Kürdəmir Rayon Məhkəməsi Qərar — İş №3(041)-1076/2023

Azərbaycan Respublikası adından QƏRAR Kürdəmir rayon İş № 3(041)-1076/2023 22.11.2023 KÜRDƏMİR RAYON MƏHKƏMƏSİ saat 17.25-də Kürdəmir rayon məhkəməsinin hakimi Bayramov Müseyib Seyfəddin oğlu, Cəbrayılzadə Fərid Bəybala oğlunun katibliyi, barəsində inzibati xəta haqqında iş üzrə icraat aparılan şəxs Şəxs və zərərçəkmiş X2 iştirakı ilə xx xxxxxx 1983-cü ildə Ağcəbədi rayonunda anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Ağcəbədi şəhəri, H.Hacıyev küçəsi, ev 239da yaşayan – Şəxs haqqında Azərbaycan Respublikası İXM-nin 510-cu maddəsi ilə Kürdəmir rayon polis şöbəsindən daxil olmuş inzibati xəta haqqında materiala Kürdəmir şəhəri, Heydər Əliyev prospekti, 22 ünvanda məhkəmənin inzibati binasında açıq məhkəmə iclasında baxaraq, MÜƏYYƏN ETDİ: Şəxs xx.xx.2023-cü il tarixdə Kürdəmir rayonu Çərtəyəz kəndində X1 ilə mübahisə edərək ictimai qaydanı pozan və ya fiztki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayət edilməyən hərəkətlər etmişdir. X6 raportu əsasında Şəxs barəsində xx.xx.2023-cü il tarixdə Azərbaycan Respublikası İXM-nin 510-cu maddəsi ilə MN ******* nömrəli inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmişdır. Məhkəmə iclasında inzibati xəta törədən Şəxs izahatında göstərdi ki, özü Ağcəbədi rayonunda yaşayır. xx.xx.2023-cü il tarixdə Kürdəmir rayonun Çərtəyəz kəndində yaşayan xalasıgilə qonaq gəlmiş və həyət qapısı bağlı olduğu üçün qapının ağzında bir az gözləmiş, həmin vaxtı adını sonradan bildiyi İsrail adlı şəxs ondan nə isə soruşmuş, o, isə sərxoş olduğu üçün onunla mübahisə etmişdir. Bundan sonra İsrailin Kürdəmir RPŞ-nə etdiyi şikayət əsasında polis əməkdaşları oraya gəlmiş vəona izahatı alınması üçün onu Kürdəmir RPŞ-nə dəvət etmişlər. O, isə sərxoş olduğu üçün polis şöbəsinə getmək istəməmiş, polis əməkdaş Aqil Kərimovla mübahisə edərək onu ucadan qışqıraraq söymüş və polis şöbəsinə gəlməmək üçün onlara müqavimət göstərmişdir. Əməlindən peşmandır. Bir daha belə hallara yol verməyəcəkdir. Məhkəmə iclasında zərərçəkmiş şəxs qismində dindirilmiş X3 ifadəsində göstərdi ki, o, Kürdəmir RPŞ NMQ-də baş əməliyyat müvəkkili vəzifəsində işləyir. xx.xx.2023-cü il tarixdə növbətçi hissdə olarkən Kürdəmir rayon Çərtəyəz kənd sakinin X4 DİN-nin 102 xidmət mərkəzinə zəng edərək kəndlərində bir nəfər tanımadıqları şəxsin sərxoş vəziyyətdə küçədə nalayiq ifadələr işlətməsi barədə şikayət etmiş və onlar da şikayət əsasında həmin ünvana getmişlər. Onlar hadisə yerinə çatanda adını sonradan bildikləri Şəxs küçədə sərxoş vəziyyətdə ucadan qışqıraraq nalayiq ifadələr işlətdiyini görüb ona yaxınlaşaraq özlərini təqdim edib ondan sakitləşməsini və baəsində olan şikayətlə bağlı olarla birlikdə Kürdəmir RPŞ-nə getmək lazım olduğunu bildirmiş, Şəxs isə ucadan qışqıraraq onu nalayiq ifadələrlə təhqir etmiş və polis şöbəsinə gəlməkdən imtina edərək polisin qanuni tələbinə tabe olmamşdır. Bundan sonra onlar da məcbur olub kömək üçün gəlmiş əlavə polis əməkdaşları ilə birlikdə Şəxs məcburi qaydada avtomobilə midirib polis şöbəsinə gətirmişlər. Məhkəmə araşdırması zamanı Şəxs əməli özünün etirafı, zərərçəkmiş şəxsin izahatı hadisənin baş vermə şəraitindən habelə iş materialları ilə tamamilə sübuta yetirilmişdir. Ona görə də məhkəmə hesab edir ki, Şəxs törətdiyi inzibati xətaya görə ona Azərbaycan Respublikası İXM-nin 510-cu maddəsinin sanksiyasında nəzərdə tutlmuş inzibati tənbeh tədbiri tətbiq edilməlidir. Məhkəmədə inzibati xəta hadisəsi törədən Şəxs barəsində inzibati tənbeh tədbiri tətbiq edilərkən onun əməlindən peşman olmasını məsuliyyətini yüngülləşdirən hal kimi nəzərə alır. Onun məsuliyyətini ağırlaşdıran hallar müəyyən edilməmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta hadisəsi törədən Şəxs şəxsiyyətini, törətdiyi xətanın xarakterini, təqsirlilik dərəcəsini, əmlak vəziyyətini, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində inzibati həbs tənbeh tədbirinin tətbiq edilməsini qanuna müvafiq hesab edir. Şəxs barəsində tərtib edilmiş xx.xx.2023-cü il tarixli, AZA 000238 nömrəli inzibati qaydada tutma haqqında protokoldan görünür ki, o, xx.xx.2023-cü il tarixdə, saat 12.55-də inzibati qaydada tutulmuşdur. Azərbaycan Respublikası İXM-nin 30.3-cü maddəsinə görə inzibati qaydada tutma müddəti inzibati həbs müddətinə daxil edilir. Yuxarıda göstərilənləri və Azərbaycan Respublikası İXM-nin 40, 43, 106-115,117 və 129- 130-cu maddələrini rəhbər tutaraq məhkəmə, QƏRARA ALDİ: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib, ona 05 (beş) gün müddətə inzibati həbs tənbeh tədbiri tətbiq edilsin. Həbsetmənin əvvəli 21 noyabr 2023-cü il tarixdən hesablansın. Qərarın surəti rəsmi qaydada verildiyi vaxtdan 10 (on) gün müddətində Kürdəmir rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər. Hakim Müseyib Bayramov