İsmayıllı Rayon Məhkəməsi Qərar — İş №3(037)-304/2024

Azərbaycan Respublikası adından QƏRAR İsmayıllı rayonu İş № 3(037)-304/2024 24.07.2024 İSMAYILLI RAYON MƏHKƏMƏSİ Hüseynov İlqar Vidayət oğlunun sədrliyi Qasımov Sənani Nazir oğlunun katibliyi, İnzibati xəta haqqında protokol tərtib etmiş İsmayıllı rayon X5 Təhlükəsizlik Bölməsinin polis sahə rəisi X2, Barəsində inzibati xəta haqında iş üzrə icraat aparılan Şəxs iştirakı ilə xx xxxx 1987-ci il tarixdə İsmayıllı rayonu Kürdmaşı kəndində anadan olmuş, Azərbaycan Respublikası vətəndaşı, evli, orta təhsilli, “Dərya” istirahət mərkəzində işləyən, İsmayıllı rayonu Kürdmaşı kəndində qeydiyyatda olmaqla, ismayıllı şəhəri, Cavanşir küçəsi, dalan 9, ev 9-da yaşayan, il ərzində eyni inzibati xətaya görə inzibati məsuliyyətə cəlb edilməmiş fərdi identifikasiya nömrəsi xxxxxxx Şəxs barəsində İsmayıllı rayon Polis Şöbəsindən Azərbaycan Respublikası İnzibati Xətalar Məcəlləsinin 535.1-ci maddəsi ilə daxil olmuş inzibati xəta haqqında materiala 24 iyul 2024-cü il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq müəyyənetdi: Şəxs 24 iyul 2024-cü il tarixdə saat 01:30 radələrində İsmayıllı şəhəri Nizami küçəsində xidməti vəzifəsini yerinə yetirən polis əməkdaşlarının qanuni tələblərinə qəsdən tabe olmaması faktı üzrə barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə MN ******* nömrəli inzibati xəta haqqında protokol tərtib edilərək baxılması üçün aidiyyəti üzrə məhkəməyə göndərilmişdir. İnzibati xəta haqqında protokol tərtib etmiş İsmayıllı rayon X5 Təhlükəsizlik Bölməsinin polis sahə rəisi X4 izahatında göstərdi ki, Şəxs 24 iyul 2024-cü il tarixdə saat 01:30-a radələrində İsmayıllı şəhəri, Nizami küçəsində xidməti vəzifəsini yerinə yetirən polis əməkdaşlarının qanuni tələbinə qəsdən tabe olmadığı üçün rayon polis şöbəsinə dəvət olunmuş və izahatı alındıqdan sonra barəsində inzibati xəta haqqında protokol tərtib edilərək baxılması üçün məhkəməyə göndərilmişdir. Barəsində inzibati xəta haqqında iş üzrə icraat aparılan Şəxs izahat verərək göstərdi ki, 24 iyul 2024-cü il tarixdə iş yoldaşı Rahim Rəhimlinin idarə etdiyi avtomobil ilə işdən çıxıb yaşadığı evə gələrkən, İsmayıllı şəhəri ərazisində polis əməkdaşları Rahimin idarə etdiyi avtomobilə saxla işarəsi vermişdir. Həmin vaxt bir qədər spirtli içki qəbul etdiyindən və əsəbi olduğundan polis əməkdaşını mobil telefonu ilə video görüntüyə çəkmişdir. Buna da səbəb polis əməkdaşının qaranlıqda tək xidmət aparması olmuşdur. Həmin vaxt polisin qanuni tələblərinə tabe olmamışdır. Ailəlidir və üç övladı var. Əməlindən peşmandır və ona daha yüngül tənbeh verilməsini məhkəmədən xahiş edir. İş üzrə şahid qismində izahat verən İsmayıllı rayon X6 X7 yol patrul xidməti inspektoru X1 göstərdi ki, 24 iyul 2024-cü il tarixdə İsmayıllı şəhəri, Nizami küçəsində xidmətdə olarkən Rahim rəhimlinin idarə etdiyi avtomobilə saxla işarəsi vermişdir. Həmin vaxt avtomobildə olan sərnişin sonradan şəxsiyyəti məlum olan Şəxs sərxoş vəziyyətdə ona yaxınlaşmış və onun iş rejimini pozmuşdur. Şəxs nizam-intizama dəvət etsə də, o, buna məhəl qoymamış və öz qanunsuz hərəkətlərini davam etdirmişdir. İş materiallarına əlavə edilmiş 24 iyul 2024-cü il tarixli 265 nömrəli spirtli içki qəbul edən şəxslərin sərxoşluq dərəcəsinin tibbi müayinə aktından görünür ki, barəsində inzibati xəta haqqında iş üzrə icraat aparılan şəxs Şəxs 24 iyul 2024-cü il tarixdə saat 02:10-da tibbi müayinədən keçirilərkən onun yüngül dərəcəli alkoqol sərxoşluğu vəziyyətində olduğu müəyyən edilmişdir. Məhkəmə araşdırması ilə müəyyən edildi ki, Şəxs 24 iyul 2024-cü il tarixdə saat 01:30 radələrində İsmayıllı şəhəri Nizami küçəsində xidməti vəzifələrini yerinə yetirən polis əməkdaşlarının qanuni tələblərinə qəsdən tabe olmamışdır. Məhkəmə iş materiallarına əlavə edilmiş sənədləri nəzərdən keçirib tərəflərin və şahidin izahatını dinləyərək hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətmişdir və o, həmin maddə ilə inzibati məsuliyyətə cəlb edilərək inzibati tənbeh edilməlidir. Məhkəmə Şəxs barəsində inzibati tənbeh tətbiq edərkən onun tərəfindən törədilmiş inzibati xətanın xarakterini, inzibati xəta törətmiş şəxsin şəxsiyyətini, təqsirinin dərəcəsini, habelə məsuliyyəti yüngülləşdirən və ağırlaşdıran halları nəzərə alır. Məhkəmə Şəxs inzibati xətanı sərxoş vəziyyətdə törətməsini məsuliyyəti ağırlaşdıran, törətdiyi əməldən səmimi peşmançılığı isə məsuliyyəti yüngülləşdirən hal kimi nəzərə alır. Məhkəmə Şəxs tərəfindən törədilmiş inzibati xətanın xarakterini, onun şəxsiyyətini, məsuliyyəti yüngülləşdirən və ağırlaşdıran halı, təqsirinin dərəcəsini nəzərə alaraq barəsində Azərbaycan Respublikası İnzibati Xətalar Məcəlləsinin 535.1-ci maddəsinin sanksiyasında nəzərdə tutulan inzibati cərimə tətbiq etməyi qanunamüvafiq hesab edir. Göstərilənlərə əsasən və Azərbaycan Respublikası İnzibati Xətalar Məcəlləsinin 30, 43, 106-115, 117, 128-130-cu maddələrini rəhbər tutaraq məhkəmə qəraraaldı: Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinərək 200 (iki yüz) manat miqdarında inzibati cərimə edilsin. Qərarın surəti təqdim edildiyi və ya alındığı gündən 10 (on) gün müddətində işə baxan İsmayıllı Rayon Məhkəməsi vasitəsi ilə və ya birbaşa Şəki Apellyasiya Məhkəməsinə apellyasiya şikayəti və ya protesti verilə bilər. Hakim: İlqar Hüseynov