Yevlax Rayon Məhkəməsi Qərar — İş №3(039)-428/2021

Azərbaycan Respublikası adından QƏRAR Yevlax Rayou İş № 3(039)-428/2021 03.05.2021 YEVLAX RAYON MƏHKƏMƏSİ Yevlax Rayon Məhkəməsinin hakimi Əlizadə Ruslan Əliyar oğlunun sədrliyi Məhkəmə iclasının katibi X4 İnzibati xəta haqqında protokol tərtib etmiş Yevlax Rayon Polis X1 Bölməsinin polis sahə rəisi, polis kapitanı X2 Barəsində inzibati xəta haqqında iş üzrə icraat aparılan şəxs Şəxs iştirakı ilə Şəxs barəsində Azərbaycan Respublikası İnzibati Xətalar Məcəlləsinin 535.1ci maddəsi ilə tənbeh tədbirinin tətbiq edilməsinə dair Yevlax Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, M Ü Ə Y Y Ə N E T D İ: Yevlax rayon Polis Şöbəsində Şəxs haqqında Azərbaycan Respublikası İXMnin 535.1-ci maddəsi ilə MN seriyalı ******* saylı, 02 may 2021-ci il tarixli inzibati xəta haqqında protokol tərtib edilmiş və baxılması üçün Yevlax Rayon Məhkəməsinə göndərilmişdir. İnzibati xəta haqqında protokoldan və ona əlavə edilmiş sənədlərədən görünür ki, Şəxs, 02 may 2021-ci il tarixdə saat 02.54 radələrində Yevlax rayonu Quşçu kəndində polisin qanuni tələblərinə qəsdən tabe olmamışdır. Məhkəmə iclasında Yevlax Rayon Polis X1 Bölməsinin polis sahə rəisi, polis kapitanı X6 izah etdi ki, Yevlax RPŞ-nin PPXB-nün əməkdaşları Şəhriyar Xəlilov və Mehman İbrahimov 02 may 2021-ci il tarixdə saat 02.54 radələrində xidmətdə olarkən, Yevlax rayonu Quşçu kəndinin girişində VAZ 2107 markalı ** MV *** dövlət qeydiyyat nişanı olan avtomobildən şübhələndikləri üçün həmin avtomobilə yaxınlaşaraq sürücüyə özlərini təqdim etmişlər. Həmin şəxsdən şəxsiyyətini təsdiq edən sənədin olub olmaması barədə soruşduqda sənədlərinin olmamasını bildirərək ucadan nalayiq ifadələr işlətməyə başlamışdır. Polis əməkdaşları həmin vətəndaşı dəfələrlə nizam intizama dəvət etsələr də o, qəsdən polisin qanuni tələbini pozaraq tabe olmamışdır. Həmin şəxs Yevlax RPŞ-yə gətirilmiş və məlum olmuşdur ki, həmin şəxs Yevlax şəhər sakini Şəxsdur. Raporta əsasən tərəfindən araşdırma aparılmış, Şəxs əməlində Azərbaycan Respublikası İXM-nin 535.1-ci maddəsinin tərkibi olduğundan barəsində inzibati protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izah etdi ki, 02 may 2021-ci il tarixdə tanışı X7 onu evə götürməyini xahiş etmişdir. Yevlax rayonu Quşçu kəndinin girişində saat təxminən 02.54 radələrində polis əməkdaşları avtomobilə yaxınlaşaraq özlərini təqdim etmişlər və şəxsiyyəti təsdiq edən sənədi ondan istəmişlər. Həmin vaxt əsəbi olduğundan ucadan nalayiq söyüşlər söymüş və səs-küy salmışdır. Polis əməkdaşları onu nizam-intizama dəvət etsələr də, o, polisin tələbinə tabe olmamış və mübahisəni davam etdirmişdir. Polis əməkdaşları isə onu polis şöbəsinə aparmışlar. Hazırda əməlindən peşmandır, polis əməkdaşlarından üzr istəmişdir və söz verir ki, bir daha belə hallara yol verməyəcəkdir. Məhkəmədən əməlindən səmimi olaraq peşmançılıq çəkməsini və bir daha belə hallara yol verməyəcəyini nəzərə alaraq barəsində yüngül inzibati tənbeh tətbiq edilməsini xahiş etdi. Məhkəmə iclasında şahid qismində dindirilmiş Yevlax RPŞ-nin PPXB-nin manqa komandiri, polis baş serjantı X8 bildirmişdir ki, Yevlax RPŞ-nin PPXB-nin polis nəfəri, polis serjantı Mehman İbrahimov ilə birlikdə xidmətdə olarkən 02 may 2021-ci il tarixdə saat 02.54 radələrində Yevlax rayonu Quşçu kəndinin girişində VAZ 2107 markalı ** MV *** dövlət qeydiyyat nişanı olan avtomobildən şübhələndikləri üçün həmin avtomobilə yaxınlaşaraq sürücüyə özlərini təqdim etmişlər. Avtomobildə bir nəfər sərnişin də olmuşdur. Həmin şəxslərdən şəxsiyyəti təsdiq edən sənədin olub olmaması barədə soruşduqda sənədlərinin olmamasını bildirərək ucadan nalayiq ifadələr işlətməyə başlamışdır. Həmin vətəndaşı dəfələrlə nizam intizama dəvət etsələr də o, qəsdən polisin qanuni tələbini pozaraq tabe olmamışdır. Həmin şəxslər Yevlax RPŞ-nə gətirilmiş və məlum olmuşdur ki, Yevlax şəhər sakinləri Şəxs və X5r. Azərbaycan Respublıikası İXM-nin 535.1-ci maddəsində əsasən Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. İnzibati xəta haqqında protokola əlavə edilmiş 02 may 2021-ci il tarixli inzibati qaydada tutma haqqında protokoldan görünür ki, Şəxs 02 may 2021-ci il tarixdə saat 03.00-da inzibati qaydada tutulmuşdur. Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Barəsində inzibati xəta haqqında iş üzrə icraat aparılan şəxs Şəxs və Yevlax Rayon Polis X1 Bölməsinin polis sahə rəisi, polis kapitanı X2 və şahid Yevlax RPŞnin PPXB-nin manqa komandiri, polis baş serjantı X3 izahatlarını dinləyib, iş materiallarını araşdıraraq hesab edirəm ki, Şəxs Azərbaycan Respublikası İXM-nin 535.1-ci maddəsində nəzərdə tutulan inzibati xətanı törətmiş və o, inzibati tənbeh edilməlidir. Barəsində inzibati xəta haqqında iş üzrə icraat aparılan şəxs Şəxs əməlindən səmimi olaraq peşmançılıq çəkməsi məsuliyyəti yüngülləşdirən hal kimi nəzərə alınır. Azərbaycan Respublikası İXM-nin 76.1-ci maddəsinə əsasən, inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Azərbaycan Respublikası İXM-nin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Şəxs haqqında təqsirli bilindiyi İXM-nin 535.1-ci maddəsinin sanksiyasında nəzərdə tutulan inzibati tənbeh növünü müəyyən edərkən, inzibati xəta törətmişin şəxsiyyətini, əməlindən səmimi peşmançılığını və inzibati xətanın xarakterini nəzərə alınır. Azərbaycan Respublikası İXM-nin 21-ci maddəsinin tələbinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. İnzibati xətanın xarakterini və mahiyyətini, barəsində inzibati xəta haqqında iş üzrə icraat aparılan şəxs Şəxs əməlindən səmimi peşmançılığını və işin faktiki hallarını nəzərə alaraq hesab edirəm ki, Şəxs Azərbaycan Respublikası İXM-nin 535.1-ci mаddəsinin sanskiyasında nəzərdə tutulan inzibаti cərimə tətbiq еdilməlidir. Yuxarıda göstərilənlərə əsasən və Azərbaycan Respublikası İXM-in 40, 43, 48- 51, 114, 115, 117, 128 və 130-cu maddələrini rəhbər tutaraq, Q Ə R A R A A L D İ: xx xxxx 1972-ci il tarixdə Yevlax şəhərində anadan olmuş, Yevlax şəhəri, M.Hüseynzadə küçəsi, ev 49-da qeydiyyatda olan və yaşayan Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib, 150 (bir yüz əlli) manat inzibati cərimə edilsin. Qərarın surəti təqdim edildiyi və ya alındığı gündən 10 (on) gün müddətində Şəki Apellyasiya Məhkəməsinə şikayət və ya protest verilə bilər. Sədrlik edən Ruslan Əlizadə