Yevlax Rayon Məhkəməsi Qərar — İş №3(039)-721/2025

Azərbaycan Respublikası adından QƏRAR Yevlax Rayou İş № 3(039)-721/2025 28.04.2025 YEVLAX RAYON MƏHKƏMƏSİ Hakim Əlizadə Ruslan Əliyar oğlunun sədrliyi, Mədətov Samir Yusif oğlunun katibliyi, Yevlax rayon X5 Təhlükəsizlik Bölməsinin polis sahə rəisi, polis kapitanı X2, barəsində inzibati icraat aparılan şəxs Şəxs iştirakları ilə, xx.xx.1981-ci ildə Yevlax rayonunda anadan olmuş, Azərbaycan Respublikasının vətəndaşı, Yevlax rayonu Nərimanabad kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə tənbeh tədbirinin tətbiq edilməsinə dair inzibati xəta haqqında materiallara açıq məhkəmə iclasında baxaraq, məhkəmə MÜƏYYƏN ETDİ: Yevlax Rayon Polis Şöbəsindən daxil olmuş MN seriyalı ******* nömrəli xx.xx.2025-ci il tarixli inzibati xəta haqqında protokolda göstərilmişdir ki, Şəxs xx.xx.2025-ci il tarixdə saat 23:30 radələrində Yevlax rayonu Nərimanabad kəndində sərxoş vəziyyətdə ünvansız nalayiq ifadələr işlədərək xırda xuliqanlıq etmişdir.Bununla o, Azərbaycan Respublikası İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanı törətmişdir. Məhkəmə iclasında Yevlax rayon Polis Şöbəsinin polis sahə rəisi, polsi kapitanı X6 məhkəmə iclasında protokolda qeyd olunanlara uyğun çıxış edərək bildirmişdir ki, Şəxs xx.xx.2025-ci il tarixdə Yevlax rayonu Nərimanabad kəndinin ərazisində küçədə sərxoş vəziyyətdə ünvanısz nalayiq ifadələr işlədərək xırda xuliqanlıq etmişdir. Bu zaman Şəxs övladı X1 atasına yaxınlaşıb belə hərəkətlərə yol verməməsini bildirsədə o öz hərəkətlərini davam etdirdiyi üçün X1 Azərbaycan Respublikası Daxili İşlər Nazirliyinin 102 xidmətinə zəng edərək atasından şikayət etmişdir.Həmçinin bildirmişdir ki, Şəxs barəsində 2025-ci ilin aprel ayının 1-də Yevlax rayon Məhkəməsinin qərarı ilə Azərbaycan Respublikası İnzibati Xətalar Məcəlləsinin 510-cu maddəsi ilə inzibati işinə baxılmış və məhkəmənin qərarı ilə 100 manat miqdarında inzibati cəimə edilmişdir. Bu səbəbdən Şəxs barəsində inzibati xəta haqqında protokol tərtib olunmuşdur. Şəxs barəsində inzibati tənbeh tətbiq olunmasını məhkəmədən xahiş etmişdir. Barəsində inzibati xəta haqqında icraat aparılan Şəxs məhkəmə iclasında özünü təqsirli bilərək vermiş olduğu izahatında göstərmişdir ki, 25 aprel 2025-ci il tarixinə saat 23:30 radələrində Yevlax rayonu Nərimanabad kəndindin ərazisində sərxoş vəziyyətdə olduğu üçün ictimai qaydanı pozmuş, ünvansız nalayiq söyüşlər söymüş, cəmiyyətə qarşı açıqcasına hörmətsizlik etmişdir. O,həmçinin izahatında bildirmişdir ki, özü 2-ci qrup əlildir. Məhkəmə iclasında şahid qismində dindirilmiş X1 çıxış edərək bildirmişdir ki, xx.xx.2025ci il tarixdə saat 23:30 radələrində atası Şəxs Yevlax rayonu Nərimanabad kəndində yaşadıqları küçədə sərxoş vəziyyətdə ünvansız nalayiq söyüşlər söymüşdür.Bununla bağlı olaraq o atasını sakitləşdirməyə çalışsada Şəxs ona məhəl qoymayaraq hərəkətlərini davam etdirmiş və Eldəniz Mustafayevədə qarşı unvansız nalayiq ifadələr işlətmiş və bunun üçün o Azərbaycan Respublikası Daxili İşlər Nazirliyinin 102 xidmətinə zəng edərək Şəxs barəsində tədbir görülməsi üçün şikayət etmişdir. İş materiallarında olan və məhkəmə iclasında tədqiq edilmiş: MN seriyalı ******* nömrəli xx.xx.2025-ci il tarixli inzibati xəta haqqında protokolda göstərilmişdir ki, Şəxs xx.xx.2025-ci il tarixdə Yevlax rayonu Nərimanabad kəndində sərxoş vəziyyətdə ünvansız nalayiq ifadələr işlədərək xırda xuliqanlıq etmişdir. xx.xx.2025-ci il tarixli inzibati xəta törətmiş şəxsi tutmaq haqqında protokoldan görünür ki, Şəxs xx.xx.2025-cü il tarixdə saat 01:00-da tutulmuş, xx.xx.2025-ci il tarixdə saat 18:00da azad edilmişdir. Mingəçevir şəhər Narkoloji Dispanserinin xx.xx.2025-ci il tarixli, 404 nömrəli sərxoşluq hallarının bütün növlərinin təyini məqsədi ilə aparılan tibbi müayinə aktına əsasən Şəxs Yüngül dərəcəli alkaqol sərxoşluğu müəyyən edilmişdir. Yevlax rayon Məhkəməsinin xx.xx.2025-ci il tarixli, 3(039)-496/2025 saylı qərarı ilə barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib 100 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin: 9.1-ci maddəsinə əsasən İnzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır; 30.2-ci maddəsinə əsasən hamilə qadınlar və ya himayəsində on dörd yaşınadək uşağı olan qadınlar, on dörd yaşına çatmamış uşağını təkbaşına böyüdən kişilər, on səkkiz yaşına çatmayan şəxslər, orqanizmin funksiyalarının 61-80 faiz və ya 81-100 faiz pozulmasına görə əlilliyi müəyyən edilmiş şəxslər, 18 yaşınadək əlilliyi müəyyən edilmiş şəxslər, altmış yaşına çatmış qadınlar və altmış beş yaşına çatmış kişilər, habelə bu Məcəllənin 41-ci fəslində nəzərdə tutulmuş inzibati xətalar istisna olmaqla digər inzibati xətalara görə hərbi qulluqçular barəsində inzibati həbs tətbiq edilə bilməz. 31.4-1-ci maddəsinə əsasən İnzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. 33.1.7-ci maddəsinə əsasən inzibati xətanın sərxoş halda olan şəxs tərəfindən törədilməsi. 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İnzibati Xətalar Məcəlləsinin 510-cu maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokol, zərərçəkmişin və inzibati xəta haqqında protokolu tərtib etmiş şəxsin izahatı, eləcə də inzibati materialda olan digər sənədlərlə sübuta yetirilmişdir. Beləliklə məhkəmə törədilmiş inzibati xətaların xarakterini, inzibati xətanı törətmiş şəxsin şəxsiyyətini, 2-ci qrup əlil olmasının məsuliyyəti yüngülləşdirən hal kimi nəzərə alınmasını, inzibati xətaya görə inzibati tənbeh almış şəxsin eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi və inzibati xətanın sərxoş halda olan şəxs tərəfindən törədilməsi məsuliyyəti ağırlaşdıran halları (İXM 33.1.2 və 33.1.7) nəzərə alıb iş üzrə sübutları qiymətləndirərək hesab edir ki, Şəxs inzibati xətanın törədilməsində təqsirli bilinməli və maddənin sanksiyasında nəzərdə tutulmuş cərimə növündə inzibati tənbeh tədbiri tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respubilkası İnzibati Xətalar Məcəlləsinin 510-cu maddəsində maddəsində nəzərdə tutulmuş inzibati xətanı törətməkdə təqsirli bilinib 100 (bir yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 gün müddətində Yevlax Rayon Məhkəməsinə və ya bilavasitə Şəki Apellyasiya Məhkəməsinə şikayət verilə bilər. Hakim Ruslan Əlizadə