Yevlax Rayon Məhkəməsi Qərar — İş №3(039)-85/2020

Azərbaycan Respublikası adından QƏRAR Yevlax Rayou İş № 3(039)-85/2020 25.02.2020 YEVLAX RAYON MƏHKƏMƏSİ Hakim Əliyev Toğrul Məhəmməd oğlunun sədrliyi, Məhkəmə iclasının katibi X1, İnzibati xəta törətmiş şəxs Söyübov Rüstəm Ağasəf oğlunun iştirakı ilə, Söyübov Rüstəm Ağasəf oğlu- xx.xx.1983-cü ildə Yevlax şəhərində anadan olmuş, Azərbaycan Respublikasının vətəndaşı, subay, orta təhsilli, işləməyən, Yevlax şəhəri F.İsayev küçəsi ev 90-da yaşayan. Onun barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə X3 Şöbəsindən daxil olmuş inzibati xəta haqqında işə məhkəmə iclasında baxaraq, məhkəmə müəyyən etdi: Söyübov Rüstəm Ağasəf oğlu barəsində X3 Şöbəsinin Dövlət Yol Polis Bölməsində tərtib edilmiş İXP ******* №-li, xx xxxxxx 2020-ci il tarixli inzibati xəta haqqında protokolda göstərilmişdir ki, o, yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarı qanuni qüvvəyə mindiyi vaxtdan üç ay müddətində qanunla müəyyən edilmiş əsaslar olmadan icra etməmişdir. Məhkəmə inzibati xəta haqqında işi araşdıraraq belə hesab edir ki, inzibati xəta törətmiş şəxs Söyübov Rüstəm Ağasəf oğlu inzibati məsuliyyətdən azad edilməlidir. Belə ki, Azərbaycan Respublikası İnzibati Xətalar Məcəlləsinin 529.3-cü maddəsində yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə nəqliyyat vasitələrini idarə etmək hüququnun altı aydan bir ilədək müddətə məhdudlaşdırılırması nəzərdə tutulmuşdur. Həmin maddənin qeyd hissəsində göstərilir ki, bu Məcəllənin 529.3-cü maddəsində nəzərdə tutulmuş inzibati xətanı törətmiş şəxs müvafiq cəriməni, dəbbə pulunu, nəqliyyat vasitəsinin duracağa gətirilməsinə və onun orada saxlanılmasına görə haqqı inzibati xəta haqqında iş üzrə məhkəmə qərar qəbul edənədək ödədikdə inzibati məsuliyyətdən azad olunur. İşə əlavə edilmiş Azərbaycan Respublikası Mingəçevir Şəhər DİN BDYPİ xx xxxxxxxx 2019-cu il tarixli inzibati xəta haqqında iş üzrə qərarının surətindən görünür ki, Söyübov Rüstəm Ağasəf oğlu Azərbaycan Respublikası İnzibati Xətalar Məcəlləsinin 327.2-ci maddəsində nəzərdə tutulan inzibati xətanı törətdiyinə görə 60 manat məbləğində cərimə edilmiş, Söyübov Rüstəm Ağasəf oğlu cəriməni ödəmədiyi üçün həmin cərimənin üzərinə 36 manat məbləğində peniya hesablanaraq 96 manat məbləğində olmuşdur. Söyübov Rüstəm Ağasəf oğlunun məhkəməyə təqdim etdiyi mədaxil qəbzin surətindən görünür ki, o, 96 manat məbləğdə cərimə borcunu tam şəkildə müfaviq bank hesabına ödəmiş və hal-hazırda qalıq borcu qalmamışdır. Azərbaycan Respublikası İnzibati Xətalar Məcəlləsinin 529.3-cü maddəsinin qeyd hissəsinin mənasından görünür ki, inzibati xəta törətmiş şəxs məhkəmə qərar çıxarana kimi cərimə məbləğini və dəbbə pulunu tam şəkildə ödəyərsə inzibati məsuliyyətdən azad edilir. Məhkəmə hesab edir ki, yuxarıda şərh edilən normaya əsasən Söyübov Rüstəm Ağasəf oğlu təyin edilmiş inzibati cərimə borcunu məhkəmə qərar çıxarana kimi tam şəkildə müvafiq bank hesabına ödədiyi üçün inzibati məsuliyyətdən azad edilməlidir. Qeyd edilənlərə əsasən, Azərbaycan Respublikası İnzibati Xətalar Məcəlləsinin 128.1 və 130.1-ci maddələrini rəhbər tutaraq məhkəmə qərara aldı: Söyübov Rüstəm Ağasəf oğlu Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati məsuliyyətə cəlb edilməkdən azad edilsin. Qərardan rəsmi qaydada verildiyi gündən on gün müddətində Yevlax Rayon Məhkəməsi vasitəsilə Şəki Apellyasiya Məhkəməsinin Cinayət Kollegiyasına şikayət və ya protest verilə bilər. Sədrlik edən Toğrul Əliyev