Yevlax Rayon Məhkəməsi Qərar — İş №3(039)-432/2020

Azərbaycan Respublikası adından QƏRAR Yevlax Rayou İş № 3(039)-432/2020 02.07.2020 YEVLAX RAYON MƏHKƏMƏSİ Hakim Cavadova Günay İsmayıl qızının sədrliyi, Qasımov Nurlan Asif oğlunun katibliyi, Yevlax Rayon Polis Şöbəsinin İctimai Təhlükəsizlik Bölməsinin polis sahə rəisi, polis mayoru x4, zərərçəkmiş şəxs x1, barəsində inzibati xəta haqqında icraat aparılan şəxs Şəxs Niyar oğlunun iştirakları ilə, xx.xx.1989-cu ildə Yevlax şəhərində anadan olmuş, Azərbaycan Respublikası vətəndaşı, ünvan 1 ünvanında qeydiyyatda olan Şəxs Niyar oğlunun barəsində Azərbaycan Respublikası İnzibati Xətalar Məcəlləsinin 157-ci maddəsi ilə tənbeh tədbirinin tətbiq edilməsinə dair Yevlax Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq MÜƏYYƏN ETDİ: Yevlax Rayon Polis Şöbəsindən daxil olmuş “cinayət işi başlanmasının rədd edilməsi barədə” 11 may 2020-ci il tarixli qərar və onun əsasında tərtib edilmiş 01 iyul 2020-ci il tarixli MN seriyalı ******* nömrəli inzibati xəta haqqında protokolda göstərilmişdir ki, Şəxs Niyar oğlu 28 mart 2020-ci il tarixdə saat 21:00 radələrində ünvan 2 ünvanında keçmiş həyat yoldaşı x2 döymüşdür. İnzibati protokolu tərtib etmiş Yevlax rayon Polis Şöbəsinin İctimai Təhlükəsizlik Bölməsinin polis sahə rəisi, polis mayoru x6 məhkəmə iclasında protokolda qeyd olunanlara uyğun çıxış edərək bildirmişdir ki, x1 28 mart 2020-ci il tarixdə Şəxs Niyar oğlu tərəfindən döyülməsi barədə müraciəti əsasında Yevlax Rayon Polis Şöbəsinin İstintaq Bölməsində araşdırma aparılmış, toplanmış material üzrə hər hansı bir cinayət tərkibi olmadığından təhqiqat bölməsi cinayət işinin başlanmasını rədd etmiş və Şəxs Niyar oğlu barəsində inzibati xəta haqqında iş üzrə icraat aparılması üçün qərarın surəti Yevlax Rayon Polis Şöbəsinin İctimai Təhlükəsizlik Bölməsinə göndərilmişdir. Barəsində inzibati xəta haqqında icraat aparılan Şəxs Niyar oğlu məhkəmə iclasında izahat verib özünü təqsirli bilərək bildirmişdir ki, x5 onun arvadı olub və üç ildir ki ayrılıb ayrı yaşayırlar. 28 mart 2020-ci il tarixdə spirtli içki qəbul etdikdən sonra axşam saatlarında keçmiş həyat yoldaşının yaşadığı evə gedərək orada sonuncu ilə mübahisə etmişdir və nəticədə ona bir şillə vurmuşdur. Hazırda zərərçəkmiş şəxslə barışdığını, əməlindən peşman olmasını bildirərək iş üzrə xitam verilməsini xahiş etmişdir. Zərərçəkmiş şəxs x5 məhkəmə iclasında çıxış edərək bildirmişdir ki, Şəxs Niyar oğlu onun keçmiş həyat yoldaşıdır. Onlar üç ildir ki ayrı yaşayırlar. 28 mart 2020-ci il tarixdə keçmiş əri Seymur axşam saat 21:00 radələrində onun yaşadığı atası evə gələrək heç bir səbəb olmadan onu vurmuşdur. Hazırda Şəxs Niyar oğlundan heç bir şikayətinin olmadığını və iş üzrə icraata xitam verilməsini xahiş etmişdir. İş materiallarında olan və məhkəmə baxışında tədqiq edilmiş: 01 iyul 2020-ci il tarixli MN seriyalı ******* nömrəli inzibati xəta haqqında protokolda göstərilmişdir ki, Şəxs Niya7 oğlu 28 mart 2020-ci il tarixdə saat 21:00 radələrində ünvan 2 ünvanında keçmiş həyat yoldaşı x2 döymüşdür; cinayət işinin başlanmasının rədd edilməsi barədə 11 may 2020-ci il tarixli qərardan görünür ki, Azərbaycan Respublikası Səhiyyə Nazirliyinin “MTE və PA” ETT birliyinin Yevlax rayon şöbəsinin 30 mart 2020-ci il tarixli 185 nömrəli rəyi ilə x1 bədənində aşkar olunmuş xəsarət-sol baldırın aşağı ⅓-nin yan səthinin qançırı küt alətin təsirindən əmələ gəlməsi, əmələ gəlmə müddəti 28.03.2020-ci il tarixə uyğun gəlməsi, həmin xəsarətin sağlamlığa zərər vurmadığı və həmin əlamətə görə dərəcəsi təyin edilməyən xəsarətlərə aid edildiyi müəyyən olunmuşdur. Bundan əlavə Şəxs Niyar oğlunun əməlində cinayət tərkibi olmaması müəyyən edildiyindən cinayət işinin başlanmasının rədd edilməsi və barəsində inzibati xəta haqqında iş üzrə icraat aparılması üçün qərarın surəti Yevlax Rayon Polis Şöbəsinin İctimai Təhlükəsizlik Bölməsinə göndərilmişdir. Azərbaycan Respublikası İnzibati Xətalar Məcəlləsinin: 39-cu maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xəta haqqında iş üzrə icraat yalnız zərər çəkmiş şəxsin ərizəsinə əsasən başlanır, zərər çəkmiş şəxslə barəsində inzibati icraat aparılan şəxs barışdıqda isə həmin iş üzrə icraata xitam verilir. 53.0.9-cu maddəsinə əsasən bu Məcəllənin 157 və 158-ci maddələrində nəzərdə tutulmuş inzibati xətanı törətmiş şəxs zərər çəkmiş şəxslə barışdıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. 157-ci maddəsinə əsasən döymə və ya sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Məhkəmə, barəsində inzibati xəta haqqında icraat aparılan Şəxs Niyar oğlunun törətmiş olduğu əməlin hüquqi tövsif məsələsini müzakirə edərək hesab edir ki, onun törətdiyi əməl Azərbaycan Respublikası İnzibati Xətalar Məcəlləsinin 157-ci maddəsi ilə düzgün olaraq tövsif olunmuşdur. Məhkəmənin gəldiyi qənaətə görə Şəxs Niyar oğlu tərəfindən x3 zorakı hərəkətlərlə qəsdən fiziki ağrı yetirməsi, Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməsi faktı iş materiallarına əlavə edilmiş inzibati xəta haqqında protokolla və məhkəmə iclasında tədqiq edilmiş digər sübutların birbiri ilə müqayisəli şəkildə tədqiqi nəticəsində öz təsdiqini tapmışdır. Bununla yanaşı məhkəmə, Şəxs məsuliyyətə cəlb edilməsi məsələsini müzakirə edərək hesab edir ki, tərəflərin barışması və bununla bağlı müvafiq ərizə ilə məhkəməyə müraciət etmələri nəzərə alınmaqla, Şəxs Niyar oğlu barəsində Azərbaycan Respublikası İnzibati Xətalar Məcəlləsinin 39-cu maddəsi tətbiq edilərək o, inzibati məsuliyyətdən azad edilməli və inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin 39, 114 və 115-ci maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə başlanılmış inzibati xəta haqqında iş üzrə icraata həmin Məcəllənin 39-cu maddəsi tətbiq edilməklə xitam verilsin. Qərarın surəti təqdim edildiyi və ya alındığı gündən 10 (on) gün müddətində Şəki Apellyasiya Məhkəməsinə şikayət verilə bilər. Hakim Günay Cavadova