Yevlax Rayon Məhkəməsi Qərar — İş №3(039)-2/2021

Azərbaycan Respublikası adından QƏRAR Yevlax Rayou İş № 3(039)-2/2021 18.10.2021 YEVLAX RAYON MƏHKƏMƏSİ Hakim Cavadova Günay İsmayıl qızının sədrliyi Qasımov Nurlan Asif oğlunun katibliyi ilə, xx.xx.1982-ci il tarixdə Yevlax şəhərində anadan olmuş, Azərbaycan Respublikası vətəndaşı, ünvan 1 ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə tənbeh tədbirinin tətbiq edilməsinə dair inzibati xəta haqqında materiala açıq məhkəmə iclasında baxaraq, MÜƏYYƏN ETDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməsi ilə bağlı Yevlax rayon icra və probasiya şöbəsində tərtib olunmuş iş materialları 01 oktyabr 2020-ci il tarixdə baxılması üçün Yevlax Rayon Məhkəməsinə göndərilmişdir. İnzibati xəta haqqında protokoldan və ona əlavə edilmiş sənədlərdən görünür ki, Şəxs Yevlax Rayon Məhkəməsinin 2(039)-242/2017 saylı, 12 may 2017-ci il tarixli icra sənədi üzrə yaranmış 4600 manat aliment borcunu ödəməkdən yayınmışdır. Məhkəmə iclası 01 oktyabr 2020-ci il tarixə saat 15:00-a Yevlax Rayon Məhkəmə binasına təyin edilmişdir. borclu Şəxs məhkəmə iclasında iştirak etməmişdir. Məhkəmə iclası 12 oktyabr 2020-ci il tarixə saat 12:30-a salınmış, lakin 12 oktyabr 2020-ci il tarixdə Şəxs məhkəmə iclasına gəlməmişdir. ünvan 3l tarixli qərarı ilə borclu Şəxs məcbur gətirilməsi qərara alınmışdır və qərarın icrası Yevlax rayon Polis Şöbəsinə həvalə edilmişdir. Lakin Yevlax rayon Polis Şöbəsinin 27 noyabr 2020-ci il tarixli 195-27115-1220 №-li məktubundan görünür ki, Şəxs daimi qeydiyyatda olduğu ünvan 2 ünvanda yaşamadığına görə ünvan 3l tarixli qərarının icrasını təmin etmək mümkün olmamışdır. İnzibati xəta haqqında işin materiallarını tədqiq edərək məhkəmə hesab edir ki, toplanmış sübutlarla Şəxs inzibati xəta törətməsində təqsiri tam sübuta yetir və onun törətdiyi əməl düzgün olaraq Azərbaycan Respublikası İnzibati Xətalar Məcəlləsinin 528.1-ci maddəsi ilə tövsif olunmuşdur. Bununla belə, inzibati məsuliyyətə cəlb etmə müddəti keçdiyinə görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati xəta haqqında iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 38.5-ci maddəsinə görə inzibati xəta törətmiş şəxs qaçıb gizlənərsə, müddətin axımı dayanır. Bu halda müddətin axımı, həmin şəxsin aşkarlandığı vaxtdan bərpa olunur. Lakin inzibati xətanın törədildiyi vaxtdan bir il keçərsə, qaçıb gizlənən şəxs inzibati məsuliyyətə cəlb oluna bilməz. İş materiallarından görünür ki, Şəxs istinad edilən inzibati xəta haqqında material 01 oktyabr 2020-ci il tarixdə Yevlax Rayon Məhkəməsinin icraatına daxil olmuşdur. Lakin Şəxs yeri müəyyən edilərək məhkəməyə təqdim edilməmişdir. Beləliklə, qanunla nəzərdə tutulmuş müddət başa çatdığı üçün inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 53.0.6-cı maddəsinə görə inzibati xəta haqqında işə baxılan vaxt bu Məcəllənin 38-cı maddəsində nəzərdə tutulmuş müddətlər başa çatdıqda inzibati xətalar haqqında işlər üzrə başlanmış icraata xitam verilir. Yuxarıda göstərilənlərə əsasən və Azərbaycan Respublikası İXM-nin 43, 114 və 115-ci maddələrini rəhbər tutaraq, məhkəmə QƏRARA ALDİ: Məsuliyyətə cəlb etmə müddəti başa çatdığına görə Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən on gün müddətində Yevlax Rayon Məhkəməsinə və ya bilavasitə Şəki Apellyasiya Məhkəməsinə apellyasiya şikayəti verilə bilər. Hakim Günay Cavadova