Yevlax Rayon Məhkəməsi Qərar — İş №3(039)-859/2021

Azərbaycan Respublikası adından QƏRAR Yevlax Rayou İş № 3(039)-859/2021 10.11.2021 YEVLAX RAYON MƏHKƏMƏSİ Hakim Əlizadə Ruslan Əliyar oğlunun sədrliyi, Məhkəmə iclasının katibi X4 İnzibati xəta haqqında protokol tərtib etmiş şəxs Yevlax RPŞ-nin İTB-nin sahə rəisi polis leytenantı X2 Barəsində inzibati xəta haqqında iş üzrə icraat aparılan şəxs Şəxs iştirakı ilə Şəxs barəsində Azərbaycan Respublikası İXM-nin 535.1-ci maddəsi ilə inzibati xəta törətməsinə dair Yevlax rayon Polis Şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏN ETDİ : İnzibati xəta haqqında protokoldan və ona əlavə edilmiş sənədlərdən görünür ki, Şəxs 08 noyabr 2021-ci il tarixdə saat 18.00 radələrində Yevlax şəhəri, Nizami prospektində polisin qanuni tələbinə qəsdən tabe olmamışdır. Bu barədə Şəxs barəsində Azərbaycan Respublikası İXM-nin 535.1-ci maddəsi ilə nəzərdə tutulan inzibati xəta haqqında protokol tərtib edilmiş və baxılması üçün Yevlax rayon məhkəməsinə göndərilmişdir. Məhkəmə iclasında Yevlax rayon polis şöbəsinin İTB-nin sahə rəisi polis leytenantı X3 izah etdi ki, 08 noyabr 2021-ci il tarixdə saat 18.00 radələrində polis əməkdaşları Yevlax şəhəri, Nizami prospektində xidmətdə olarkən ictimai yerdə ünvansız nalayiq söyüşlər söyərək, ictimai qaydanı pozan şəxsə yaxınlaşıb, vəsiqələrini təqdim edərək, polis əməkdaşı olduqlarını bildirib, onu nizam intizama dəvət etmişlər, lakin həmin şəxs hərəkətlərinə davam etdiyinə görə, ona Yevlax RPŞ-yə getməyi təklif etmişlər, lakin o, polisin qanuni tələbinə qəsdən tabe olmayaraq, qaçmağa cəhd göstərmişdir. Yevlax RPŞnin CAB-nin əməliyyat müvəkkili, polis leytenantı Nuğay Qurbanov raportla RPŞ-nin rəhbərliyinə müraciət edərək, ünvan 2-də yaşayan Şəxs barəsində müvafiq tədbirlər görülməsini xahiş etmişdir. Tərəfindən Şəxs barəsində Azərbaycan Respublikası İXM-nin 535.1-ci maddəsi ilə inzibati protokol tərtib edilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izah etdi ki, ailə üzvləri ilə birlikdə ünvan 2 ünvanında yaşayır. O, 08 noyabr 2021-ci il tarixdə saat 18.00 radələrində Yevlax şəhəri, Nizami prospektində ərzaq dükanının yanında dayanmışdır, yanında heç kim olmamışdır. Həmin vaxt heç bir ictimai qayda pozuntusu törətməmiş, söyüş söyməmişdir. Polis əməkdaşları ona yaxınlaşaraq onlarla şöbəyə getməyi bildirmişlər, polis əməkdaşlarının qanuni tələbinə qəsdən tabe olmamaq kimi hərəkətlər etməmişdir. Bütün bu qeyd olunanları nəzərə alınmasını xahiş etmişdir. Məhkəmədən əməlində Azərbaycan Respublikası İXM-nin 535.1-ci maddəsinin tərkibi olmadığından iş üzrə icraata xitam verilməsini xahiş etdi. Məhkəmə iclasında şahid qismində dindirilmiş Yevlax RPŞ-nin CAB-nin əməliyyat müvəkkili, polis leytenantı X5 bildirmişdir ki, 08 noyabr 2021-ci il tarixdə saat 18.00 radələrində Yevlax RPŞ-nin CAB-nin baş əməliyyat müvəkkili, polis kapitanı Samir Əliyev ilə birlikdə Yevlax şəhəri, Nizami prospektində xidmətdə olarkən ictimai yerdə ünvansız nalayiq söyüşlər söyərək, ictimai qaydanı pozan şəxsə yaxınlaşıb, vəsiqələrini təqdim edərək, polis əməkdaşı olduqlarını bildirib, onu nizam intizama dəvət etmişlər, lakin həmin şəxs hərəkətlərinə davam etdiyinə görə, ona Yevlax RPŞ-yə getməyi təklif etmişlər, lakin o, polisin qanuni tələbinə qəsdən tabe olmayaraq, qaçmağa cəhd göstərmişdir. Həmin şəxs tərəfindən saxlanılaraq, məcburi qaydada Yevlax RPŞ-yə gətirilmişdir. Şöbədə məlum olmuşdur ki, həmin şəxs əvvəllər məhkum olunmuş Yevlax şəhər sakini Şəxsdur. Bu barədə raportla RPŞ-nin rəhbərliyinə müraciət edərək, Şəxs barəsində müvafiq tədbirlər görülməsini xahiş etmişdir. Barəsində inzibati xəta haqqında iş üzrə icraat aparılan şəxs Şəxs və inzibati xəta haqqında protokol tərtib etmiş Yevlax rayon polis şöbəsinin İTB-nin sahə rəisi polis leytenantı X2 izahatlarını dinləyib, iş materiallarını araşdıraraq hesab edirəm ki, Şəxs Azərbaycan Respublikası İXM-nin 535.1-ci maddəsində nəzərdə tutulan inzibati xətaya dair iş üzrə icraata xitam verilməlidir. Belə ki, 09 noyabr 2021-ci il tarixli MN ******* nömrəli protokoldan görünür ki, Yevlax rayon polis şöbəsinin İTB-nin sahə rəisi polis leytenantı X1 Habil Dağıstan oğlunun barəsində Azərbaycan Respublikası İXM-nin 535.1-ci maddəsi ilə inzibati xəta haqqında protokol tərtib etmişdir. İnzibati xəta haqqında protokolda inzibati xətaya görə məsuliyyət nəzərdə tutan Azərbaycan Respublikası İnzibati Xətalar Məcəlləsinin 535.1-ci maddəsi göstərilmişdir. Həmin Məcəllənin 535.1-ci maddəsinin tövsifedici əlaməti polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamaqdan ibarətdir. İnzibati xəta haqqında protokoldan görünür ki, Şəxs 08 noyabr 2021-ci il tarixdə saat 18.00 radələrində Yevlax şəhəri, Nizami prospektində polis əməkdaşının qanuni tələbinə qəsdən tabe olmayaraq, polis əməkdaşını söyüb təhqir etmişdir. İnzibati xəta haqqında protokola əlavə edilmiş 08 noyabr 2021-ci il tarixli inzibati qaydada tutma haqqında protokoldan görünür ki, Şəxs həmin tarixdə saat 18.15-də inzibati qaydada tutulmuşdur. Məhkəmə araşdırması zamanı Yevlax rayon Polis Şöbəsinin İTB-nin sahə rəisi, leytenantı X3 barəsində inzibati xəta haqqında iş üzrə icraat aparılan şəxs Şəxs polisin qanuni tələblərinə qəsdən tabe olmamasını təsdiq edən mötəbər sübutu məhkəməyə təqdim edə bilməmişdir. Yəni, polis əməkdaşının qanuni tələbinin nədən ibarət olması əsaslandırılmamış və Şəxs polis əməkdaşının qanuni tələbinə qəsdən tabe olmaması sübut edilməmişdir. İşin bütün hallarının məcmusuna hərtərəfli, tam və obyektiv surətdə baxaraq və iş üzrə olan sübutları qiymətləndirərək məhkəmə hesab edir ki, inzibati xəta tərkibi olmadığından barəsində inzibati xəta haqqında iş üzrə icraat aparılan şəxs haqqında Azərbaycan Respublikası İnzibati Xətalar Məcəlləsinin 535.1-ci ilə başlanmış icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 76.1 və 76.2 -ci maddələrinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraa aparılan şəxsin, zərərçəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qanuna zidd olaraq əldə edilmiş sübutlardan istifadə edilməsinə yol verilmir. İnzibati xəta haqqında protokola əlavə edilmiş sənədlərdən və işə baxılarkən tədqiq edilmiş sübutlardan polis işçisinin ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamaması müəyyən olunmamışdır. Azərbaycan Respublikası İnzibati Xətalar Məcəlləsinin 53.0.2-ci maddəsinə əsasən inzibati xəta tərkibi olmadıqda inzibati xəta haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda məhkəmə inzibati xəta haqqında iş üzrə icraata xitam verilməsi haqqında qərar çıxarır. Məhkəmə hesab edir ki, barəsində inzibati xəta haqqında iş üzrə icraat aparılan şəxsin hərəkətlərində Azərbaycan Respublikası İnzibati Xətalar Məcəlləsinin 535.1-ci maddəsinin tərkibi olmadığından başlanmış icraata xitam verilməlidir. Qeyd olunanlara əsasən və Azərbaycan Respublikası İXM-nin 53, 114-115-ci maddələrini rəhbər tutaraq, məhkəmə QƏRARA ALDİ: xx.xx.1979-cu il tarixdə Ermənistan Respublikası Əzizbəyov rayonunda anadan olmuş, Azərbaycan Respublikasının vətəndaşı, subay, orta təhsilli, işləməyən, ünvan 3 ünvanında qeydiyyatda olan və yaşayan Şəxs barəsində başlanmış İnzibati Xətalar Məcəlləsinin 535.1-ci ilə inzibati xəta haqqında iş üzrə icraata xitam verilsin. Qərardan rəsmi qaydada verildiyi gündən 10 (on) gün müddətində Yevlax Rayon Məhkəməsi vasitəsilə Şəki Apellyasiya Məhkəməsinin Cinayət Kollegiyasına apellyasiya şikayəti və ya protesti verilə bilər. Hakim Ruslan Əlizadə