Yevlax Rayon Məhkəməsi Qərar — İş №3(039)-565/2020

Azərbaycan Respublikası adından QƏRAR Yevlax Rayou İş № 3(039)-565/2020 01.09.2020 YEVLAX RAYON MƏHKƏMƏSİ Hakimi Əlizadə Ruslan Əliyar oğlunun sədrliyi, Məhkəmə iclasının katibi X1 İnzibati xəta haqqında prptokol tərtib etmiş şəxs Yevlax RPŞ-nin İTB-nin sahə rəisi polis mayoru X3 Barəsində inzibati xəta haqqında iş üzrə icraat aparılan şəxs Şəxs iştirakı ilə Şəxs barəsində Azərbaycan Respublikası İXM-nin 535.1-ci maddəsi ilə inzibati xəta törətməsinə dair Yevlax rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİM : Şəxs xx xxxxxx 2020-ci il tarixdə saat 22.00 radələrində Yevlax şəhəri, H.Əliyev prospektində yerləşən Xan Çinar kafesinin qarşısında ictimai qaydanı pozaraq səs-küy salmış və onu nizam-intizama dəvət edən polis əməkdaşlarının qanuni tələblərinə qəsdən tabe olmamışdır. Bu barədə Şəxs barəsində Azərbaycan Respublikası İXM-nin 535.1-ci maddəsi ilə nəzərdə tutulan inzibati xəta haqqında protokol tərtib edilmiş və baxılması üçün Yevlax rayon məhkəməsinə göndərilmişdir. Məhkəmə iclasında Yevlax rayon polis şöbəsinin İTB-nin sahə rəisi polis mayoru X5 izah etdi ki, xx xxx 2020-ci il tarixdə saat 22.10 radələrində Yevlax RPŞ-nin PPXB-nün polis nəfərləri polis serjantı Camal Camalzadə və X9 şəhəri, H.Əliyev prospektində xidmətdə olan zaman bir nəfər şəxsin ictimai yerdə ucadan səs-küy salaraq ünvansız nalayiq söyüşlər söydüyünü görmüşlər. Bunu görən polis əməkdaşları həmin şəxsə yaxınlaşaraq sonuncunu nizam-intizama dəvət etmişlər. Buna baxmayaraq adı və soyadı sonradan məlum olan Şəxs özünü qeyri səməmi aparmış və polis əməkdaşlarının qanuni tələblərinə qəsdən tabe olmayaraq öz hərəkətlərini davam etdirmişdir. Bunu görən polis əməkdaşları həmin şəxsi rayon polis şöbəsinə gətirmişlər və raportla RPŞ-nin rəhbərliyinə müraciət etmişlər. Bu barədə tərəfindən araşdırma aparılmış və Şəxs barəsində Azərbaycan Respublikası İXM-nin 535.1-ci maddəsi ilə inzibati protokol tərtib edilmişdir. Bundan əlavə Şəxs sərxoşluğunun yoxlanılması üçün ailə sağlamlıq mərkəzində yerləşən 113 saylı TTY bölməsinə aparılmışdır. Lakin TTY bölməsində heç bir həkim olmadığı üçün Şəxs sərxoşluğu polis şöbəsinin DYPB-də texniki vasitə ilə müəyyən edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izah etdi ki, ailə üzvləri ilə birlikdə Yevlax şəhəri, şəhid H.Əliyev küçəsi, 96 saylı evdə yaşayır. Fəhləlik edərək ailəsini dolandırır. xx xxxxxx 2020-ci il tarixdə işini qurtardıqdan sonra spirtli içki qəbul etmişdir. Həmin gün təxminən saat 22.00 radələrində Yevlax şəhəri, H.Əliyev prospektində yerləşən Xan Çinar kafesinin yanında olmuş və sərxoş olduğu üçün ucadan ünvansız nalayiq söyüşlər söymüşdür. Bunu görən iki nəfər polis əməkdaşı ona yaxınlaşıb onu nizam-intizama dəvət edərək, söyüş söyməməsini və sakitləşməsini bildirmişlər. Həmin vaxt sərxoş olduğu üçün polis əməkdaşları ilə mübahisə edib, onların qanuni tələblərinə tabe olmamışdır. Sərxoş olduğundan etdiyi hərəkətləri dərk etməmişdir. Hazırda səhvini başa düşür, polis əməkdaşlarından üzr istməişdir və əməlindən səmimi olaraq peşmançılıq çəkir. Məhkəmədən əməlindən səmimi peşmançılığını və bir daha belə hallara yol verməyəcəyini nəzərə alaraq barəsində yüngül inzibati tənbeh tətbiq edilməsini xahiş etdi. Məhkəmə iclasında şahid qismində dindirilən Yevlax RPŞ-nin PPXB-nün polis nəfəri polis serjantı X4 izahatında göstərdi ki, xx xxxxxx 2020-ci il tarixdə saat təxminən 22.00 radələrində post yoldaşı Tural Hətəmovla xidməti marşurutları yoxlayan zaman, H.Əliyev prospektində yerləşən Xan Çinar kafesinin qarşısında bir nəfər şəxsin ictimai yerdə ucadan səs-küy salaraq ünvansız nalayiq söyüşlər söydüyünü görmüşlər. Dərhal həmin şəxsə yaxınlaşıb özlərini təqdim edib, sonuncunuya söyüş söyməməsini və sakitləşməsini bildirərək onu nizam-intizama dəvət etmişlər. Buna baxmayaraq sonuncu özünü qeyri səməmi aparıb, onlara qarşı kobudluq edərək öz hərəkətlərini davam etdirmişdir. Adı sonradan məlum olan Şəxs onların qanuni tələblərinə qəsdən tabe olmadığını görüb, onu rayon polis şöbəsinə gətirmişlər və raportla RPŞ-nin rəhbərliyinə müraciət etmişlər. RPŞ-də həmin şəxsin Yevlax şəhər sakini Şəxs olduğu məlum olmuşdur. Həmin vaxt Şəxs sərxoş vəziyyətdə olmuşdur. Barəsində inzibati xəta haqqında iş üzrə icraat aparılan şəxs Şəxs, inzibati xəta haqqında protokol tərtib etmiş Yevlax rayon polis şöbəsinin İTB-nin sahə rəisi polis mayoru X3, şahid X2 izahatlarını dinləyib, iş materiallarını araşdıraraq hesab edirəm ki, Şəxs Azərbaycan Respublikası İXM-nin 535.1-ci maddəsində nəzərdə tutulan inzibati xətanı törətmiş və o, inzibati tənbeh edilməlidir. İnzibati xəta haqqında protokola əlavə edilmiş xx xxxxxx 2020-ci il tarixli inzibati qaydada tutma haqqında protokoldan görünür ki, Şəxs həmin tarixdə saat 23.00-da inzibati qaydada tutulmuşdur. İnzibati xəta haqqında protokola əlavə edilmiş xx.xx.2020 il tarixli aktdan görünür ki, Şəxs sərxoşluğunun yoxlanılması üçün ailə sağlamlıq mərkəzində yerləşən 113 saylı TTY bölməsinə aparılmışdır. Lakin TTY bölməsində heç bir həkim olmadığı üçün Şəxs sərxoşluğu polis şöbəsinin DYPB-də texniki vasitə ilə müəyyən edilmişdir. İnzibati xəta haqqında protokola əlavə edilmiş xx xxxxxx 2020-ci il tarixli alkotestrdən görünür ki, Şəxs alkoqolun miqdarı 0,743 % olmuşdur. Azərbaycan Respublikası İXM-nin 76.1-ci maddəsinə əsasən, inzibati xətanın olubolmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Şəxs haqqında təqsirli bilindiyi İXM-nin 535.1-ci maddəsinin sanksiyasında nəzərdə tutulan inzibati tənbeh növünü müəyyən edərkən, barəsində inzibati xəta haqqında iş üzrə icraat aparılan şəxsin şəxsiyyətini, onun təqsirinin dərəcəsi, inzibati xətanın xarakteri, habelə məsuliyyəti yüngülləşdirən və ağırlaşdıran hallar nəzərə alınır. Barəsində inzibati xəta haqqında iş üzrə icraat aparılan şəxs Şəxs əməlini səmimi etiraf edib, əməlindən səmimi peşman olması məsuliyyəti yüngülləşdirən hal kimi nəzərə alınır. Şəxs inzibati xətanı sərxoş vəziyyətdə törətməsi məsuliyyəti ağırlaşdıran hal kimi nəzərə alınır. Azərbaycan Respublikası İXM-nin 21-ci maddəsinin tələbinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Azərbaycan Respublikası İXM-nin 9.1-ci maddəsində göstərilir ki, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 34.1-ci maddəsinə əsasən Bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. İnzibati xətanın xarakterini və mahiyyətini, barəsində inzibati xəta haqqında iş üzrə icraat aparılan şəxs Şəxs məsuliyyətini yüngülləşdirən və ağırlaşdıran halları və işin faktiki hallarını nəzərə alaraq hesab edirəm ki, Şəxs təqsirli bilindiyi Azərbaycan Respublikası İXM-nin 535.1-ci maddəsinin sanksiyasında nəzərdə tutulan inzibati həbs növündə tənbeh edilməlidir. Yuxarıda göstərilənlərə əsasən və Azərbaycan Respublikası İXM-nin 40, 43, 48-51, 114, 115, 117, 128 və 130-cu maddələrini rəhbər tutaraq, QƏRARA ALDİ : xx xxxx 1979-cu il tarixdə Ermənistan Respublikasında anadan olmuş, Azərbaycan Respublikasının vətəndaşı, ailəli, orta təhsilli, fərdi əməklə məşğul olan, Ağdam rayonu, Seyidli kəndində qeydiyyatda olan, Yevlax şəhəri, şəhid H.Əliyev küçəsi, ev 96-da yaşayan Şəxs Azərbaycan Respublikası İXM-nin 535.1-ci maddəsi ilə təqsirli bilinib, 15 (on beş) gün müddətinə inzibati həbs edilsin. Həbs etmənin əvvəli xx xxxxxx 2020-ci il tarixdən saat 23.00-dan hesablansın. Qərarın surəti Şəxs təqdim edilsin. Qərarın icrası Yevlax rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 (on) gün müddətində Şəki Apellyasiya Məhkəməsinə şikayət və ya protest verilə bilər. Sədrlı̇k edən Ruslan Əlizadə