İsmayıllı Rayon Məhkəməsi Qərar — İş №3(037)-248/2020

Azərbaycan Respublikası adından QƏRAR İsmayıllı rayonu İş № 3(037)-248/2020 13.07.2020 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi Qasımov Sənani Nazir oğlunun katibliyi ilə xx xxxxxxx 1990-cı il tarixdə İsmayıllı rayonu, Qaraqaya kəndində anadan olmuş, həmin kənddə yaşayan, Şəxs barəsində İsmayıllı rayon Polis Şöbəsindən Azərbaycan Respublikası İnzibati Xətalar Məcəlləsinin 529.3-cü maddəsi ilə olan inzibati xəta haqqında materiala 13 iyul 2020-ci il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq müəyyən etdi: Şəxs idarə etdiyi ”Vaz 21074” markalı ** GO *** dövlət qeydiyyat nişanlı avtomobillə ayrı-ayrı vaxtlarda yol hərəkəti qaydalarını pozduğuna görə 13 yanvar 2020-ci il tarixdə Azərbaycan Respublikası İnzibati Xətalar Məcəlləsinin 469.3-cü maddəsi ilə 50 (əlli) manat miqdarında və 29 fevral 2020-ci il il tarixdə Azərbaycan Respublikası İnzibati Xətalar Məcəlləsinin 346-1.2-ci maddəsi ilə 10 (on) manat miqdarında inzibati cərimə edilməsinə baxmayaraq, qeyd olunan qərarı qanunla müəyyən edilmiş əsaslar olmadan icra etmədiyi üçün barəsində 23 iyun 2020-ci il tarixdə İsmayıllı rayon Polis Şöbəsinin Dövlət Yol Polisi Bölməsi tərəfindən Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilərək baxılması üçün aidiyyəti üzrə məhkəməyə göndərilmişdir. Barəsində inzibati xəta haqqında iş üzrə icraat aparılan şəxs Şəxs məhkəmə iclasının vaxtı və yeri barədə lazımi qaydada rəsmi məlumat verilməsinə baxmayaraq məhkəmə iclasına gəlməmiş, gəlmədiyinin səbəbləri barədə məlumat verməmişdir. Məhkəmə Azərbaycan Respublikası İnzibati Xətalar Məcəlləsinin 112.1.4-cü maddəsinə əsasən işə onun iştirakı olmadan baxılmasını qərara almışdır. Portal məlumat sistemi üzrə çıxarışdan müəyyən edilir ki, Şəxs 13 yanvar 2020-ci il tarixli EQ ******* nömrəli inzibati xəta haqqında protokol əsasında tətbiq edilmiş 50 (əlli) manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə 30 (otuz) manat miqdarında dəbbə pulu gələrək, cəmi 80 (səksən) manat məbləğində və 29 fevral 2020-ci il il tarixli İXP ******* nömrəli inzibati xəta haqqında protokol əsasında tətbiq edilmiş 10 (on) manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə 06 (altı) manat miqdarında dəbbə pulu gələrək, cəmi 16 (on altı) manat məbləğində 23.06.2020-ci il tarixə cərimə borcu yaranmışdır. Şəxs haqqında İsmayıllı rayon Polis Şöbəsinin Dövlət Yol Polisi Bölməsi tərəfindən tərtib edilmiş 23 iyun 2020-ci il tarixli İXP ******* nömrəli inzibati xəta haqqında protokoldan görünür ki, Şəxs inzibati cərimə növündə inzibati tənbeh tətbiq etmə haqqında qərarı icra etmədiyinə görə barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilmişdir. 10 iyul 2020-ci il tarixli ödəniş qəbzlərindən müəyyən edilir ki, Şəxs 13 yanvar 2020-ci il tarixli EQ ******* nömrəli inzibati xəta haqqında protokol əsasında tətbiq edilən 50 (əlli) manat miqdarında inzibati cərimə və həmin cəriməyə hesablanmış 30 (otuz) manat miqdarında dəbbə pulunu - cəmi 80 (səksən) manat məbləği və 29 fevral 2020-ci il tarixli İXP ******* nömrəli inzibati xəta haqqında protokol əsasında tətbiq edilən 10 (on) manat miqdarında inzibati cərimə və həmin cəriməyə hesablanmış 06 (altı) manat miqdarında dəbbə pulunu - cəmi 16 (on altı) manat məbləği 10 iyul 2020-ci il tarixdə məhkəmə qərar qəbul edilənədək müvafiq hesaba ödəmişdir. Məhkəmə iş materiallarını nəzərdən keçirib qərara gəlir ki, Şəxs inzibati məsuliyyətdən azad olunmalıdır. Məhkəmə araşdırması ilə müəyyən edildi ki, Şəxs idarə etdiyi ”Vaz 21074” markalı ** GO *** dövlət qeydiyyat nişanlı avtomobillə ayrı-ayrı yol hərəkəti qaydalarını pozduğuna görə Azərbaycan Respublikası İnzibati Xətalar Məcəlləsinin 469.3-cü maddəsi ilə inzibati məsuliyyətə cəlb edilərək 13 yanvar 2020-ci il tarixli qərarla 50 (əlli) manat miqdarında və İXM-nin 346-1.2-ci maddəsi ilə inzibati məsuliyyətə cəlb edilərək 29 fevral 2020-ci il tarixli qərarla 10 (on) manat miqdarında inzibati cərimə edilmişdir. Şəxs 13 yanvar 2020-ci il tarixli EQ ******* nömrəli inzibati xəta haqqında protokol əsasında tətbiq edilmiş 50 (əlli) manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə 30 (otuz) manat miqdarında dəbbə pulu və 29 fevral 2020-ci il tarixli İXP ******* nömrəli inzibati xəta haqqında protokol əsasında tətbiq edilmiş 10 (on) manat miqdarında inzibati cəriməni qanunla müəyyən edilmiş müddətdə ödəmədiyinə görə cərimə məbləğinə 06 (altı) manat miqdarında dəbbə pulu hesablanmışdır. Şəxs inzibati cərimə növündə inzibati tənbeh etmə haqqında adı çəkilən qərarı qanunla müəyyən edilmiş əsaslar olmadan icra etmədiyinə görə barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta haqqında protokol tərtib edilmişdir. Şəxs 13 yanvar 2020-ci il tarixli EQ ******* nömrəli inzibati xəta haqqında protokol əsasında tətbiq edilən 50 (əlli) manat miqdarında inzibati cərimə və həmin cəriməyə hesablanmış 30 (otuz) manat miqdarında dəbbə pulunu - cəmi 80 (səksən) manat məbləği və 29 fevral 2020-ci il tarixli İXP ******* nömrəli inzibati xəta haqqında protokol əsasında tətbiq edilən 10 (on) manat miqdarında inzibati cərimə və həmin cəriməyə hesablanmış 06 (altı) manat miqdarında dəbbə pulunu - cəmi 16 (on altı) manat məbləği 10 iyul 2020-ci il tarixdə məhkəmə qərar qəbul edilənədək müvafiq hesaba ödəmişdir. Şəxs idarə etdiyi nəqliyyat vasitəsinin duracağa gətirilməsi və onun orada saxlanılmasına görə haqq ödənilməsi halları aşkar edilməmişdir. Azərbaycan Respublikası İnzibati Xətalar Məcəlləsinin 529.3-cü maddəsinə əsasən yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitələrini idarə etmək hüququnun altı aydan bir ilədək müddətə məhdudlaşdırılması nəzərdə tutulmuşdur. Həmin maddənin qeyd hissəsinin məzmununa görə bu Məcəllənin 529.1-ci və ya 529.2-ci maddələrində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu (bu Məcəllə ilə müəyyən edilmiş hallarda), 529.3-cü maddəsində nəzərdə tutulmuş inzibati xətanı törətmiş şəxs isə müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. İşin məhkəmə tərəfindən müəyyən edilmiş faktiki hallarından görünür ki, barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati xəta tərkibinin bütün əlamətləri olmaqla o, qeyd olunun inzibati xəta hadisəsini törətmişdir. Lakin, Şəxs inzibati cərimə növündə inzibati tənbeh tətbiq etmə haqqında 13 yanvar 2020-ci il tarixli EQ ******* nömrəli inzibati xəta haqqında protokol əsasında tətbiq edilən 50 (əlli) manat miqdarında inzibati cərimə və həmin cəriməyə hesablanmış 30 (otuz) manat miqdarında dəbbə pulunu - cəmi 80 (səksən) manat məbləği və 29 fevral 2020-ci il tarixli İXP ******* nömrəli inzibati xəta haqqında protokol əsasında tətbiq edilən 10 (on) manat miqdarında inzibati cərimə və həmin cəriməyə hesablanmış 06 (altı) manat miqdarında dəbbə pulunu - cəmi 16 (on altı) manat məbləği 10 iyul 2020-ci il tarixdə məhkəmə qərar qəbul edənədək müvafiq hesaba ödədiyinə görə onun inzibati məsuliyyətə cəlb edilməsi zərurəti aradan qalxmışdır. Həmin əsaslara görə məhkəmə qərara gəlir ki, Azərbaycan Respublikası İnzibati Xətalar Məcəlləsinin 529.3-cü maddəsinin tələbləri baxımından Şəxs inzibati məsuliyyətdən azad olunması barədə qərar qəbul edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 105, 110-115, 529-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 529.3-cü maddəsində nəzərdə tutulan inzibati məsuliyyətdən azad olunsun. Qərarın surəti təqdim edildiyi və ya alındığı gündən 10 (on) gün müddətində İsmayıllı Rayon Məhkəməsi vasitəsi ilə Şəki Apelyasiya Məhkəməsinə şikayət verilə bilər. Sədrlik edən Rəfayel Şirinov