Yardımlı Rayon Məhkəməsi Qərar — İş №3(038)-218/2023

Azərbaycan Respublikası adından QƏRAR Yardımlı rayonu İş № 3(038)-218/2023 18.12.2023 YARDIMLI RAYON MƏHKƏMƏSİ X6 oğlunun sədrliyi , Məhkəmənin iclas katibi k1 oğlunun katibliyi, Yardımlı rayon İcra və Probasiya Şöbəsinin böyük icra məmuru vəzifəsini icra edən X2, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx xxx 1990-cı ildə Yardımlı rayonu Arus kəndində doğulmuş, Azərbaycan Respublikası vətəndaşı, orta təhsilli, evli, fəhlə işləyən, Yardımlı rayonu Arus kəndində qeydiyyatda olan və Abşeron rayonu, Xırdalan şəhərində yaşayan Şəxs barəsində Azərbaycan Respublikasının İnzibati Хətalar Məcəlləsinin 528.1-ci maddəsi ilə Yardımlı rayon İcra və Probasiya Şöbəsindən daxil olmuş inzibati xəta haqqında materiala məhkəmənin binasında açıq məhkəmə iclasında baхaraq, MÜƏYYƏN ETDİ: Yardımlı rayon Məhkəməsinin 30 mart 2023-cü il tarixli, 2(038)-134/2023 nömrəli və xx.xx.2023-cü il tarixli, 2(038)-329/2023 nömrəli və Yardımlı rayon Dövlət Notariat ofisinin xx.xx.2019-cu il tarixli, 8İ-1296 saylı icra sənədləri üzrə borclu Şəxs məhkəmə qərarlarının və icra qeydinin icrası ilə əlaqədar icra məmurunun qanuni tələblərinə tabe olmamaqla icra sənədlərinin icrasını təmin etməmişdir. Hazırda Şəxs borcu 4752,49 manat təşkil edir. Bununla da Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulan inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan Şəxs göstərdi ki, ondan Yardımlı rayon Məhkəməsinin 30 mart 2023-cü il tarixli, 2(038)- 134/2023 nömrəli icra sənədinə əsasən 1500 manat, borc müqaviləsinin notariat qaydasında təsdiq edilməsi üçün ödənilmiş 116 manat rüsüm və 37 manat ödənilmiş dövlət rüsumu X4 xeyrinə, Yardımlı rayon Məhkəməsinin xx.xx.2023-cü il tarixli, 2(038)- 329/2023 nömrəli icra sənədinə əsasən 2716.69 manat borc və 47.17 manat ödənilmiş dövlət rüsumu "xxxx" ASC -nin xeyrinə, Yardımlı rayon Dövlət Notariat ofisinin xx.xx.2019cu il tarixli, 8İ-1296 saylı icra sənədinə əsasən 335,63 manat pul "xxxx" MMC-nin xeyrinə tutulmalıdır. Daimi iş yeri və maddi imkanı olmadığından borcunu ödəyə bilməmişdir. Səhvini başa düşmüşdür, hərəkətindən peşmandır. Yuxarıda göstərdiklərini nəzərə alaraq ona yüngül cəza verilməsini xahiş etdi. Zərərçəkmiş şəxslərə məhkəmə iclasının vaxtı və yeri barədə rəsmi məlumat verilməsinə baxmayaraq məhkəmə iclasına gəlməmişdir. Azərbaycan Respublikasının İnzibati Xətalar Məcəlləsinin 62.4-cü maddəsinə əsasən inzibati xətalar haqqında işlərə zərərçəkmiş şəxsin iştirakı ilə baxılır. Həmin şəxsin iştirakı olmadan işə yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Azərbaycan Respublikası İnzibati Xətalar Məcəlləsinin 62.4-cü maddəsinə əsaslanaraq məhkəmə inzibati xəta haqqında işə zərərçəkmiş şəxsin iştirakı olmadan baxılmasını mümkün hesab edir. Şəxs inzibati xəta törətməsi özünün etirafedici izahatı ilə yanaşı Yardımlı rayon İcra və Probasiya Şöbəsinin icra məmuru X1 məhkəmə iclasında verdiyi izahatlarla və iş materialları ilə də təsdiq olunur. Belə ki, Yardımlı rayon İcra və Probasiya Şöbəsinin icra məmuru X3 məhkəmə iclasında izahat verərək göstərdi ki, borclu Şəxs Yardımlı rayon Məhkəməsinin 30 mart 2023-cü il tarixli, 2(038)-134/2023 nömrəli və xx.xx.2023-cü il tarixli, 2(038)-329/2023 nömrəli və Yardımlı rayon Dövlət Notariat ofisinin xx.xx.2019-cu il tarixli, 8İ-1296 saylı icra sənədləri şöbənin icraatına daxil olmuş və icra sənədlərinin icrası üçün qanuni tədbirlər görülmüşdür. Borclu Şəxs daimi iş yeri və maddi imkanı olmadığını bəhanə gətirərək icra sənədlərinin icrasını tam təmin etməmiş və borcunu ödəməmişdir. Bu səbəbdən Şəxs barəsində protokol tərtib edilmiş və Yardımlı rayon Məhkəməsinə təqdim edilmişdir. Hazırda Şəxs borcu 4752,49 manat təşkil edir. İş materiallarında olan 18 dekabr 2023-cü il tarixli, MN1057745 nömrəli inzibati xəta haqqında protokoldan görünür ki, Yardımlı rayon Məhkəməsinin 30 mart 2023-cü il tarixli, 2(038)-134/2023 nömrəli və xx.xx.2023-cü il tarixli, 2(038)-329/2023 nömrəli və Yardımlı rayon Dövlət Notariat ofisinin xx.xx.2019-cu il tarixli, 8İ-1296 saylı icra sənədləri üzrə əsas borclu Şəxs məhkəmənin qanuni qüvvəyə minmiş qərarlarını üzrsüz səbəbdən icra etməmiş və icra məmurunun qanuni tələblərini yerinə yetirməmişdir. Nəticədə Şəxs 4752,49 manat borcu yaranmışdır. Beləliklə, bütün sübutları cəm halda tədqiq edib qiymətləndirərək məhkəmə hesab edir ki, Şəxs hərəkətlərində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın əlamətləri vardır. Azərbaycan Respublikasının İnzibati Хətalar Məcəlləsinin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsində göstərilir ki, fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 32-ci maddəsində göstərilir ki, inzibati xətaya görə inzibati xəta törətmiş şəxsin səmimi peşmançılığı, törədilmiş inzibati xətanın zərərli nəticələrinin inzibati xəta törətmiş şəxs tərəfindən aradan qaldırılması və ya vurulmuş zərərin əvəzinin könüllü surətdə ödənilməsi və Azərbaycan Respublikasının qanunvericiliyi ilə inzibati xətaya görə məsuliyyəti yüngülləşdirən başqa hallar məsuliyyəti yüngülləşdirən hallardır. Şəxs səmimi peşmançılığı əməlində məsuliyyəti yüngülləşdirən hallardır. Şəxs əməlində məsuliyyətini ağırlaşdıran hallar yoxdur. Beləliklə, iş üzrə toplanmış və məhkəmə iclasında tədqiq edilmiş sübutları bir daha təhlil edib, obyektiv hüquqi qiymət verərək törədilmiş xətanın xarakterini, Şəxs şəxsiyyətini, təqsirinin dərəcəsini, məsuliyyətini yüngülləşdirici halları, əmlak vəziyyətini nəzərə alaraq məhkəmə hesab edir ki, onun barəsində Azərbaycan Respublikasının İnzibati Хətalar Məcəlləsinin 528.1-ci maddəsinin sanksiyasında nəzərdə tutulmuş inzibati həbs növündə tənbeh tədbirinin tətbiq edilməsi məqsədə uyğundur. Azərbaycan Respublikasının İnzibati Хətalar Məcəlləsinin 31.4-cü maddəsində göstərilir ki, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Şərh olunanları və Azərbaycan Respublikasının İnzibati Xətalar Məcəlləsinin 40, 43, 114-115, 117, 128-130-cu maddələrini rəhbər tutaraq məhkəmə, QƏRARA ALDİ: Şəxs Azərbaycan Respublikasının İnzibati Хətalar Məcəlləsinin 528.1-ci maddəsi ilə təqsirli bilinib 8 (səkkiz) gün müddətə inzibati qaydada həbs edilsin. Həbs etmənin əvvəli 18 dekabr 2023-cü il tarixdən saat 15:45-dən hesab edilsin. Qərarın icrası Yardımlı Rayon Polis Şöbəsinə həvalə edilsin. Qərarın surəti inzibati xəta törətmiş şəxsə təqdim edilsin. Qərarın surəti təqdim edildiyi və ya alındığı gündən 10 gün müddətinə Yardımlı Rayon Məhkəməsinə və ya bilavasitə Azərbaycan Respublikası Şirvan Apelyasiya Məhkəməsinə şikayət verilə bilər. Sədrlik edən x6