Yevlax Rayon Məhkəməsi Qərar — İş №3(039)-285/2020

Azərbaycan Respublikası adından QƏRAR Yevlax Rayou İş № 3(039)-285/2020 19.05.2020 YEVLAX RAYON MƏHKƏMƏSİ Hakim Əliyev Toğrul Məhəmməd oğlunun sədrliyi, Məmmədəliyeva Səriyyə Qoca qızının katibliyi iştirakı ilə, Şəxs MMC barəsində Azərbaycan Respublikası Dövlət Gömrük Komitəsinin Qərb Ərazi Baş Gömrük İdarəsindən Yevlax Rayon Məhkəməsinə daxil olmuş Azərbaycan Respublikası İnzibati Xətalar Məcəlləsinin 485.2-ci maddəsi üzrə tərtib olunmuş inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, məhkəmə MÜƏYYƏN ETDİ: Məhkəməyə daxil olmuş protokolda qeyd olunur ki, Bakı şəhəri, Xəzər rayonu, Buzovna ŞTQ, X1 ev 9 ünvanında qeydiyyatda olan “xxxxxxx” MMC-nin ünvanına Gürcüstan Respublikasından 24592701 və 24592818 saylı vaqonlarla daxil olmuş “Ammonium Nitrat” gübrəsi yükü xx xxxx 2020-ci il tarixli **********2499 saylı gömrük bəyannaməsi tərtib edilərək gömrük orqanına bəyan edilmişdir. xx xxxx 2020-ci il tarixli **********2499 saylı gömrük bəyannaməsi və digər sənədlərin araşdırılması zamanı məlum olmuşdur ki, Şəxs MMC-nin ünvanına 24592701 və 24592818 saylı vaqonlarla daxil olmuş yüklərə dair Azərbaycan Respublikası Gömrük Məcəlləsinin 113.1-ci maddəsi ilə müəyyən edilmiş qaydada mallar gömrük sərhəddini keçənədək elektron qaydada qısa idxal bəyannaməsi təqdim edilməmişdir. Məhkəmə iclasının vaxtı və yeri haqqında “xxxxx” QSC-ə və Dövlət Gömrük Komitəsinə lazımi qaydada məlumat verilməsinə baxmayaraq məhkəməyə gəlmədiklərinə görə Azərbaycan Respublikası İnzibati Xətalar Məcəlləsinin 61.3-cü maddəsinə əsasən məhkəmə işə onların iştirakı olmadan baxılmasını mümkün hesab edir. xx xxxx 2020-ci il tarixli, 11000-0598/20 nömrəli inzibati xəta haqqında protokolda göstərilmişdir ki, Bakı şəhəri, Xəzər rayonu, Buzovna ŞTQ, X1 ev 9 ünvanında qeydiyyatda olan “xxxxxxx” MMC-nin ünvanına Gürcüstan Respublikasından 24592701 və 24592818 saylı vaqonlarla daxil olmuş “Ammonium Nitrat” gübrəsi yükü xx xxxx 2020-ci il tarixli **********2499 saylı gömrük bəyannaməsi tərtib edilərək gömrük orqanına bəyan edilmişdir. xx xxxx 2020-ci il tarixli **********2499 saylı gömrük bəyannaməsi və digər sənədlərin araşdırılması zamanı məlum olmuşdur ki, Şəxs MMC-nin ünvanına 24592701 və 24592818 saylı vaqonlarla daxil olmuş yüklərə dair Azərbaycan Respublikası Gömrük Məcəlləsinin 113.1-ci maddəsi ilə müəyyən edilmiş qaydada mallar gömrük sərhəddini keçənədək elektron qaydada qısa idxal bəyannaməsi təqdim edilməmişdir. Təqdim olunmuş sənədlərdə müəyyən olunur ki, “xxxxx” QSC-nin ünvanına Gürcüstan Respublikasından 24592701 və 24592818 saylı vaqonlarla daxil olmuş “Ammonium Nitrat” gübrəsi yükü xx xxxx 2020-ci il tarixli **********2499 saylı gömrük bəyannaməsi tərtib edilərək gömrük orqanına bəyan edilmişdir. xx xxxx 2020-ci il tarixli **********2499 saylı gömrük bəyannaməsi və digər sənədlərin araşdırılması zamanı məlum olmuşdur ki, Şəxs MMC-nin ünvanına 24592701 və 24592818 saylı vaqonlarla daxil olmuş yüklərə dair Azərbaycan Respublikası Gömrük Məcəlləsinin 113.1-ci maddəsi ilə müəyyən edilmiş qaydada mallar gömrük sərhəddini keçənədək elektron qaydada qısa idxal bəyannaməsi təqdim edilməmişdir. Araşdırılma zamanı “xxxxx” QSC-nin nümayəndəsi bildirmişdir ki, səhlənkarlıq səbəbindən Şəxs MMC-nin ünvanına 24592701 saylı və 24592818 saylı vaqonlarla daxil olmuş “Ammonium Nifrat” gübrəsi yükünə dair elektron qaydada qısa idxal bəyannaməsi təqdim edilməmişdir. Məhkəmə iş materiallarını araşdırıb hesab edir ki, Şəxs MMC tərəfindən Azərbaycan Respublikası İnzibati Xətalar Məcəlləsinin 485.2-ci maddəsində nəzərdə tutulmuş inzibati xətanın törədilməsi tam sübuta yetirilir. Buna görə də Şəxs MMC həmin maddə ilə təqsirli bilinərək inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati Xətalar Məcəlləsinin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Beləliklə, məhkəmə Şəxs MMC-nin törətdiyi inzibati xətanın xarakterini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları nəzərə alaraq hesab edir ki, ona İnzibati Xətalar Məcəlləsinin 485.2-ci maddəsində nəzərdə tutulmuş inzibati cərimə tənbeh növü tətbiq olunmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 114-115-ci və 128-130-cu maddələrini rəhbər tutaraq, məhkəmə QƏRARA ALDİ: Şəxs MMC-nin Azərbaycan Respublikası İnzibati Xətalar Məcəlləsinin 485.2-ci maddəsi ilə təqsirli bilinərək 1500 (min beş yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 gün müddətinə Şəki Apellyasiya Məhkəməsinə şikayət verilə bilər. Hakim Toğrul Əliyev