Kürdəmir Rayon Məhkəməsi Qərar — İş №3(041)-163/2024

Azərbaycan Respublikası adından QƏRAR Kürdəmir rayon İş № 3(041)-163/2024 15.02.2024 KÜRDƏMİR RAYON MƏHKƏMƏSİ Kürdəmir rayon məhkəməsinin hakimi Bayramov Müseyib Seyfəddin oğlu, Cəbrayılzadə Fərid Bəybala oğlunun katibliyi, barəsində inzibati icraat aparılan şəxs Şəxs və zərərçəkmiş şəxs X1 iştirakı ilə xx.xx.1975-ci ildə Kürdəmir rayonunda anadan olmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, Kürdəmir rayonu Sığırlı kəndində yaşayan – Şəxs haqqında Azərbaycan Respublikası İXM-nin 157-ci maddəsi ilə Kürdəmir rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, M ÜƏ Y Y Ə N E T D İ : Şəxs xx.xx.2024-cü-cü il tarixdə, saat 17 radələində yaşadıqları Kürdəmir rayonunun Sığırlı kəndində yerləşən yaşadıqları evin həyətində şəxsi münasibətlər zəmnində aralarında yaranmış mübahisə zamanı keçmiş qaynı arvadı X2 qəsdən vuraraq ona sağlamlığa zərərvurmaya aid edilməyən xəsaərtlət yetirməklə onu döymüşdür. X1 ərizəsi əsasında toplanmış materialda cinayət hadisəsi müəyyən edilmədiyindən Kürdəmir rayon polis şöbəsinin təhqiqatçısı tərəfindən xx.xx.2024-cü il tarixli qərarla cinayət işinin başlanması rədd edilmiş, onun Azərbaycan Respublikası İXM-nin 157-ci maddəsində nəzərdə tutulan inzibati xətanı törətməsi müəyyən edilmiş və xx.xx.2021-cü il tarixdə barəsində MN ******* nömrəli inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmişdır. Məhkəmə iclasında inzibati xəta törədən Şəxs izahatında göstərdi ki, Günel onun keçmiş qaynı arvadıdır. Münasibətləri normal deyildir. Dəfərlərlə onalr arasında münaqişə olmuşdur. Sonuncu dəfə xx.xx.2024-cü il tarixdə,saat 17 radələrində küçmiş qaynı Faiq telefonunu itirmiş və onun oğlu Muradı telefon oğurlamaqda günahlandıraraq telefonu qaytarmasıı tələb etmiş və azyaşlı Muradı polislə hədələmişdir. Murad qorxaraq ağlayaağlaya evə gələrək Faiqin ona şər atdığını bildirmişdir. O, da oğlu Muradı götürərək Faiqgilə getmiş və həyətdə Faiqlə mübahosə edərkən Günel də gəlmiş və aralarında mübahisə yaranmışdır. Müvahisə zamanı Günel onu vurmuş və da Güneli vuraraq biribirilərinin saçlarını yolmuşlar. Onlar barışmamışlr,barışmaq da istəmir. Məhkəmə iclasında zərərçəkmiş şəxs X3 göstərdi ki, Məhbubə onun keçmiş qaynı arvadıdır. Münasibətləri normal deyildir. Belə ki, qaynı Məhbubəni boşadıqdan sonra aralarında münasibətlər pozulmuşdur. Onlar arasında dəfələrlə münaqişə olmuşdur. Sonuncu dəfə xx.xx.2024-cü il tarixdə, axşam saat 17 radələrində o, əri Faiqlə yaşadıqları evin həyətində olarkən Məhbubə həyətlərinə girərək heç bir söz demədən onun saçından yapışaraq yolmuş və başından tuturaq divara çırpmışdır. Onlar barışmamışlar. İş materiallarına əlavə edilmiş, xx.xx.2024-cü il tarixli cinayət işinin başlanılasının rədd edilməsi haqqında qərarda məhkəmə-tibbi ekspertiza və Pataloji Anatomiya birliyinin xx.xx.2024-cü il tarixli, 15 saylı canlı şəxsin məhkəmə tibbi müayinəsi aktında 1980-ci il təvəllüdlü X1 məhkəmə tibbi müayinəsi zamanı bədəni üzərində aşkar edilmiş xəsarətlər – üst dodadğının iç səthində qançırın küt əşyanın təsirindən əmələ gəlməsi, müddətin xx.xx.2024-cü il tarixə uyğun gəldiyi və sağlamlığa zərərvurmayan xəsarət olduğu üçün dərəcəsi təyin edilməyən kimi göstərilmişdir. Məhkəmə araşdırması zamanı Şəxs əməli özünün etirafı zərərçəkmiş şəxsin izahatı, məhkəmə-tibbi ekspertiza və Pataloji Anatomiya birliyinin aktı, barəsində tərtib olunmuş inzibati xəta haqqında protokolvə işə əlavə edilmiş digər sənədlərlə tam sübuta yetirilmişdir. Ona görə də onun barəsində törətdiyi inzibati xətaya görə Azərbaycan Respublikası İXMnin 157-ci maddəsinin sanksiyasında nəzərdə tutlmuş inzibati tənbeh tədbiri tətbiq edilməlidir. Məhkəmə A.A.Abdullayevə inzibati tənbeh tədbiri tətbiq edərkən onun məsuliyyəti yüngülləşdirən ağırlaşdıran hal müəyyən edilməmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə inzibati xəta hadisəsi törədən Şəxs şəxsiyyətini, törətdiyi xətanın xarakterini, təqsirlilik dərəcəsini, məsuliyyəti yüngülləşdirən halı, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində cərimə növündə inzibati tənveh tədbirinin tətbiq edilməsini qanuna müvafiq hesab edir. Yuxarıda göstərilənləri və Azərbaycan Respublikası İXM-nin 40, 43, 106-115,117 və 129- 130-cu maddələrini rəhbər tutaraq məhkəmə, QƏRARA ALDİ: İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 157ci maddəsi ilə təqsirli bilinsin və barəsində 300 (üç yüz) manat miqdarda inzibati cərimə tənbeh tədbiri tətbiq edilsin. Qərarın surəti rəsmi qaydada verildiyi vaxtdan on gün müddətində Kürdəmir rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər . Hakim Müseyib Bayramov