarı icra etmədiyinə görə barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilmişdir. 16 aprel 2021-ci il tarixli portal məlumat sistemi üzrə çıxarışdan müəyyən edilir ki, Şəxs 28 oktyabr 2020-ci il tarixli İXP ******* nömrəli inzibati xəta haqqında qərar əsasında qəbul edilmiş 40 (qırx) manat miqdarında inzibati cərimə və həmin cəriməyə hesablanmış 24 (iyirmi dörd) manat miqdarında dəbbə pulunu - cəmi 64 (altmış dörd) manat məbləği məhkəmə qərar qəbul edilənədək müvafiq hesaba ödəmişdir. Məhkəmə iş materiallarını nəzərdən keçirib qərara gəlir ki, Şəxs inzibati məsuliyyətdən azad olunmalıdır. Məhkəmə araşdırması ilə müəyyən edildi ki, Şəxs 28 oktyabr 2020-ci il tarixdə ”VAZ-21723” markalı ** DP *** dövlət qeydiyyat nişanlı avtomobillə manevr etmə qaydalarını pozduğuna görə Azərbaycan Respublikası İnzibati Xətalar Məcəlləsinin 327.1-ci maddəsi ilə inzibati məsuliyyətə cəlb edilərək həmin tarixli qərarla 40 (qırx) manat miqdarında inzibati cərimə edilmişdir. Şəxs 28 oktyabr 2020-ci il tarixli İXP ******* nömrəli inzibati xəta haqqında qərar əsasında qəbul edilmiş 40 (qırx) manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə 24 (iyirmi dörd) manat miqdarında dəbbə pulu hesablanmışdır. Şəxs inzibati cərimə növündə inzibati tənbeh etmə haqqında adı çəkilən qərarı qanunla müəyyən edilmiş əsaslar olmadan icra etmədiyinə görə barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilmişdir. Şəxs 28 oktyabr 2020-ci il tarixli İXP ******* nömrəli inzibati xəta haqqında qərar əsasında qəbul edilmiş 40 (qırx) manat miqdarında inzibati cərimə və həmin cəriməyə hesablanmış 24 (iyirmi dörd) manat miqdarında dəbbə pulunu - cəmi 64 (altmış dörd) manat məbləği 29 aprel 2021-ci il tarixdə məhkəmə qərar qəbul edilənədək müvafiq hesaba ödəmişdir. Şəxs idarə etdiyi nəqliyyat vasitəsinin duracağa gətirilməsi və onun orada saxlanılmasına görə haqq ödənilməsi halları aşkar edilməmişdir. Azərbaycan Respublikası İnzibati Xətalar Məcəlləsinin 529.3-cü maddəsinə əsasən yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitələrini idarə etmək hüququnun altı aydan bir ilədək müddətə məhdudlaşdırılması nəzərdə tutulmuşdur. Həmin maddənin qeyd hissəsinin məzmununa görə bu Məcəllənin 529.1-ci və ya 529.2-ci maddələrində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu (bu Məcəllə ilə müəyyən edilmiş hallarda), 529.3-cü maddəsində nəzərdə tutulmuş inzibati xətanı törətmiş şəxs isə müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. İşin məhkəmə tərəfindən müəyyən edilmiş faktiki hallarından görünür ki, barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xəta tərkibinin bütün əlamətləri olmaqla o, qeyd olunun inzibati xəta hadisəsini törətmişdir. Lakin, Şəxs inzibati cərimə növündə inzibati tənbeh tətbiq etmə haqqında 28 oktyabr 2020-ci il tarixli İXP ******* nömrəli inzibati xəta haqqında qərar əsasında tətbiq edilmiş 40 (qırx) manat miqdarında inzibati cərimə və həmin cəriməyə hesablanmış 24 (iyirmi dörd) manat miqdarında dəbbə pulunu - cəmi 64 (altmış dörd) manat məbləği 29 mart 2021-ci il tarixdə məhkəmə qərar qəbul edənədək müvafiq hesaba ödədiyinə görə onun inzibati məsuliyyətə cəlb edilməsi zərurəti aradan qalxmışdır. Həmin əsaslara görə məhkəmə qərara gəlir ki, Azərbaycan Respublikası İnzibati Xətalar Məcəlləsinin 529.3-cü maddəsinin tələbləri baxımından Şəxs inzibati məsuliyyətdən azad olunması barədə qərar qəbul edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 105, 110-115, 529-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati məsuliyyətdən azad olunsun. Qərarın surəti təqdim edildiyi və ya alındığı gündən 10 (on) gün müddətində İsmayıllı Rayon Məhkəməsi vasitəsi ilə Şəki Apelyasiya Məhkəməsinə şikayət verilə bilər. Sədrlik edən Rəfayel Şirinov