Yevlax Rayon Məhkəməsi Qərar — İş №3(039)-433/2021

Azərbaycan Respublikası adından QƏRAR Yevlax Rayou İş № 3(039)-433/2021 05.05.2021 YEVLAX RAYON MƏHKƏMƏSİ Hakim Cavadova Günay İsmayıl qızının sədrliyi Qasımov Nurlan Asif oğlunun katibliyi ilə Yevlax Rayon Polis X5 Bölməsinin polis sahə rəisi, leytenantı X3, barəsində inzibati icraat aparılan şəxs Şəxs iştirakları ilə, xx.xx.1961-ci il tarixdə Yevlax rayonu Nemətabad kəndində anadan olmuş, Azərbaycan Respublikası vətəndaşı, Yevlax rayonu Nemətabad kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə tənbeh tədbirinin tətbiq edilməsinə dair Yevlax Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Yevlax rayon Polis Şöbəsindən daxil olmuş MN seriyalı ******* nömrəli 05 may 2021-ci il tarixli inzibati xəta haqqında protokolda göstərilmişdir ki, Şəxs 14 aprel 2021-ci il tarixdə saat Yevlax Rayon Məhkəməsinin qarşısında X2 təhqir edərək Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanı törətmişdir. Məhkəmə iclasında Yevlax rayon Polis X5 Bölməsinin polis sahə rəisi X4 protokola uyğun izahat verərək bildirmişdir ki, Şəxs 14 aprel 2021-ci il tarixdə Yevlax Rayon Məhkəməsinin qarşısında X2 təhqir etməsi səbəbindən X8 rayon polis şöbəsinə şikayət ərizəsi ilə müraciət etmişdir. Məhkəmə baxışı zamanı dindirilmiş Şəxs özünü təqsirli bilməyərək vermiş olduğu izahatında göstərmişdir ki, X8 uzaq qohumudur. 14 aprel 2021-ci il tarixdə tanıdığı Abbasqulu adlı şəxslə Yevlax Rayon Məhkəməsinə Abbasqulunun məhkəmə iclasına gəlmişdir. Məhkəmə iclasında X1 ilə mübahisə etməsi səbəbindən o, qohumu olaraq Xəyaləyə ərk edib Abbasqulunu təhqir etməməsi üçün irad bildirmişdir. Bundan sonra məhkəmə iclasına sədrlik edən onu məhkəmə zalından xaric etmişdir. Bundan sonra Abbasqulu məhkəmədən çıxmış və onlar getmişlər. O, 14 aprel 2021-ci il tarixdə Xəyaləni nə məhkəmə iclas zalında, nə də ki məhkəmənin qarşısında təhqir etməmişdir. Bundan əlavə olaraq o, ictimai qaydanı pozmadığını bildirmiş və barəsində olan inzibati xəta haqqında protokola xitam verilməsini xahiş etmişdir. Məhkəmə iclasında şahid qismində dindirilmiş X8 çıxış edərək bildirmişdir ki, 14 aprel 2021-ci il tarixdə Abbasqulu adlı şəxslə məhkəmə mübahisələri olduğu üçün Yevlax Rayon Məhkəməsində məhkəmə iclası keçirilmişdir. Həmin məhkəmə iclasında o, qarşı tərəflə mübahisə edən zaman Sabir ona Abbasquluya söyməməsi üçün irad tutmuşdur. Həmin vaxt məhkəmə iclasına sədrlik edən Sabiri məhkəmə zalından xaric etmişdir. Məhkəmə prosesi qutardıqdan sonra məhkəmə binasından çıxdıqda Sabir onun qarşısını kəsərək onu söyüb təhqir etmişdir. Azərbaycan Respublikası İnzibati Xətalar Məcəlləsinin: 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 114.2.1-ci maddəsinə əsasən Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar qəbul edilir. İnzibati xəta haqqında protokol, inzibati protokolu tərtib etmiş şəxsin, barəsində inzibati xəta haqqında iş üzrə icraat aparılan şəxsin və şahidin izahatları, eləcə də inzibati materialda olan digər sənədləri nəzərə alıb iş üzrə sübutları qiymətləndirərək məhkəmə hesab edir ki, Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında öz təsdiqini tapmamış və sonuncunun əməlində inzibati xəta tərkibinin olmaması müəyyən edilmişdir. Belə ki, həm barəsində inzibati icraat aparılan Şəxs, həm də şahidin verdiyi izahatlardan 14 aprel 2021-ci il tarixdə Şəxs Xəyalə Əsgərova ilə arasında Yevlax Rayon Məhkəməsinin qarşısında mübahisənin baş verməsi, Şəxs tərəfindən Xəyalə Əsgərovanı təhqir etməsinə dəlalət edə biləcək şahid ifadələri mövcud olmamış, digər birbaşa sübutlar məhkəmə baxışı zamanı, habelə səlahiyyətli orqan tərəfindən aparılmış araşdırma gedişatında aşkar olunmamışdır. Azərbaycan Respublikası İnzibati Xətalar Məcəlləsinin 510-cu maddəsinin dispozisiasına görə ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər xırda xuliqanlıq kimi qiymətləndirilərək inzibati məsuliyyətə səbəb olur. Yuxarıda sadalanan qanunun tələbləri və işin həqiqi halları baxımından məhkəmə belə qənaətə gəlir ki, Şəxs əməlində ictimai qaydanı pozan, habelə maddənin dispozisiyasında qeyd olunan hərəkətləri ifadə edən əlamətlər aşkar olunmadığından Şəxs Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulan inzibati xətanı törətməsinə dair işə əməlində inzibati xəta tərkibi olmaması əsası ilə xitam verilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 48-51, 53, 114, 115, 128-130-cu maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə başlanılmış inzibati xəta haqqında iş üzrə icraata həmin Məcəllənin 53.0.2-ci maddəsi tətbiq edilməklə xitam verilsin. Qərarın surəti təqdim edildiyi və ya alındığı gündən 10 (on) gün müddətində Yevlax Rayon Məhkəməsinə və ya bilavasitə Şəki Apelyasiya Məhkəməsinə şikayət verilə bilər. Hakim Günay Cavadova