Kəlbəcər Rayon Məhkəməsi Qərardad — İş №3(040)-63/2025

Azərbaycan Respublikası adından QƏRARDAD Göygöl rayonu İş № 3(040)-63/2025 14.03.2025 KƏLBƏCƏR RAYON MƏHKƏMƏSİ Kəlbəcər Rayon Məhkəməsinin hakimi Qəniyev Həsən Salman oğlundan ibarət tərkibdə, Şəxs (FİN: xxxxxxx) barəsində Azərbaycan Respublikasının İnzibati Xətalar Məcəlləsinin (bundan sonra: İnzibati Xətalar Məcəlləsi) 529.3-cü maddəsi ilə Bakı Şəhəri Sabunçu Rayon Polis İdarəsindən daxil olmuş inzibati xəta haqqında materiala Kəlbəcər Rayon Məhkəməsinin binasında məhkəmə iclasından kənar baxaraq, müəyyənetdi: Azərbaycan Respublikası Daxli İşlər Nazirliyinin Baş X3 İdarəsinin polis kapitanı X1 tərəfindən Şəxs İnzibati Xətalar Məcəlləsinin 529.3-cü maddəsi ilə təqsirləndirilməsinə dair tərtib edilmiş 18 fevral 2025-ci il tarixli İXP № ******* nömrəli inzibati xəta haqqında protokol və protokola əlavə edilmiş sənədlər baxılması üçün Kəlbəcər Rayon Məhkəməsinə göndərilmişdir (14 mart 2025-ci il tarixdə məhkəməyə daxil olmuşdur) Məhkəmə araşdırması zamanı müəyyən edilmişdir ki, Şəxs xx xxxx 1987-ci ildə Azərbaycan Respublikasının Bakı şəhərində doğulmuş və ünvan 1 ünvanında yaşayış yeri üzrə qeydiyyatdadır. Belə olan halda, Şəxs İnzibati Xətalar Məcəlləsinin 529.3-cü maddəsi ilə təqsirləndirilməsinə dair tərtib edilmiş 18 fevral 2025-ci il tarixli İXP № ******* nömrəli inzibati xəta haqqında protokol və protokola əlavə edilmiş sənədlər baxılmadan Bakı Şəhəri Sabunçu Rayon Polis İdarəsinə geri qaytarılmalıdır Azərbaycan Respublikası Konstitusiyasının 62-ci maddəsinə əsasən, hər kəsin onun işinə qanunla müəyyən edilmiş məhkəmədə baxılması hüququ vardır; şəxsin razılığı olmadan onun işinə başqa məhkəmədə baxılmasına yol verilmir. İnzibati Xətalar Məcəlləsinin: -43.1-ci maddəsinin müddəalarından görünür ki, İnzibati Xətalar Məcəlləsinin 529.3cü maddəsi ilə olan xətalara dair işlər rayon (şəhər) məhkəmələrində baxılır. -109.1-ci maddəsinə əsasən, inzibati xəta haqqında işin baxılmağa hazırlanması zamanı aşağıdakı məsələlər barəsində qərardad qəbul edilir: 109.1.1. işin baxılması tarixinin və yerinin təyin edilməsi; 109.1.2. işin baxılmasında iştirak etmək üçün bu Məcəllənin 61-67-ci, 69-72-ci maddələrində göstərilən şəxslərin çağırılması; 109.1.3. iş barəsində zəruri olan əlavə materialların tələb edilməsi; 109.1.4. ekspertizanın təyin edilməsi; 109.1.5. işə baxılmanın təxirə salınması; 109.1.6. protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması; 109.1.7. əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi. -110.1-ci maddəsinə əsasən, inzibati xəta haqqında işə onun törədildiyi yerdə baxılır; barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Qeyd olunanlara əsasən məhkəmə (hakim) hesab edir ki, Şəxs İnzibati Xətalar Məcəlləsinin 529.3-cü maddəsi ilə təqsirləndirilməsinə dair tərtib edilmiş 18 fevral 2025-ci il tarixli İXP № ******* nömrəli inzibati xəta haqqında protokol və protokola əlavə edilmiş sənədlər baxılmadan aidiyyəti üzrə Bakı Şəhəri Sabunçu Rayon Polis İdarəsinə göndərilməlidir (geri qaytarılmalıdır). Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 109.1, 110.1 və 118-ci maddələrini rəhbər tutaraq, məhkəmə (hakim) qəraraaldı: Şəxs barəsində İnzibati Xətalar Məcəlləsinin 529.3-cü maddəsi ilə təqsirləndirilməsinə dair tərtib edilmiş 18 fevral 2025-ci il tarixli İXP № ******* nömrəli inzibati xəta haqqında protokol və protokola əlavə edilmiş sənədlər baxılmadan aidiyyəti üzrə Bakı Şəhəri Sabunçu Rayon Polis İdarəsinə göndərilsin. Qərardad dərhal qüvvəyə minsin. Bu qərardaddan şikayət verilə bilməz. Hakim: Həsən Qəniyev