Kürdəmir Rayon Məhkəməsi Qərar — İş №3(041)-154/2023

Azərbaycan Respublikası adından QƏRAR Kürdəmir rayon İş № 3(041)-154/2023 10.02.2023 KÜRDƏMİR RAYON MƏHKƏMƏSİ Məhkəmənin hakimi X6, Gülalıyev Orxan Vəzir oğlunun katibliyi Kürdəmir rayon icra və probasiya şöbəsinin icra məmuru X1 Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1985-ci il tarixdə Kürdəmir rayonunda anadan olmuş, Azərbaycan Respublikasının vətəndaşı, orta təhsilli, subay, fərdi əmklə məşğul olan, Kürdəmir rayonu Dəyirmanlı kəndində qeydiyyatda olmaqla yaşayan Şəxs barəsində Kürdəmir rayon icra və probasiya şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala məhkəmənin binasında (Kürdəmir şəhəri, Heydər Əliyev prospekti, 22) açıq məhkəmə iclasında baxaraq, M Ü Ə Y Y Ə N E T D İ: Kürdəmir rayon icra və probasiya şöbəsinin icra məmuru X2 tərəfindən tərtib edilmiş xx.xx.2023-ci il tarixli MN ******* nömrəli inzibati xəta haqqında protokola əsasən, Şəxs Göyçay rayon Məhkəməsinin xx.xx.2022-ci il tarixli, 2(046)-725/2022 saylı icra sənədinin icrası ilə bağlı icra məmurunun qanuni tələblərini yerinə yetirməmiş, nəticədə Şəxs tərəfindən Azərbaycan Respubikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törədilmişdir. Məhkəmə iclasında Kürdəmir rayon icra və probasiya şöbəsinin icra məmuru M.R.Şirnaliyev inzibati xəta haqqında protokolu əsaslandırmaq üçün məhkəməyə verdiyi izahatında bildirdi ki, Göyçay rayon Məhkəməsinin xx.xx.2022-ci il tarixli, 2(046)-725/2022 saylı icra vərəqəsinə əsasən 2 nəfər uşağın yetkinlik yaşına çatana kimi saxlanması üçün Şəxs hər ay hər uşağa görə sabit pul məbləği ilə 140 manat aliment və əlavə olaraq 3000 manat müalicə xərci tutularaq tələbkar Zərərçəkmiş şəxs ödənilməsi müəyyən edilmişdir. İcra sənədi icra edilməsi üçün Kürdəmir rayon icra və probasiya şöbəsinə daxil olduqdan sonra icraata başlama haqqında qərar qəbul edilmiş, borcluya bildiriş göndərilmişdir. İcra sənədinin icrası ilə əlaqədar borcluya müxtəlif vaxtlarda məktublar göndərilmiş, Kürdəmir rayon icra və probasiya şöbəsinə dəvət edilmişdir. Bu günə kimi icra sənədi borclu tərəfindən alimentin ödənilməsi hissəsində tam şəkildə icra edilmiş, lakin müalicə xərcinin tutulması hissəsində isə icra edilməyərək heç bir məbləğdə ödəniş olunmamışdır. Müalicə xərcinin ödənilməsi ilə bağlı dəfələrlə rəsmi və şifahi xəbərdarlıq edilməsinə baxmayaraq, borclu icra sənədi üzrə borcunu tam şəkildə ödəməkdən yayınmışdır. Borclu xx.xx.2023-cü il tarixdə Kürdəmir rayon icra və probasiya şöbəsinə gələrək verdiyi izahatında səhəti ilə bağlı işləmədiyini və mülkiyyətində daşınar və daşınmaz əmlakının olmadığı səbəbindən icra sənədini tam şəkildə icra edə bilmədiyini bildirmiş, inzibati xəta haqqında protokol məhkəmənin icraatına daxil olduqdan sonra isə müalicə xərcinə görə 500 manat ödəniş etmiş, qalan 2500 manat borcunu isə ödəyəcəyinə söz vermişdir. Barəsində inzibati xəta haqqında iş üzrə icraat aparılan şəxs Şəxs izahatında bildirdi ki, Göyçay rayon Məhkəməsinin xx.xx.2022-ci il tarixli, 2(046)-725/2022 saylı icra vərəqəsinə əsasən 2 nəfər uşağın yetkinlik yaşına çatana kimi saxlanması üçün ondan hər ay hər uşağa görə sabit pul məbləği ilə 140 manat aliment və əlavə olaraq 3000 manat müalicə xərci tutularaq tələbkar Zərərçəkmiş şəxs ödənilməsi müəyyən edilmişdir. Bu günə kimi alimenti hər ay vaxtı-vaxtında ödəmiş, lakin maddi imkansızlığa görə müalicə xərcini ödəyə bilməmişdir. İnzibati xəta haqqında protokol məhkəmənin icraatına daxil olduqdan sonra da müalicə xərcinə görə 500 manat tələbkara ödəniş etmiş, qalan 2500 manat borcunu isə qısa müddət ərzində ödənilməsi üçün tədbirlər görəcəkdir. xx.xx.2023-cü ildə icra məmuru onun telefonuna zəng edərək, Kürdəmir rayon icra və probasiya şöbəsinə gəlməli olduğu bildirilmiş və o, həmin gün Kürdəmir rayon icra və probasiya şöbəsinə gəlmiş və icra məmuruna verdiyi izahatında yuxarıda qeyd edilənləri olduğu kimi göstərmişdir. Şəxs izahatının sonunda göstərdiyi halları nəzərə alaraq, barəsində ədalətli qərar qəbul edilməsini məhkəmədən xahiş etdi. Azərbaycan Respubikası İnzibati Xətalar Məcəlləsinin 528.1-ci maddəsinə görə məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutulmuşdur. Tərəflərin izahatıdan və iş materiallarına əlavə edilmiş sənədlərdən görünür ki, Göyçay rayon Məhkəməsinin xx.xx.2022-ci il tarixli, 2(046)-725/2022 saylı icra vərəqəsinə əsasən 2 nəfər uşağın yetkinlik yaşına çatana kimi saxlanması üçün Şəxs hər ay hər uşağa görə sabit pul məbləği ilə 140 manat aliment və əlavə 3000 manat müalicə xərci tutularaq tələbkar Zərərçəkmiş şəxs ödənilməsi müəyyən edilmiş, bu günə kimi borclu Şəxs alimentlə bağlı hissədə icra sənədini tam şəkildə icra etmiş, lakin maddi imkansızlığa görə müalicə xərci hissəsində icra sənədini tam icra edə bilməmişdir. İnzibati xəta haqqında protokol məhkəmənin icraatına daxil olduqdan sonra müalicə xərcinə görə 500 manat tələbkara ödəniş etmiş, məhkəməyə verdiyi izahatında qalan 2500 manat borcunu isə qısa müddət ərzində ödənilməsi üçün tədbirlər görəcəyini bildirmişdir. İşin yuxarıda şərh edilən halları barəsində inzibati xəta haqqında iş üzrə icraat aparılan şəxs Şəxs hərəkətlərində məhkəmə qərarının icrası ilə əlaqədar icra məmurunun qanuni tələblərinin yerinə yetirilməməsi, icra sənədinin üzrsüz səbəbdən icra edilməməsi kimi hallar öz təsdiqini tapmadığına görə onun inzibati məsuliyyətə cəlb edilməsi və barəsində inzibati tənbeh tədbiri tətbiq edilməsi üçün əsas yoxdur. Azərbaycan Respublikasının İXM-nin 53.0.2-ci maddəsinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Azərbaycan Respublikasının İXM-nin 105.1-ci maddəsinə görə Bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Azərbaycan Respublikası İXM-nin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Yuxarıda şərh olunanları nəzərə alaraq hesab edirəm ki, Şəxs hərəkətlərində Azərbaycan Respubikası İnzibati Xətalar Məcəlləsinin 528.1-ci maddəsinin dispozisiyasında göstərilən inzibati xəta halları yoxdur və bu səbəbdən də, onun barəsində olan inzibati xəta haqqında iş üzrə icraata xitam verilməlidir. Yuxarıda göstərililənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 117, 128-130-cu maddələrini rəhbər tutaraq, Q Ə R A R A A L D İ: Barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata inzibati xəta tərkibi olmadığına görə xitam verilsin. Qərardan surəti tərəflərə rəsmi qaydada verildiyi gündən 10 (on) gün müddətində Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. HAKİM: X.X.İMANOV