Yevlax Rayon Məhkəməsi Qərar — İş №3(039)-763/2022

Azərbaycan Respublikası adından QƏRAR Yevlax Rayou İş № 3(039)-763/2022 26.08.2022 YEVLAX RAYON MƏHKƏMƏSİ Hakim Əliyev Kamil Çingiz oğlunun sədrliyi, Qasımov Nurlan Asif oğlunun katibliyi, Azərbaycan Respublikası Dövlət X4 Ərazi Baş Gömrük İdarəsinin nümayəndəsi X1 iştirakı ilə, Barəsində inzibati xəta haqqında iş üzrə icraat aparılan hüquqi şəxs: ünvan 1 ünvanında qeydiyyatda olan Teymur Əhmədov adına "xxxx" QSC barəsində Azərbaycan Respublikası İnzibati Xətalar Məcəlləsinin 483-cü maddəsi üzrə tərtib olunmuş inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, məhkəmə MÜƏYYƏN ETDİ: ünvan 1 qeydiyyatda olan Teymur Əhmədov adına "xxxx" QSC tərəfindən xx.xx.2021-ci il tarixli, **********3784 saylı sorğu nömrəli gömrük bəyannaməsi üzrə konsiqnasiya yolu ilə ixrac edilən yükün dəyərinin 17625.60 ABŞ dollarından 17000.63 ABŞ dollarının QSC-nin müvəkkil bank hesabına köçürülmüş, lakin qalıq məbləğ olan 624.97 ABŞ dolları olan valyuta vəsaiti bəyan edildiyi gündən 180 gün ərzində ixracatçının hesabına geri köçürülməmişdir. Məhkəmə iclasında səlahiyyətli orqanın nümayəndəsi X2 inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, **********3784 saylı sorğu nömrəli gömrük bəyannaməsi üzrə konsiqnasiya yolu ilə ixrac edilən yükün dəyərinin 17625.60 ABŞ dollarından 17000.63 ABŞ dollarının QSC-nin müvəkkil bank hesabına köçürülmüş, lakin qalıq məbləğ olan 624.97 ABŞ dolları olan valyuta vəsaiti bəyan edildiyi gündən 180 gün ərzində ixracatçının hesabına geri köçürülmədiyindən QSC barəsində inzibati xəta haqqında protokol tərtib edildikdən sonra həmin vəsaitin bir hissəsi QSC-nin ünvanına köçürülmüşdür və hazırda köçürülməyən məbləğ 280.03 ABŞ dolları təşkil edir. QSC barəsində qanuni qərarın qəbul edilməsini xahiş etmişdir. Səlahiyyətli orqanın nümayəndəsi X2 hesabat üzrə çıxarışı məhkəməyə təqdim etdi. Məhkəmə iclasının vaxtı və yeri barədə xəbərdar edilmiş Teymur Əhmədov adına "xxxx" QSC-nin nümayəndəsi məhkəmə iclasına gəlmədiyindən məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə onun iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: xx.xx.2022-ci il tarixli 11000-2623/22 saylı protokoldan görünür ki, ünvan 1 qeydiyyatda olan Teymur Əhmədov adına "xxxx" QSC tərəfindən xx.xx.2021-ci il tarixli, **********3784 saylı sorğu nömrəli gömrük bəyannaməsi üzrə konsiqnasiya yolu ilə ixrac edilən yükün dəyərinin 17625.60 ABŞ dollarından 17000.63 ABŞ dollarının QSC-nin müvəkkil bank hesabına köçürülmüş, lakin qalıq məbləğ olan 624.97 ABŞ dolları olan valyuta vəsaiti bəyan edildiyi gündən 180 gün ərzində ixracatçının hesabına geri köçürülməmişdir; Konsiqnasiya əməliyyatları üzrə hesabat – testdən görünür ki, təqdim edilmiş xx.xx.2022ci il tarixli, 180 nömrəli məktubundan görünür ki, xx.xx.2021-ci il tarixli, **********3784 saylı sorğu nömrəli gömrük bəyannaməsi üzrə ixracatçının hesabına geri köçürülməyən vəsaitin 280.03 ABŞ dolları təşkil edir. Azərbaycan Respublikası İnzibati Xətalar Məcəlləsinin; 3-cü maddəsinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 12.1-ci maddəsində göstərilir ki, həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. 483-cü maddəsinə əsasən xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilir. Səlahiyyətli orqanın nümayəndəsinin məhkəmə prosesində verdiyi izahatı və iş materiallarında olan sənədlərlə müəyyən olunmuşdur ki, Teymur Əhmədov adına "xxxx" QSC tərəfindən yük ixrac olunmuş və bu barədə xx.xx.2021-ci il tarixli, **********3784 sorğu nömrəli gömrük bəyannaməsi tərtib olunmuşdur. Həmin gömrük bəyannaməsi üzrə ixraatçı ixrac etdiyi məhsulun qalıq məbləği olan 280.03 ABŞ dolları vəsaitin müvəkkil bankın hesabına köçürülməsini təmin etməmişdir və bununla da Azərbaycan Respublikası İnzibati Xətalar Məcəlləsinin 483-cü maddəsində nəzərdə tutulmuş inzibati xətanı törətmişdir. Azərbaycan Respublikası Prezidentinin 24 iyun 1997-ci il tarixli, 609 nömrəli Fərmanı ilə təsdiq olunmuş “Azərbaycan Respublikasında idxal-ixrac əməliyyatlarının tənzimlənməsi” Qaydalarının 12.2-ci bəndinə əsasən, hüquqi və fiziki şəxslər konsiqnasiya yolu ilə ixrac etdikləri malların (işlərin, xidmətlərin) müqabilində vəsaitlərin onların bəyan olunduğu gündən 180 (yüz səksən) gün ərzində Azərbaycan Respublikasındakı müvəkkil bankda olan hesablarına köçürülməsini təmin etməlidirlər. Beləliklə, məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək, hesab edir ki, Teymur Əhmədov adına "xxxx" QSC Azərbaycan Respublikası İnzibati Xətalar Məcəlləsinin 483-cü maddəsi ilə təqsirli bilinməli və barəsində inzibati xətanın bilavasitə obyekti olmuş valyuta vəsaiti məbləğinin 40 faizi məbləğində cərimə tənbeh növü təyin edilməlidir. Şərh olunanlara əsasən və Azərbaycan Respublikası İnzibati Xətalar Məcəlləsinin 25, 40.0.1, 43, 48-51, 55, 114, 115,128-130 maddələrini rəhbər tutaraq, məhkəmə QƏRARA ALDİ: Teymur Əhmədov adına "xxxx" QSC Azərbaycan Respublikası İnzibati Xətalar Məcəlləsinin 483-cü maddəsi ilə təqsirli bilinsin və barəsində inzibati xətanın bilavasitə obyekti olan xarici valyuta- 280 ABŞ dolları 03 sent vəsaitin qırx faizi miqdarında, yəni 112 ABŞ dolları 012 sent (ödənilən günə manatla olan məzənnəsi ilə) cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Yevlax Rayon Məhkəməsinə və ya bilavasitə Şəki Apellyasiya Məhkəməsinə apellyasiya şikayəti verilə bilər. Hakim Kamil Əliyev