Yevlax Rayon Məhkəməsi Qərar — İş №3(039)-130/2021

Azərbaycan Respublikası adından QƏRAR Yevlax Rayou İş № 3(039)-130/2021 05.02.2021 YEVLAX RAYON MƏHKƏMƏSİ Yevlax Rayon Məhkəməsinin hakimi Əlizadə Ruslan Əliyar oğlu, Məhkəmə iclasının katibi X3 İnzibati xəta haqqında protokol tərtib etmiş şəxs Yevlax RPŞ-nin İTB-nin sahə rəisi polis leytenantı X1 Barəsində inzibati xəta haqqında iş üzrə icraat aparılan şəxs Şəxs Qürbrət oğlunun iştirakı ilə Şəxs Qürbrət oğlunun Azərbaycan Respublikası İXM-nin 535.1-ci maddəsi ilə inzibati xəta törətməsinə dair Yevlax rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ : Şəxs Qübrət oğlu xx xxxxxx 2021-ci il tarixdə saat 01.30 radələrində yaşadığı Yevlax şəhəri, M.Şahbazi küçəsi, 15 saylı evdə həyat yoldaşı Lalə Abdullayeva ilə mübahisə edərək ucadan səsküy salaraq ictimai qaydanı pozmuş və onu nizam-intizama dəvət edən polis əməkdaşlarının qanuni tələblərinə qəsdən tabe olmamışdır. Bu barədə Şəxs Qürbrət oğlunun Azərbaycan Respublikası İXM-nin 535.1-ci maddələri ilə nəzərdə tutulan inzibati xəta haqqında protokol tərtib edilmiş və baxılması üçün Yevlax Rayon Məhkəməsinə göndərilmişdir. Məhkəmə iclasında Yevlax rayon Polis şöbəsinin İTB-nin sahə rəisi polis leytenantı X2 izah etdi ki, Yevlax şəhəri, M.Şahbazi küçəsi, 15 saylı evdə yaşayan X4 xx xxxxxx 2021-ci il tarixdə saat 01.30 radələrində DİN-nin 102 xidmətinə zəng edərək həyat yoldaşı Şəxs onunla mübahisə edib ünvanına nalayiq söyüşlər söyməsi barədə məlumat vermişdir. Yevlax RPŞ-nin əməkdaşları Yevlax şəhəri, M.Şahbazi küçəsində olan zaman, bir nəfər şəxsin sərxoş halda ucadan nalayiq küçə söyüşləri işlədərək ictimai qaydanı pozduğunu aşkar etmişlər. Poliş əməkdaşları özlərini təqdim edərək, onu nizam–intizama dəvət etsələr də, həmin şəxs polis əməkdaşlarının qanunu tələblərinə qəsdən tabe olmamışdır. Həmin şəxs RPŞ-yə gətirilmişdir. Yevlax RPŞ-də məlum oldumuşdur ki, həmin şəxs Yevlax şəhər sakini Şəxs Qübrət oğludur. Tərəfindən araşdırma aparılmış və Şəxs Qürbrət oğlunun əməlində Azərbaycan Respublikası İXM-nin 535.1-ci maddəsinin tərkibi olduğundan bu barədə inzibati xəta haqqında protokol tərtib etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Qürbrət oğlu izah etdi ki, xx xxxxxx 2021-ci il tarixdə təxminən saat 22.00 radələrində evlərinin yaxınlığında olan kafedə pivə içmişdir və təxminən saat 01.30 radələrində yaşadığı evə gəlmişdir. Səbəbsiz yerə həyat yoldaşı Lalə ilə munaqişə yaratmışdır. Həyat yoldaşı Lalə DİN-nin 102 xidmətinə zəng edərək onun hərkətləri barədə məlumat vermiş və barəsində tədbir görülməsini xahiş etmişdir. Bundan sonra o, küçəyə çıxmış və əsəbi olduğu üçün ucadan nalayiq söyüşlər söymüşdür. Bunu görən polis əməkdaşları onu sakitləşdirərək nizam-intizama dəvət etmişlər. Lakin həmin vaxt sərxoş olduğundan, polis əməkdaşlarının tələblərinə tabe olmamışdır. Etdiyi əməldən peşmandır və söz verir ki, bir daha belə hallara yol verməyəcəkdir. Məhkəmədən əməlindən səmimi peşmançılığını və bir daha belə hallara yol verməyəcəyini nəzərə alaraq barəsində yüngül inzibati tənbeh tətbiq edilməsini xahiş etdi. Azərbaycan Respublıikası İXM-nin 535.1-ci maddəsində əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. İnzibati xəta haqqında protokola əlavə edilmiş xx xxxxxx 2021-ci il tarixli inzibati qaydada tutma haqqında protokoldan görünür ki, Şəxs Qürbrət oğlu həmin tarixdə saat 01.40-də inzibati qaydada tutulmuşdur. İnzibati xəta haqqında protokola əlavə edilmiş xx xxxxxx 2021-ci il tarixli 18 saylı tibbi müayinə protokolundan görünür ki, Şəxs Qürbrət oğlu yüngül dərəcəli sərxoş olmuşdur. Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Barəsində inzibati xəta haqqında iş üzrə icraat aparılan şəxs Şəxs Qürbrət oğlunun, Yevlax rayon polis şöbəsinin İTB-nin sahə polis rəisi polis leytenantı X1 izahatlarını dinləyib, iş materiallarını araşdıraraq hesab edirəm ki, Şəxs Qürbrət oğlu Azərbaycan Respublikası İXM-nin 535.1-ci maddəsində nəzərdə tutulan inzibati xətanı törətmiş və o, inzibati tənbeh edilməlidir. Barəsində inzibati xəta haqqında iş üzrə icraat aparılan şəxs Şəxs Qürbrət oğlunun əməlini səmimi etiraf edib əməlindən peşmançılıq çəkməsi məsuliyyəti yüngülləşdirən hal kimi nəzərə alınır. Barəsində inzibati xəta haqqında iş üzrə icraat aparılan şəxs Şəxs Qürbrət oğlunun inzibati xətanı sərxoş halda törətməsi məsuliyyəti ağırlaşdıran hal kimi nəzərə alınır. Azərbaycan Respublikası İXM-nin 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Azərbaycan Respublikası İXM-nin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Şəxs Qürbrət oğlunun haqqında təqsirli bilindiyi İXM-nin 535.1-ci maddəsinin sanksiyasında nəzərdə tutulan inzibati tənbeh növünü müəyyən edərkən, inzibati xəta törətmişin şəxsiyyəti, inzibati xətanın mahiyyəti və xarakteri nəzərə alınır. Azərbaycan Respublikası İXM-nin 21-ci maddəsinin tələbinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. İnzibati xətanın xarakterini və mahiyyətini, barəsində inzibati xəta haqqında iş üzrə icraat aparılan şəxs Şəxs Qürbrət oğlunun şəxsiyyətini, məsuliyyəti yüngülləşdirən, ağırlaşdıran halları və işin faktiki hallarını nəzərə alaraq hesab edirəm ki, Şəxs Qürbrət oğlu təqsirli bilindiyi Azərbaycan Respublikası İXM-nin 535.1-ci maddəsinin sanksiyasında nəzərdə tutulan inzibati cərimə növündə tənbeh edilməlidir. Yuxarıda göstərilənlərə əsasən və Azərbaycan Respublikası İXM-in 31.4, 40, 43, 48-51, 114, 115, 117, 128 və 130-cu maddələrini rəhbər tutaraq, QƏRARA ALDİ : xx.xx.1994-cü il tarixdə Yevlax şəhərində anadan olmuş, Azərbaycan Respublikasının vətəndaşı, ailəli, Yevlax şəhəri, M.Şahbazi küçəsi, ev 15-də qeydiyyatda olan və yaşayan Şəxs Qürbrət oğlu Azərbaycan Respublikasının İXM-nin 535.1-ci maddəsi ilə təqsirli bilinib, 150 (bir yüz əlli) manat məbləğində inzibati cərimə edilsin. Qərarın surəti təqdim edildiyi və ya alındığı gündən 10 (on) gün müddətində Şəki Apellyasiya Məhkəməsinə şikayət və ya protest verilə bilər. Sədrlik edən Ruslan Əlizadə