Kürdəmir Rayon Məhkəməsi Qərar — İş №3(041)-1168/2024

Azərbaycan Respublikası adından QƏRAR Kürdəmir rayon İş № 3(041)-1168/2024 09.12.2024 KÜRDƏMİR RAYON MƏHKƏMƏSİ Məhkəmənin hakimi X1, Qurbanov Ruslan Şirvan oğlunun katibliyi Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.2002-ci il tarixdə Kürdəmir rayonunda anadan olmuş, Azərbaycan Respublikasının vətəndaşı, orta təhsilli, subay, fərdi əməklə məşğul olan, Kürdəmir rayonu Quşlar kəndində qeydiyyatda olmaqla yaşayan Şəxs barəsində Kürdəmir rayon polis şöbəsindən daxil olmuş Azərbaycan Respublikası İnzibati Xətalar Məcəlləsinin 535.1-ci maddəsi ilə olan inzibati xəta haqqında materiala məhkəmənin binasında (Kürdəmir şəhəri, Heydər Əliyev prospekti, 22) açıq məhkəmə iclasında baxaraq, M Ü Ə Y Y Ə N E T D İ: Kürdəmir rayon polis şöbəsindən daxil olmuş xx.xx.2024-cü il tarixli MN ******* nömrəli inzibati xəta haqqında protokola əsasən barəsində inzibati xəta haqqında iş üzrə icraat aparılan şəxs Şəxs xx.xx.2024-cü il tarixdə, saat 08 radələrində Kürdəmir şəhəri, Babək prospektində polisin qanuni tələblərinə qəsdən tabe olmamış, nəticədə Şəxs tərəfindən Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xəta törədilmişdir. Barəsində inzibati xəta haqqında iş üzrə icraat aparılan şəxs Şəxs izahatında bildirdi ki, atasına məxsus VAZ 2107 markalı **-BA-*** dövlət qeydiyyat nişanlı avtomobili ilə işə gedərkən dövlət yol polisi əməkdaşları ona saxlamaq işarəsi vermiş, sürücülük hüququ və etibarnaməsi olmadan avtomobili idarə etdiyi üçün, habelə axşam spirtli içki qəbul etdiyindən avtomobili saxlamış və duracağa aparmamaları üçün qaçmağa cəhd etmiş, lakin polis əməkdaşları onu tutaraq avtomobilin yanına gətirmiş və əlavə polis əməkdaşlarını ora dəvət etmişlər. Əlavə polis əməkdaşları da oraya yaxınlaşarkən yenidən qaçmağa cəhd etmiş, lakin onu tutaraq polis şöbəsinə aparmışlar. Polis şöbəsinə gedərkən polis əməkdaşlarına qarşı heç bir fiziki güc və yaxud müqavimət göstərməmiş, onların qanuni tələblərinə tabe olmuşdur. İşə əlavə edilmiş sənədlərdən məlum olur ki, Kürdəmir rayon DYPB-nin əməkdaşı Ü.A.Süleymanov tərəfindən Şəxs barəsində Azərbaycan Respublikasının İXM-nin 333.1.1, 339.1-1, 342.2.4, 342.5 və 342.7-ci maddələri ilə xx.xx.2024-cü il tarixli İXP ******* nömrəli inzibati xəta haqqında protokol tərtib edilmişdir. Məhkəmə araşdırması zamanı Şəxs hərəkətlərində polis işçisinin ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmaması öz təsdiqini tapmadı. Belə ki, Şəxs yol hərəkəti qaydalarını pozduğu üçün dövlət yol polisi əməkdaşları tərəfindən saxlanılmış və törətdiyi inzibati xətaya görə barəsində Azərbaycan Respublikasının İXM-nin 333.1.1, 339.1-1, 342.2.4, 342.5 və 342.7-ci maddələri ilə xx.xx.2024-cü il tarixli İXP ******* nömrəli inzibati xəta haqqında protokol tərtib edilmişdir. Avtomobilin duracağa aparılmaması üçün Şəxs avtomobildən düşərək qaçmağa cəhd etməsi polis işçisinin ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmaması kimi qiymətləndirilə bilməz. Azərbaycan Respublikasının İnzibati Xətalar Məcəlləsinin 535.1-ci maddəsi ilə inzibati xəta haqqında protokol tərtib edilsə də, bu halı təsdiq edən heç bir sübut məhkəməyə təqdim edilməmiş və məhkəmə araşdırması zamanı müəyyən edilməmişdir. Odur ki, Şəxs hərəkətlərində Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulan inzibati xəta tərkibi olmadığına görə onun barəsində olan inzibati xəta haqqında iş üzrə icraata xitam verilməlidir. Belə ki, Azərbaycan Respubikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xəta polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə yaranır. Azərbaycan Respublikasının İXM-nin 53.0.2-ci maddəsinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasənbu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Yuxarıda göstərililənlərə əsasən və Azərbaycan Respublikasının İnzibati Xətalar Məcəlləsinin 53, 105, 114, 128-130-cu maddələrini rəhbər tutaraq, Q Ə R A R A A L D İ: Barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə olan inzibati xəta haqqında iş üzrə icraata inzibati xəta tərkibi olmadığına görə xitam verilsin. Qərardan surəti tərəflərə rəsmi qaydada verildiyi gündən 10 (on) gün müddətində Kürdəmir Rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. HAKİM: X.X.İMANOV