Yevlax Rayon Məhkəməsi Qərar — İş №3(039)-619/2021

Azərbaycan Respublikası adından QƏRAR Yevlax Rayou İş № 3(039)-619/2021 07.08.2021 YEVLAX RAYON MƏHKƏMƏSİ Hakim Cavadova Günay İsmayıl qızının sədrliyi Qasımov Nurlan Asif oğlunun katibliyi, Yevlax rayon X7 Təhlükəsizlik Bölməsinin polis sahə rəisi, polis kapitanı X2, barəsində inzibati icraat aparılan şəxs Şəxs iştirakı ilə, xx.xx.1974-cü ildə Kəlbəcər rayonu Şaplar kəndində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olan və Gəncə şəhəri Yeni qəsəbə bina 18 mənzil 50 ünvanında yaşayan Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə tənbeh tədbirinin tətbiq edilməsinə dair inzibati xəta haqqında materiala açıq məhkəmə iclasında baxaraq, məhkəmə MÜƏYYƏN ETDİ: Yevlax rayon Polis Şöbəsindən daxil olmuş MN seriyalı ******* saylı, 07 avqust 2021-ci il tarixli inzibati xəta haqqında protokolda göstərilmişdir ki, Şəxs 07.08.2021-ci il tarixdə saat 00:00 radələrində Yevlax rayonu Xaldan kəndi ərazisində polisin qanuni tələbinə qəsdən tabe olmamışdır. Bununla da, Azərbaycan Respublikası İnzibati Xətalar Məcəlləsinin 535.1ci maddəsi ilə nəzərdə tutulmuş inzibati xətanı törətmişdir. Məhkəmə iclasında Yevlax rayon X7 Təhlükəsizlik Bölməsinin polis sahə rəisi, polis kapitanı X4 çıxış edərək bildirmişdir ki, 07.08.2021-cİ il tarixdə Yevlax rayon polis şöbəsinin əməkdaşları Yevlax rayonu Xaldan kəndi ərazisində xidmətdə olan zaman saat təxminən 00:00-da "Ərik bağı" adlı kafenin qarşısında bir nəfər şəxsin səs-küy saldığını eşitmişlər. onlar həmin vətəndaşa yaxınlaşanda həmin vətəndaşın işkili olduğunda şübhələnmiş və onu nizam-intizama dəvət etmişlər. Vətəndaş polis əməkdaşlarına tabesizlik göstərmiş və polis əməkdaşları vətəndaşı polis şöbəsinə aparmışlar. Polis şöbəsində həmin vətəndaşın Şəxs olduğu müəyyən edilmişdir. Məhkəmə baxışı zamanı dindirilmiş Şəxs özünü təqsirli bilərək vermiş olduğu izahatında bildirmişdir ki, 06 avqust 2021-ci il tarixdə Yevlax rayonu Xaldan kəndinə qohumunun yanına qonaq getmişdir. Qohumu ilə spirtli içki qəbul etdikdən sonra evinə getmək istəmiş və sərxoş olduğu üçün hərəkətlərinin mənasını başa düşməyərək ucadan danışmışdır. Polis əməkdaşları ona yaxınlaşdıqda o, özündə olmadığı üçün tabesizlik göstərmişdir. Hazırda əməlindən peşman olmasını, polislərdən üzr istədiyini bildirərək barəsində ədalətli qərar qəbul edilməsini xahiş etmişdir. Məhkəmə iclasında şahid qismində dindirilmiş Yevlax rayon X10-patrul xidməti bölüyünün polis nəfəri, polis serjantı X5 çıxış edərək bildirmişdir ki, 07.08.2021-cİ il tarixdə o, post yoldaşı X1 ilə birlikdə Yevlax rayonu Xaldan kəndi ərazisində xidmətdə olan zaman saat təxminən 00:00-da Yevlax rayon Xaldan kəndində yerləşən "Ərik bağı" adlı kafenin qarşısında bir nəfərin ucadan səs-küy salaraq danışdığını görmüşlər. onlar vətəndaşa yaxınlaşıb özlərini təqdim etmiş və vətəndaşı nizam-intizama dəvət etsələr də, vətəndaş hərəkətlərinə davam etmiş və onun sərxoş olduğuna şübhələr yaranmışdır. Vətəndaşı sakitləşdirmək mümkün olmamış və onlar əlavə kömək çağırmalı olmuşlar. Sonradan Şəxs sərxoşluq müayinəsindən keçirilmiş və onun sərxoş olduğu müəyyən olunmuşdur. Məhkəmə iclasında şahid qismində dindirilmiş Yevlax rayon X10-patrul xidməti bölüyünün polis nəfəri, polis serjantı X1 şahid X3 izahatına uyğun izahat vermişdir. İş materiallarında olan və məhkəmə iclasında tədqiq edilmiş: MN seriyalı ******* saylı, 07 avqust 2021-ci il tarixli inzibati xəta haqqında protokolda göstərilmişdir ki, Şəxs 07.08.2021-ci il tarixdə saat 00:00 radələrində Yevlax rayonu Xaldan kəndi ərazisində polisin qanuni tələbinə qəsdən tabe olmamışdır. 07 avqust 2021-ci il tarixli inzibati xəta törətmiş şəxsi tutma haqqında protokoldan görünür ki, Şəxs 07 avqust 2021-ci il tarixdə saat 00:00-da tutulmuşdur; Sərxoşluğun müayinəsinə dair 07.08.2021-ci il tarixli,166 №li protokoldan görünür ki, Şəxs yüngül dərəcə sərxoş olduğu müəyyən edilmişdir. Azərbaycan Respublikası İnzibati Xətalar Məcəlləsinin: 9.1-ci maddəsinə əsasən İnzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görəfiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokol, barəsində inzibati icraat aparılan şəxsin izahatı, şahidlərin izahatı, eləcə də inzibati materialda olan digər sənədlərlə sübuta yetirilmişdir. Beləliklə məhkəmə, törədilmiş inzibati xətanın xarakterini, habelə inzibati xətanı törətmiş şəxsin şəxsiyyətini, məsuliyyəti yüngülləşdirən hal kimi inzibati xəta törətmiş şəxsin səmimi peşmançılığını (İXM 32.1.1) və məsuliyyəti ağırlaşdıran hal kimi inzibati xətanın sərxoş halda törədilməsini nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 535.1-ci maddəsinin sanksiyası hədləri daxilində inzibati cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib 200 (iki yüz) manat məbləğində cərimə edilsin. Şəxs məhkəmə zalından dərhal həbsdən azad edilsin. Qərardan rəsmi qaydada verildiyi gündən on gün müddətində Yevlax Rayon Məhkəməsinə və ya bilavasitə Şəki Apelyasiya Məhkəməsinə apelyasiya şikayəti və protesti verilə bilər. Hakim Günay Cavadova