Kürdəmir Rayon Məhkəməsi Qərar — İş №3(041)-1073/2023

Azərbaycan Respublikası adından QƏRAR Kürdəmir rayon İş № 3(041)-1073/2023 21.11.2023 KÜRDƏMİR RAYON MƏHKƏMƏSİ Kürdəmir rayon məhkəməsinin hakimi Bayramov Müseyib Seyfəddin oğlu, Cəbrayılzadə Fərid Bəybala oğlunun katibliyi və barəsində inzibati icraat aparılan şəxs Şəxs iştirakı ilə xx.xx.2000-ci Kürdəmir rayonunda anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Kürdəmir şəhəri,M.Hadi küçəsi,ev 4-də yaşayan – Şəxs haqqında Azərbaycan Respublikası İXM-nin 535.1-ci maddəsi ilə Kürdəmir rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏNETDİ: Şəxs xx.xx.2023-cü il tarixdə xidməti ərazidə ictimai qaydanın mühafizəsi üzrə vəzifələri icra edən Kürdəmir RPŞ-inin əməkdaşlarının qanuni tələbinə qəsdən tabe olmamışdır. Şəxs barəsində xx.xx.2023-cü il tarixdə MN ******* nömrəli inzibati xəta haqqında protokol tərtib edilmiş və aidiyyəti üzrə baxılması üçün Kürdəmir rayon məhkəməsinə göndərilmişdir. Məhkəmə iclasında inzibati xəta törədən Şəxs izahatında göstərdi ki, özü taksi fəaliyyəti ilə məşğuldur. xx.xx.2023-cü il tarixdə Kürdəmir RPŞ-nin əməkdaşı və adını bildiyi Fəhmin Kərimli barəsində olan şikayətlə bağlı onu Kürdəmir RPŞ-nə dəvət etmiş, o, isə getməmiş polis əməkdaşları onu Kürdəmir şəhəri,H.Əliyev prospektində görüb onu polis şöbəsinə aparmaq istəyəndə o, getmək istəməmiş və polis əməkdaşları ilə mübahisə edərək etirazını bildirmişdir. Hazırda əməlindən peşmandır. Ailənin yeganə gəlirgətirəni olmasını nəzərə alıb ona həbslə bağlı olmayan cəza verilməsini xahiş etdi. Məhkəmə iclasında şahid qismində dindirilmiş X2 ifadəsində göstərdi ki, Kürdəmir RPŞ İTB-nin baş inspektor vəzifəsində işləyir. xx.xx.2023-cü il tarixdə Kürdəmir rayonu Atakişi kənd sakini X1 şikayət ərizəsi ilə Kürdəmir RPŞ-nə şikayət edərək **-BT-*** dövlət qeydiyyat nişanlı avtomobilin sürücüsünün onun bacısı qızına söz atmış və onun barəsində qanuni tədbir görülməsini xahiş etmişdir. Araşdırma nəticəsində qeyd edilən avtomobilin sürücüsünün Şəxs olması müəyyən edilmişdir. Şikayətlə əlaqədar o, Şəxs Kürdəmir RPŞ-nə dəvət etmiş, lakin Şəxs polis şöbəsinə gəlməyəcəyini bildimişdir. xx.xx.2023-cü il tarixdə Kürdəmir RPŞ PPXB-nin əməkdaşları Qurbanı Kürdəmri şəhəri,H.Əliyev prospektində görüb onu şöbəyə dəvət etsələr də o, etiraz edərək polis şöbəsinə gəlməmk istəməmiş və polis əməkdaşları məcburi qaydada Kürdəmir RPŞ nə gətirmişlər. Məhkəmə araşdırması zamanı Şəxs törətdiyi inzibati xəta özünün etirafı, şahid ifadəsi,hadisənin baş vermə şəraiti, inzibati xəta haqqında protokol və işə əlavə edilmiş digər sənədlərlə tam sübuta yetirilmişdir. Məhkəmədə inzibati xəta törədən Şəxs cəza təyin edərkən onun əməlindən peşman olmasını onun məsuliyyətini yüngülləşdirən hal kimi nəzərə alır. Onun məsuliyyətini ağırlaşdıran hallar müəyyən eilməmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta törədən Şəxs şəxsiyyətini, törətdiyi xətanın xarakterini, təqsirlilik dərəcəsini, əmlak vəziyyətini, məsuliyyəti yüngülləşdirən halı, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində inzibati cərimə tənbeh tədbirinin tətbiq edilməsini məqsədə müvafiq hesab edir. Məhkəmə yuxarıda göstərilənləri və Azərbaycan Respublikası İXM-nin 40, 43, 106- 115,117 və 129-130-cu maddələrini rəhbər tutaraq, QƏRARA ALDİ : İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib barəsində 200 (iki yüz) manat məbləğdə cərimə tənbeh tədbiri tətbiq edilsin. Qərarın surəti rəsmi qaydada verildiyi vaxtdan on gün müddətində Kürdəmir rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər . Hakim Müseyib Bayramov