Yevlax Rayon Məhkəməsi Qərar — İş №3(039)-1529/2025

Azərbaycan Respublikası adından QƏRAR Yevlax Rayou İş № 3(039)-1529/2025 20.10.2025 YEVLAX RAYON MƏHKƏMƏSİ Hakim Babayeva Aybəniz Elman qızının sədrliyi, Quliyeva Ülkər Fikrət qızının katibliyi, Azərbaycan Respublikasının Bərdə Regional Ədliyyə İdarəsinin nümayəndəsi X1 və barəsində inzibati xəta haqqında iş üzrə icraat aparılan şəxs Yevlax rayonu Havarlı Bələdiyyəsinin keçmiş sədri Şəxs iştirakları ilə, Yevlax rayonu Havarlı Bələdiyyəsinin keçmiş sədri Şəxs barəsində Azərbaycan Respublikası İnzibati Xətalar Məcəlləsinin 549.1-ci maddəsində nəzərdə tutulmuş inzibati xəta haqqında materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikasının Ədliyyə Nazirliyi Bərdə Regional Ədliyyə İdarəsinin Yevlax rayonu Havarlı Bələdiyyəsinin keçmiş sədri Şəxs barəsində Azərbaycan Respublikası İnzibati Xətalar Məcəlləsinin 549.1-ci maddəsi ilə xx.xx.2025-ci il tarixli, İXP seriyalı ******* nömrəli inzibati xəta haqqında protokol tərtib edərək, baxılması üçün Yevlax Rayon Məhkəməsinə göndərmişdir. İnzibati xəta haqqında protokola əsasən, X3 müraciətinin araşdırılması ilə bağlı aidiyyəti sənədlərin təqdim ediıməsi Yevlax rayonu Havarlı Bələdiyyəsinə sorğu edilsədə “Bələdiyələrin fəaliyyətinə inzibati nəzarət haqqında” Qanunun 8-ci maddəsinin tələbi pozularaq 3 iş günü ərzində təqdim edilməmişdir. Aəzrbaycan Respublikasının Bərdə Regional Ədliyyə İdarəsinin nümayəndəsi X2 protokola uyğun izahat vermiş və əlavə olaraq qeyd etmişdir ki, “Bələdiyələrin fəaliyyətinə inzibati nəzarət haqqında” Qanunun 8-ci maddəsinin tələbi pozularaq 3 iş günü ərrzində vətəndaşın sorğusuna cavab verilməmişdir. Həmin sorğu “Bələdiyyələrlə iş informasiya sistemi” vasitəsi ilə göndərilmişdir. Bələdiyyə sədri Şəxs isə sistemə nəzarət etməmiş, məlumatları təqdim etməmişdir. Şəxsin barəsində inzibati protokolun tərtib edilməsi məsələsinə baxılması üçün dəvəti isə telefon vasitəsi ilə etmişlər. Məhkəmənin suallarına cavab olaraq onların tərəfindən Yevlax rayonu Havarlı Bələdiyyəsinin təqdim etdiyi məlumatlar əsasında 21 avqust 2025-ci il tarixdə vətəndaşın sorğusuna cavab verildiyini bildirmişdir. Yevlax rayonu Havarlı Bələdiyyəsinin keçmiş sədri Şəxs izahat verərək bildirmişdir ki, bələdiyyənin sözügedən sorğudan yalnız Azərbaycan Respublikasının Ədliyyə Nazirliyi Bərdə Regional Ədliyyə İdarəsinin məsul şəxsi (kurator) tərəfindən zəng gəldikdən və nümayəndəsini Bərdə Regional Ədliyyə İdarəsinə göndərdikdən sonra məlumatı olmuşdur. Nadir Nağıyevin müraciəti ilə bağlı sənədləri təhvil vermişlər. Səhhəti ilə bağlı bələdiyyə sədrliyindən çıxdığını və ailə vəziyyətini nəzərə alaraq iş üzrə ədalətli qərar qəbul edilməsini xahiş etmişdir. İş materiallarında olan və məhkəmə baxışında tədqiq edilmiş: Azərbaycan Respublikasının Ədliyyə Nazirliyi Bərdə Regional Ədliyyə İdarəsinin 12 avqust 2025-ci il tarixli 3-16-22/5-N-100/2 nömrəli sorğu məktubundan görünür ki X3 müraciətinin araşdırılması ilə bağlı aidiyyəti sənədlərin təqdim edilməsi Yevlax rayonu Havarlı Bələdiyyəsindən xahiş olunmuşdur; İş materiallarında olan Bələdiyyələrlə iş informasiya sistemindən çıxarışdan görünür ki, Azərbaycan Respublikasının Ədliyyə Nazirliyi Bərdə Regional Ədliyyə İdarəsinin məktubu xx.xx.2025-ci il tarixdə Yevlax rayonu Havarlı Bələdiyyəsinə göndərilmişdir; Azərbaycan Respublikasının Ədliyyə Nazirliyi Bərdə Regional Ədliyyə İdarəsinin rəis müavini X5 tərəfindən tərtib edilmiş İnzibati Xətalar Məcəlləsinin 549.1-ci maddəsi ilə nəzərdə tutulmuş inzibati xəta haqqında xx.xx.2025-ci il tarixli, İXP seriyalı 15311764 saylı protokoldan görünür ki, X3 müraciətinin araşdırılması ilə bağlı aidiyyəti sənədlərin təqdim ediıməsi Yevlax rayonu Havarlı Bələdiyyəsinə sorğu edilsədə “Bələdiyələrin fəaliyyətinə inzibati nəzarət haqqında” Qanunun 8-ci maddəsinin tələbi pozularaq 3 iş günü ərzində təqdim edilmədiyindən, Yevlax rayonu Havarlı Bələdiyyəsinin keçmiş sədri Şəxs barəsində inzibati xəta haqqında protokol tərtib edilmişdir; Məhkəmə tərəfindən vətəndaş X3 müraciəti əsasında Ədliyyə Nazirliyi Bərdə Regional Ədliyyə İdarəsi tərəfindən aparılmış araşdırma materialları protokol tərtib etmiş səlahiyyətli orqanın nümayəndəsindən tələb edilərək əldə edilmişdir. Həmin materiallardan görünür ki, vətəndaş X3 xx.xx.2025-ci il tarixli müraciəti mülkiyyətində olan 506 kvadrat metr torpaq sahəsi üçün bələdiyyəyə illik ödənişinin nə qədər olmalı olması barədə olmuş, həmin müraciət Yevlax rayonu Havarlı Bələdiyyəsindən təqdim edilmiş məlumatlar əsasında Bərdə Regional Ədliyyə İdarəsinin 3-16/5-N-100/2/2025 nömrəli xx.xx.2025-ci il tarixli məktubla cavablandırılmışdır. Azərbaycan Respublikası İnzibati Xətalar Məcəlləsinin: 3-cü maddəsinə əsasən, yalnız Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 53.0.1-ci maddəsinə əsasən inzibati xəta hadisəsi olmadıqda, həmçinin İXM-in 53.0.2ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 114.1.4-cü maddəsinə əsasən inzibati xətalar haqqında işlərə baxılarkən çıxarılan qərarlardan biri də inzibati xəta haqqında iş üzrə icraata xitam verilməsi haqqında qərardır. 114.2.1-ci maddəsinə əsasən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir; 549.1-ci maddəsinə əsasən bələdiyyələrin fəaliyyətinə inzibati nəzarəti həyata keçirən orqan tərəfindən araşdırmaların aparılmasına maneçilik törədilməsinə görə vəzifəli şəxslər min manatdan min beş yüz manatadək məbləğdə cərimə edilir. Məhkəmə, iş üzrə toplanmış və məhkəmədə tədqiq olunmuş sübutlara, tərəflərin izahatlarına məcmu halda qiymət verərək hesab edir ki, məhkəmə araşdırması zamanı Şəxs əməlində Azərbaycan Respublikası İXM-nin 549.1-ci maddəsində nəzərdə tutulan inzibati xəta tərkibinin olması sübuta yetirilməmişdir. Belə ki, Azərbaycan Respublikası İnzibati Xətalar Məcəlləsinin 76.1-ci mаddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Аzərbаycаn Respublikаsı İnzibаti Xətаlаr Məcəlləsinin 99.4.2-ci mаddəsinə əsasən inzibati xəta haqqında protokolun tərtib edilməsi inzibаti xətа hаqqındа iş üzrə icrааtın bаşlаnmаsı üçün əsаsdır. Аzərbаycаn Respublikаsı İnzibаti Xətаlаr Məcəlləsinin 100-cü mаddəsində isə inzibаti xətа hаqqındа prоtоkоlа аid tələblər, bu protokolda göstərilməli оlаn hаllаr öz əksini tаpmışdır. Belə ki, Аzərbаycаn Respublikаsı İnzibаti Xətаlаr Məcəlləsinin 100.3-cü mаddəsinə əsаsən protokol tərtib edilərkən, barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə, habelə inzibati xəta haqqında iş üzrə icraatın digər iştirakçılarına bu Məcəllədə nəzərdə tutulmuş hüquqları və vəzifələri izah edilir. Həmin Məcəllənin 100.4-cü mаddəsinə əsаsən protokol nömrələnmiş blankda tərtib edildikdə onu tərtib etmiş şəxs, barəsində inzibati xəta haqqında iş üzrə icraat aparılan fiziki şəxs və ya hüquqi şəxsin nümayəndəsi tərəfindən imzalanır və protokolun surəti barəsində inzibati xəta haqqında iş üzrə icraat aparılan fiziki şəxsə və ya hüquqi şəxsin nümayəndəsinə verilir. Barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatlar və protokolun məzmunu barəsində öz mülahizələrini təqdim etmək, habelə protokolu imzalamaqdan imtina etmələrinin səbəblərini göstərmək hüquqları vardır. Onların bu izahatları və mülahizələri protokola əlavə olunur. İnzibati xəta haqqında iş üzrə zərərçəkmiş şəxsin də inzibati xəta haqqında protokolun surətini almaq hüququ vardır. İnzibаti Xətаlаr Məcəlləsinin 100.5-ci mаddəsinə əsаsən nömrələnmiş blankda tərtib edilmiş inzibati xəta haqqında protokolda aşağıdakılar göstərilir:..100.5.4. inzibati xətanın törədildiyi yer, vaxt və bu xətanın mahiyyəti… İş mаteriаllаrındаn isə görünür ki, şəxsin dəvət olunması ilə bağlı heç bir səəd əlavə edilməmiş, inzibаti xətа hаqqındа prоtоkоl tərtib edilərkən Şəxs оğlunа hüquq və vəzifələri izаh оlunmаmış, prоtоkоldа оnun izаhаt vermək və öz mülahizələrini təqdim etmək hüququ təmin edilməmiş, həmçinin inzibаti xətа hаqqındа prоtоkоlun surətinin ona pоçt vаsitəsilə оnа göndərilməsi barədə məktub əlavə edilsə də, təqdim edilməsinə dair sənəd əlavə edilməmişdir. Ən əsаsı isə hаzırki xx.xx.2025-ci il tarixli, İXP seriyalı 15311764 nömrəli inzibаti xətа hаqqındа prоtоkоldа sorğu məktubunun 3 iş günü ərzində cavablandırılmamasının təqsirləndirildiyi maddənin dispozisiyasında nəzərdə tutulan nəticəyə, bələdiyyələrin fəaliyyətinə inzibati nəzarəti həyata keçirən orqan tərəfindən araşdırmaların aparılmasına maneçilik törədilməsinə səbəb olması kifayət qədər əsaslandırılmamış, maneçilik törətmənin nədə ifаdə оlunmаsı öz əksini tаpmаmışdır. Eyni zamanda, məhkəmə vurğulamağı vacib hesab edir ki, əhkəmə tərəfindən vətəndaş X3 müraciəti əsasında Ədliyyə Nazirliyi Bərdə Regional Ədliyyə İdarəsi tərəfindən aparılmış araşdırma materialları protokol tərtib etmiş səlahiyyətli orqanın nümayəndəsindən tələb edilərək əldə edilmiş və məhkəmə araşdırması zamanı tədqiq edilmişdir. Həmin materiallardan görünür ki, vətəndaş X3 xx.xx.2025-ci il tarixli müraciəti mülkiyyətində olan 506 kvadrat metr torpaq sahəsi üçün bələdiyyəyə illik ödənişinin nə qədər olmalı olması barədə olmuş, həmin müraciət isə Yevlax rayonu Havarlı Bələdiyyəsindən təqdim edilmiş məlumatlar əsasında Bərdə Regional Ədliyyə İdarəsinin 3-16/5-N-100/2/2025 nömrəli xx.xx.2025-ci il tarixli məktubla cavablandırılmışdır. Hazırki inzibati xəta haqqında protokol isə xx.xx.2025-ci il tarixdə tərtib edilmişdir. Bununla da məhkəmə işi tam, hərtərəfli və obyektiv araşdıraraq hesab edir ki, Şəxs əməlində Azərbaycan Respublikası İnzibati Xətalar Məcəlləsinin 549.1-ci maddəsi ilə nəzərdə tutulmuş inzibati xətanın tərkibinin olmadığı müəyyən olunduğundan, onun barəsində başlanmış inzibati xəta haqqında iş üzrə icraata xitam verilməlidir. Qeyd olunanlara əsasən və İXM-in 25, 40.0.1, 43, 48-51, 55,114, 115, 128, 130 maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 549.1-ci maddəsi ilə başlanmış inzibati xəta haqqında iş üzrə icraata xitam verilsin. Qərardan, rəsmi qaydada verildiyi vaxtdan 10 (on) gün müddətində Yevlax Rayon Məhkəməsi vasitəsilə və ya birbaşa Şəki Apellyasiya Məhkəməsinə şikayət verilə bilər. Hakim: Aybəniz Babayeva