Yevlax Rayon Məhkəməsi Qərar — İş №3(039)-612/2022

Azərbaycan Respublikası adından QƏRAR Yevlax Rayou İş № 3(039)-612/2022 08.06.2022 YEVLAX RAYON MƏHKƏMƏSİ Hakim Əlizadə Ruslan Əliyar oğlunun sədrliyi, Qasımov Nurlan Asif oğlunun katibliyi, Yevlax rayon X6 Təhlükəsizlik Bölməsinin polis sahə rəisi, polis mayoru X3, barəsində inzibati icraat aparılan şəxs Şəxs iştirakları ilə, xx.xx.1988-ci il tarixdə Ermənistan Respublikası Cermuk şəhərində doğulmuş, Azərbaycan Respublikası vətəndaşı, Mingəçevir şəhəri Naxcivan küçəsi 29 mənzil 115-də qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə tənbeh tədbirinin tətbiq edilməsinə dair Yevlax Rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq MÜƏYYƏN ETDİ: Yevlax Rayon Polis Şöbəsindən daxil olmuş MN seriyalı ******* nömrəli 08 iyun 2022-ci il tarixli inzibati xəta haqqında protokolda göstərilmişdir ki, Şəxs 08 iyun 2022-ci il tarixdə saat 03:00 radələrində şərxoş halda Yevlax şəhər Q.Quliyev küçəsi 1 saylı binanın qarşısında səs-küy salaraq X1 təhqir etmişdir. Bununla o, Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanı törətmişdir. Məhkəmə iclasında inzibati xəta haqqında protokolu tərtib etmiş Yevlax rayon X6 Təhlükəsizlik Bölməsinin polis sahə rəisi X5 məhkəmə iclasında protokolda qeyd olunanlara uyğun çıxış edərək bildirmişdir ki, Şəxs 08 iyun 2022-ci il tarixdə saat 03:00 radələrində şərxoş halda Yevlax şəhər Q.Quliyev küçəsi 1 saylı binanın qarşısında səs-küy salaraq X1 təhqir etmişdir. Şəxs tərəfindən törədilmiş xətaya görə Azərbaycan Respublikası İnzibati Xətalar Məcəlləsində 510-cu maddəsi ilə inzibati məsuliyyət yaratdığından, sonuncu barəsində müvafiq protokol tərtib edilərək məhkəməyə təqdim edilmişdir. Məhkəmə baxışı zamanı barəsində inzibati xəta haqqında icraat aparılan Şəxs izahatında göstərmişdir ki, X4 ilə qeyri rəsmi bir ilə yaxındır ki, münasibətləri olub. Lakin sonradan münasibətləri pozulmuşdur. 08 iyun 2022-ci il tarixdə Elnarə onu yaşadığı evə çağırdığından o, gecə saatlarında Elnarənin yaşadığı üvə getmişdir. Lakin Elnarə qapını açmadığından o, əsəbləşərək səs-küy salmışdır. Barəsində ədalətli qərarın qəbul edilməsini xahiş etmişdir. Məhkəmə iclasında şahid X4 inzibati xəta haqqında protokola öz münasibətini bildirərək qeyd etmişdir ki, Şəxs ilə qeyri rəsmi bir ilə yaxındır ki, münasibətləri olub. Lakin sonradan münasibətləri pozulmuşdur. Münasibətlərinin pozulmasına baxmayaraq Yaməddin onu mütamadi olaraq narahat edir. Sonuncu dəfə Yaməddin 08 iyun 2022-ci il tarixdə saat 03:00 radələrində şərxoş halda onun yaşadığı binanın qarşısına gələrək məhlədə onu söyüb təhqir etmişdir. Bundan sonra mənzilə daxil olmaq üçün mənzilin pəncərəsini sındırmışdır. Bundan sonra polisə məlumat vermişdir. Hazırda Şəxs şikayətçidir. İş materiallarında olan və məhkəmə iclasında tədqiq edilmiş: MN seriyalı ******* nömrəli 08 iyun 2022-ci il tarixli inzibati xəta haqqında protokolda göstərilmişdir ki, Şəxs 08 iyun 2022-ci il tarixdə saat 03:00 radələrində şərxoş halda Yevlax şəhər Q.Quliyev küçəsi 1 saylı binanın qarşısında səs-küy salaraq X1 təhqir etmişdir. 08 iyun 2022-ci il tarixli inzibati xəta törətmiş şəxsi tutma haqqında protokoldan görünür ki, Şəxs 08 iyun 2022-ci il tarixdə saat 04:30-da tutulmuşdur; Sərxoşluğun müayinəsinə dair 08 iyun 2022-ci il tarixli, 128 №li protokoldan görünür ki, həmin tarixdə Şəxs yüngül dərəcə sərxoşluq müəyyən edilmişdir. Azərbaycan Respublikası İnzibati Xətalar Məcəlləsinin; 9.1-ci maddəsinə əsasən İnzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanın Şəxs tərəfindən törədilməsi protokolu tərtib etmiş şəxsin, şahidin ifadəsi, məhkəmə iclasında tədqiq edilmiş inzibati xəta haqqında protokol, eləcə də inzibati materialda olan digər sənədlərlə sübuta yetirilmişdir. Beləliklə, məhkəmə törədilmiş inzibati xətanın xarakterini, habelə inzibati xətanı törətmiş şəxsin şəxsiyyətini, məsuliyyəti yüngülləşdirən halların müəyyən edilməməsini, məsuliyyəti ağırlaşdıran hal kimi - inzibati xətanın sərxoş şəxs tərəfindən törədilməsini nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 510-cu maddəsinin sanksiyasının hədləri daxilində inzibati həbs növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq QƏRARA ALDİ: Şəxs Azərbaycan Respubilkası İnzibati Xətalar Məcəlləsinin 510-cu maddəsi ilə təqsirli bilinib 05 (beş) gün müddətinə inzibati qaydada həbs edilsin. Həbsetmənin əvvəli 08 iyun 2022-ci il tarixdən saat 04:30-dan hesablansın. Qərarın icrası Yevlax rayon Polis Şöbəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Yevlax Rayon Məhkəməsinə və ya bilavasitə Şəki Apellyasiya Məhkəməsinə şikayət verilə bilər. Hakim Ruslan Əlizadə