İsmayıllı Rayon Məhkəməsi Qərar — İş №3(037)-269/2020

Azərbaycan Respublikası adından QƏRAR İsmayıllı rayonu İş № 3(037)-269/2020 22.07.2020 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi Qasımov Sənani Nazir oğlunun katibliyi, İnzibati xəta haqqında protokol tərtib etmiş şəxs – İsmayıllı rayon Polis Şöbəsinin İctimai Təhlükəsizlik Bölməsinin polis sahə rəisi x3, Barəsində inzibati xəta haqqında iş üzrə icraat aparılan şəxs Şəxs iştirakı ilə xx xxx 1994-cü il tarixdə İsmayıllı rayonu Quşencə kəndində anadan olmuş, həmin kənddə yaşayan, Azərbaycan Respublikası vətəndaşı, subay, orta təhsilli, işləməyən, öz deməsinə görə il ərzində eyni inzibati xətaya görə inzibati məsuliyyətə cəlb edilməmiş, fərdi identifikasiya nömrəsi xxxxxxx Şəxs barəsində İsmayıllı Rayon Polis Şöbəsindən Azərbaycan Respublikası İnzibati Xətalar Məcəlləsinin 525-ci maddəsi ilə daxil olmuş inzibati xəta haqqında materiala 22 iyul 2020-ci il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq müəyyən etdi: Şəxs 21 iyul 2020-ci il tarixdə saat 14:00 radələrində İsmayıllı rayonu Xanagah kəndi ərazisində həmkəndliləri x5 və x2 ilə pulla qumar oynaması faktı üzrə barəsində İsmayıllı rayon Polis Şöbəsi tərəfindən Azərbaycan Respublikası İnzibati Xətalar Məcəlləsinin 525-ci maddəsi ilə inzibati qaydada protokol tərtib edilməklə aidiyyəti üzrə baxılması üçün məhkəməyə göndərilmişdir. Şəxs barəsində Azərbaycan Respublikası İnzibati Xətalar Məcəlləsinin 525-ci maddəsi ilə inzibati xəta haqqında protokol tərtib etmiş şəxs - İsmayıllı rayon Polis Şöbəsinin İctimai Təhlükəsizlik Bölməsinin polis sahə rəisi x6 izahatında göstərdi ki, 21 iyul 2020-ci il tarixdə post patrul xidməti əməkdaşları İsmayıllı rayonu Xanagah kəndində ərazisində xidmətdə olarkən 3 nəfər şəxsin oyun kartı vasitəsi ilə qumar oynaması aşkar edilmişdir. Oyun ləvazimatı və oyuna qoyulmuş 7 manat pul götürülmüş və həmin şəxslər rayon polis şöbəsinə gətirilmişdir. Polis şöbəsində olarkən həmin şəxslərin Quşencə kənd sakinləri Şəxs, x5 və x1 olması müəyyən olunmuşdur. Həmin fakt üzrə Yadigar Babzadə barəsində tərəfindən Azərbaycan Respublikası İXM-nin 525-ci maddəsi ilə inzibati xəta haqqında protokol tərtib olunmuşdur. Barəsində inzibati xəta haqqında iş üzrə icraat aparılan şəxs Şəxs izahat verərək göstərdi ki, 21 iyul 2020-ci il tarixdə İsmayıllı rayonu Xanagah kəndi ərazisində həmkəndliləri Elyar və Pərvinlə birlikdə pulnan qumar oynamışdır. Bir qədər sonra oraya polis əməkdaşları gəlmiş, qumar oynadıqları üçün onları rayon polis şöbəsinə dəvət etmişlər. Polis şöbəsində izahatları alındıqdan sonra barəsində inzibati xəta haqqında protokol tərtib olunmuşdur. O, əməlindən peşmandır və bir daha belə hallara yol verməyəcəyinə söz verir. Qeyd etdikləri nəzərə alınmaqla ona daha yüngül cəza verilməsini xahiş edir. İş materiallarına əlavə edilmiş 21 iyul 2020-ci il tarixli, MN ******* inzibati xəta haqqında protokoldan görünür ki, Şəxs 21 iyul 2020-ci il tarixdə İsmayıllı rayonu Xanagah kəndi ərazisində həmkəndliləri ilə qumar oynamış və stolun üzərindən 36 (otuz altı) ədəd kart və yeddi ədəd 1 (bir) manatlıq kağız pul maddi sübut olaraq götürülmüşdür. Məhkəmə araşdırması ilə müəyyən edildi ki, Şəxs 21 iyul 2020-ci il tarixdə saat 14:00 radələrində İsmayıllı rayonu Xanagah kəndi ərazisində həmkəndliləri x5 və x2 ilə pulla qumar oynamışdır. Şəxs Azərbaycan Respublikası İXM-in 525-ci maddəsində nəzərdə tutulan inzibati xətanı törətməsi araşdırılmış sübutlarla tam sübuta yetir, onun qumar oynaması özünün etirafedici izahatı və tədqiq olunmuş digər materiallarla da tam təsdiqini tapır. Azərbaycan Respublikası İXM-in 525-ci maddəsinə əsasən, qumar oyununda iştirak etmə, yəni qumar oynamağa görə-oyun ləvazimatı, habelə qumara qoyulmuş pul vəsaitləri və ya digər əmlak müsadirə edilməklə dörd yüz manatdan altı yüz manatadək məbləğdə cərimə edilir. Məhkəmə iş materiallarını nəzərdən keçirib barəsində inzibati xəta haqqında iş üzrə icraat aparılan şəxsin izahatını dinləyərək qərar gəlir ki, Şəxs Azərbaycan Respublikası İnzibati Xətalar Məcəlləsinin 525-ci maddəsində nəzərdə tutulan inzibati xətanı törətmişdir və o, həmin maddə ilə inzibati məsuliyyətə cəlb edilərək inzibati tənbeh edilməlidir. Məhkəmə Şəxs barəsində inzibati tənbeh tətbiq edərkən onun tərəfindən törədilmiş inzibati xətanın xarakterini, inzibati xəta törətmiş şəxsin şəxsiyyətini, təqsirinin dərəcəsini, habelə məsuliyyəti yüngülləşdirən və ağırlaşdıran halları nəzərə alır. Məhkəmə barəsində inzibati xəta haqqında iş üzrə icraat aparılan şəxs Şəxs səmimi peşmançılığını onun məsuliyyətini yüngülləşdirən hal kimi nəzərə alır. Şəxs tərəfindən törədilmiş inzibati xətada məsuliyyəti ağırlaşdıran hallar yoxdur. Məhkəmə Şəxs tərəfindən törədilmiş inzibati xətanın xarakterini, onun şəxsiyyətini, təqsirinin dərəcəsini, habelə məsuliyyəti yüngülləşdirən halları nəzərə alaraq barəsində Azərbaycan Respublikası İnzibati Xətalar Məcəlləsinin 525-ci maddəsində nəzərdə tutulan inzibati cərimə tətbiq edilməsini, cərimənin 400 (dörd yüz) manat miqdarında müəyyən edilməli, iş üzrə maddi sübut oyun ləvazimatı olan 36 ədəd oyun kartları məhv olunmalı və 7 (yeddi) manat pul vəsaiti dövlət nəfinə müsadirə olunmalıdır. Qeyd edilənlərə əsasən və Azərbaycan Respublikası İnzibati Xətalar Məcəlləsinin 25, 26, 30, 43, 106, 115-117-ci maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 525-ci maddəsi ilə təqsirli bilinərək 400 (dörd yüz) manat miqdarında inzibati cərimə edilsin. İş üzrə maddi sübut- 36 ədəd oyun kartları məhv olunsun. 7 (yeddi) manat pul vəsaiti dövlət nəfinə müsadirə olunsun. Qərarın surəti təqdim edildiyi və ya alındığı gündən 10 (on) gün müddətində İsmayıllı Rayon Məhkəməsi vasitəsi ilə Şəki Apelyasiya Məhkəməsinə şikayət verilə bilər. Sədrlik edən Rəfayel Şirinov