İsmayıllı Rayon Məhkəməsi Qərar — İş №3(037)-94/2022

Azərbaycan Respublikası adından QƏRAR İsmayıllı rayonu İş № 3(037)-94/2022 17.02.2022 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi Qasımov Sənani Nazir oğlunun katibliyi, İsmayıllı rayon İcra və Probasiya Şöbəsinin icra məmuru Mustafayev Rahim Seyfəddin oğlunun, Barəsində inzibati xəta haqqında iş üzrə icraat aparılan Şəxs və onun vəkili Vəkil iştirakı ilə, xx xxxxxx 1975-ci il tarixdə Laçın rayonu Minkənd kəndində anadan olmuş, həmin kənddə qeydiyyatda olmaqla, İsmayıllı rayonu Tubu kəndində məskunlaşan, Azərbaycan Respublikası vətəndaşı, subay, orta təhsilli, işləməyən, fərdi identifikasiya nömrəsi xxxxxxx Şəxs barəsində İsmayıllı rayon İcra və Probasiya Şöbəsindən Azərbaycan Respublikası İnzibati Xətalar Məcəlləsinin 528.1-ci maddəsi ilə daxil olmuş inzibati xəta haqqında materiala 17 fevral 2022-ci il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq məhkəmə müəyyən etdi: Sumqayıt Şəhər Məhkəməsinin 15 mart 2018-ci il tarixli 2 (060) – 522 / 2018 saylı icra vərəqəsinə əsasən 23 oktyabr 2017-ci il tarixdən başlayaraq Şəxs 14 avqust 2016-cı il təvəllüdlü X1 yetkinlik yaşına çatana qədər saxlanması üçün hər ay 136 (yüz otuz altı) manat 60 qəpik sabit pul məbləğində aliment və 14 avqust 2016-cı il təvəllüdlü X1 üç yaşına çatanadək hər ay 30 (otuz) manat maddi yardım tutularaq Zərərçəkmiş şəxs ödənilməsi qət edilmişdir. İş üzrə icra sənədi İsmayıllı rayon İcra və Probasiya Şöbəsinin icraatındadır. Borclu həmin məhkəmə qətnaməsinin icrası ilə əlaqədar icra məmurunun qanuni tələblərini qərəzli şəkildə yerinə yetirmədiyinə və hazırda tələbkara ödənilməli olan 6122 (altı min yüz iyirmi iki) manat 20 qəpik aliment borcu ödənilməmiş qaldığına görə barəsində İsmayıllı rayon İcra və Probasiya Şöbəsi tərəfindən Azərbaycan Respublikası İnzibati Xətalar Məcəlləsinin 528.1-ci maddəsi ilə 17 fevral 2022-ci il tarixli ******* saylı inzibati xəta haqqında protokol tərtib edilərək həmin tarixdə baxılması üçün aidiyyəti üzrə məhkəməyə göndərilmişdir. İcra məmuru Rahim Mustafayev izahat verərək göstərdi ki, Şəxs icra sənədi üzrə tələbin könüllü olaraq ödənilməsi barədə bildiriş göndərilmiş, lakin borclu icra sənədini vaxtında və tam icra etməmişdir. Məhkəmə qətnaməsinin icrasını təmin etmək məqsədi ilə icra məmuru tərəfindən “Elektron icra” informasiya sistemi vasitəsi ilə borclunun əmlak vəziyyəti yoxlanılmış, borclunun adına daşınmaz əmlaklar, avtomobil, banklarda əmanəti, qızıl-zinət əşyaları və ya tələbin yönəldilə biləcəyi pul vəsaiti və hər hansı başqa əmlakın olması müəyyən edilməmişdir. Şəxs ötən müddət ərzində təyin olunmuş aliment məbləğindən müəyyən qədər ödənişlər etsə də, icra vərəqəsini tam şəkildə icra etməmiş və hazırki günədək onun 6122 (altı min yüz iyirmi iki) manat 20 qəpik ödənilməmiş borcu qalmışdır. Şəxs barəsində 27 dekabr 2018-ci il tarixdə inzibati xəta haqqında protokol tərtib edilərkən onun tələbkara 2332 (iki min üç yüz otuz iki) manat aliment borcu olmuşdur və məhkəmənin həmin tarixli qərarı ilə o, 15 (on beş) gün müddətində inzibati qaydada həbs edilmişdir. Şəxs inzibati qaydada həbs olunduqdan sonra da, icra vərəqəsinin icrasından müxtəlif bəhanələrlə boyun qaçırmış və icra vərəqəsini tam şəkildə icra etməmişdir. Bundan başqa borclu İsmayıllı rayon İcra və Probasiya Şöbəsinə dəvət edilsə də icra məmurunun çağırışlarına da gəlməmişdir. Borclunun yerini müəyyən etmək mümkün olmamış, bu səbəbdən də onun barəsində axtarış elan edilmişdir. Həmin qərar əsasında borclu polis əməkdaşları vasitəsilə 17 fevral 2022-ci il tarixdə İcra və Probasiya Şöbəsinə gətirilmişdir. Bununla da borclu qanuni qüvvəyə minmiş məhkəmə qərarlarının icrası ilə əlaqədar icra məmurunun qanuni tələblərini yerinə yetirməmiş və 6122 (altı min yüz iyirmi iki) manat 20 qəpik aliment borcunu ödəməkdən qərəzli olaraq yayınmışdır. Qeyd etdikləri nəzərə alınmaqla iş üzrə qanuni qərar qəbul edilməsini xahiş edir. Barəsində inzibati xəta haqqında iş üzrə icraat aparılan Şəxs izahat verərək göstərdi ki, heç yerdə işləmir və maddi imkanı ağırdır. Himayəsində yaşlı anası var. Buna baxmayaraq hər ay dövlət tərəfindən ona verilən çörək pulunu tələbkara ödəyir. Bundan başqa uşağının artıq 6 yaşı tamam olacaq və cavabdehlə ayrıldıqları vaxtdan sonra uşağını görə bilməmişdir. Cavabdeh uşağını ona göstərmir, ümumiyyətlə uşağının harada olmasını bilmir. Hazırda tələbkara 6122 (altı min yüz iyirmi iki) manat 20 qəpik aliment borcu yaranmışdır. Həmin aliment məbləğini tam şəkildə ödəməyə maddi imkanı yoxdur. Hər ay ona dövlət tərəfindən verilən çörək pulundan əlavə hər hansı məbləğdə aliment borcundan ödənişlər edə bilməyəcək. Qeyd etdikləri nəzərə alınmaqla iş üzrə qanuni qərar qəbul edilməsini məhkəmədən xahiş edir. Zərərçəkmiş Vəliyeva (Sadiqova) Leyla Halay qızı hazırki işə baxılmasına dair məhkəmə iclasına gəlməmişdir. Sumqayıt Şəhər Məhkəməsinin 15 mart 2018-ci il tarixli 2 (060) – 522 / 2018 saylı icra vərəqəsindən görünür ki, 23 oktyabr 2017-ci il tarixdən başlayaraq Şəxs 14 avqust 2016-cı il təvəllüdlü X1 yetkinlik yaşına çatana qədər saxlanması üçün hər ay 136 (yüz otuz altı) manat 60 qəpik sabit pul məbləğində aliment və 14 avqust 2016-cı il təvəllüdlü X1 üç yaşına çatanadək hər ay 30 (otuz) manat maddi yardım tutularaq Zərərçəkmiş şəxs ödənilməsi qət edilmişdir. İsmayıllı rayon İcra və Probasiya Şöbəsinin 17 fevral 2022-ci il tarixli arayışdan görünür ki, Sumqayıt Şəhər Məhkəməsinin 15 mart 2018-ci il tarixli 2 (060) – 522 / 2018 saylı icra vərəqəsi üzrə Şəxs tələbkar Zərərçəkmiş şəxs 6122 (altı min yüz iyirmi iki) manat 20 qəpik məbləğində aliment borcu yaranmışdır. İsmayıllı Rayon Məhkəməsinin 27 dekabr 2018-ci il tarixli 3(037)-506/2018 saylı qərarından görünür ki, Şəxs tələbkar Zərərçəkmiş şəxs (Vəliyeva) olan 2332 (iki min üç yüz otuz iki) manat aliment borcunu ödəməkdən yayınmaqla, icra vərəqəsinin icrasından qərəzli olaraq boyun qaçırdığı üçün Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək 15 (on beş gün) müddətində inzibati həbs edilmişdir. İş materiallarından görünür ki, 27 dekabr 2018-ci il tarixdə məhkəmədə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala baxılarkən onun həmin tarixə tələbkar Sadiqova (Vəliyeva) Leyla Halay qızına 2332 (iki min üç yüz otuz iki) manat aliment borcu olmuşdur. Hazırki inzibati xəta haqqında protokolda Şəxs 6122 (altı min yüz iyirmi iki) manat 20 qəpik aliment borcunun olması göstərilmişdir. Göründüyü kimi Şəxs 2018-ci il tarixdə inzibati qaydada həbs edildikdən sonra keçən 3 (üç) il 2 (iki) ay müddətə yaxın vaxtda qalıq borcunu ödəməməklə yanaşı, hər ay təyin olunmuş aliment məbləğini belə ödəməmişdir. Bu da Şəxs icra vərəqəsinin icrasından qərəzli olaraq yayınması kimi qiymətləndirilməlidir. Məhkəmə iclasında tədqiq edilmiş sənədlərlə və digər sübutlarla müəyyən edildi ki, Sumqayıt Şəhər Məhkəməsinin 15 mart 2018-ci il tarixli 2 (060) – 522 / 2018 saylı icra vərəqəsinə əsasən 23 oktyabr 2017-ci il tarixdən başlayaraq Şəxs 14 avqust 2016-cı il təvəllüdlü X1 yetkinlik yaşına çatana qədər saxlanması üçün hər ay 136 (yüz otuz altı) manat 60 qəpik sabit pul məbləğində aliment və 14 avqust 2016-cı il təvəllüdlü X1 üç yaşına çatanadək hər ay 30 (otuz) manat maddi yardım tutularaq Zərərçəkmiş şəxs ödənilməsi qət edilmişdir. İcra vərəqəsi icra olunması üçün İsmayıllı rayon İcra və Probasiya Şöbəsinə göndərilmiş və icra məmuru tərəfindən icraata başlamaq haqında qərar qəbul edilərək tərəflərə göndərilmişdir. İcra vərəqəsinin icrasını təmin etmək məqsədi ilə icra məmuru tərəfindən “Elektron icra” informasiya sistemi vasitəsi ilə borclunun əmlak vəziyyəti yoxlanılmış, borclunun adına daşınmaz əmlaklar, avtomobil, banklarda əmanəti, qızıl-zinət əşyaları və ya tələbin yönəldilə biləcəyi pul vəsaiti və hər hansı başqa əmlakın olması müəyyən edilməmişdir. Zəruri icra tədbirləri həyata keçirilməsinə baxmayaraq hazırda Zərərçəkmiş şəxs ödənilməli olan 6122 (altı min yüz iyirmi iki) manat 20 qəpik aliment borcu ödənilməmiş qalmışdır. Bununla da Şəxs qanuni qüvvəyə minmiş həmin məhkəmə qərarının icrası ilə əlaqədar icra məmurunun qanuni tələblərini qərəzli şəkildə yerinə yetirməmişdir. Məhkəmə iş materiallarını nəzərdən keçirib tərəflərin izahatlarını və müdafiəçinin fikrini dinləyərək qərara gəlir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir və o həmin maddə ilə inzibati məsuliyyətə cəlb edilərək inzibati tənbeh edilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 12-ci maddəsinə əsasən bu məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə Şəxs barəsində inzibati tənbeh tətbiq edərkən onun tərəfindən törədilmiş inzibati xətanın xarakterini, barəsində inzibati xəta haqqında iş üzrə icraat aparılan şəxsin şəxsiyyətini, təqsirinin dərəcəsini, məsuliyyəti yüngülləşdirən və ağırlaşdıran halları nəzərə alır. Şəxs tərəfindən törədilmiş inzibati xətada onun məsuliyyətini yüngülləşdirən və ağırlaşdıran hallar aşkar edilməmişdir. Məhkəmə Şəxs tərəfindən törədilmiş inzibati xətanın xarakterini, onun şəxsiyyətini və təqsirinin dərəcəsini nəzərə alaraq ona inzibati cərimə tətbiq edilməsinin işin faktiki hallarına uyğun olmadığı qənaətinə gəlir və barəsində Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzərdə tutulan inzibati həbs tətbiq edilməsini, inzibati həbsin 20 (iyirmi) gün müddətində müəyyən edilməsini məqsədə müvafiq hesab edir. İnzibati həbsin əvvəli qərarın elan edildiyi vaxtdan – 17 fevral 2022-ci il tarixdə saat 16:00dan hesablanmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 30, 43, 106-115, 117, 128-130-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinib 20 (iyirmi) gün müddətində inzibati həbs edilsin. İnzibati həbsin əvvəli qərarın elan edildiyi vaxtdan - 17 fevral 2022-ci il tarixdən saat 16:00-dan hesablansın. Qərarın icrası İsmayıllı rayon Polis Şöbəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində İsmayıllı Rayon Məhkəməsi vasitəsi ilə və ya birbaşa Şəki Apelyasiya Məhkəməsinə şikayət verilə bilər. Sədrlik edən Rəfayel Şirinov