Kürdəmir Rayon Məhkəməsi Qərar — İş №3(041)-224/2023

Azərbaycan Respublikası adından QƏRAR Kürdəmir rayon İş № 3(041)-224/2023 27.02.2023 KÜRDƏMİR RAYON MƏHKƏMƏSİ Məhkəmənin hakimi X7, Gülalıyev Orxan Vəzir oğlunun katibliyi, Kürdəmir rayon icra və probasiya şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1983-cü il tarixdə Kürdəmir rayonunda anadan olmuş, Azərbaycan Respublikasının vətəndaşı, orta təhsilli, evli, fərdi əmklə məşğul olan, Kürdəmir rayonu Atakişili kəndində qeydiyyatda olmaqla yaşayan Şəxs barəsində Kürdəmir rayon icra və probasiya şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala məhkəmənin binasında (Kürdəmir şəhəri, Heydər Əliyev prospekti, 22) açıq məhkəmə iclasında baxaraq, M Ü Ə Y Y Ə N E T D İ: Kürdəmir rayon icra və probasiya şöbəsinin icra məmuru X2 tərəfindən tərtib edilmiş xx.xx.2023-ci il tarixli MN ******* nömrəli inzibati xəta haqqında protokola əsasən, Əzimov X4 rayon Məhkəməsinin xx.xx.2021-ci il tarixli, 2(041)-1993/2021 saylı icra sənədinin icrası ilə bağlı icra məmurunun qanuni tələblərini yerinə yetirməmiş, nəticədə Şəxs tərəfindən Azərbaycan Respubikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törədilmişdir. Məhkəmə iclasında Kürdəmir rayon icra və probasiya şöbəsinin icra məmuru M.R.Şirnaliyev inzibati xəta haqqında protokolu əsaslandırmaq üçün məhkəməyə verdiyi izahatında bildirdi ki, Kürdəmir rayon Məhkəməsinin xx.xx.2021-ci il tarixli, 2(041)- 1993/2021 saylı icra vərəqəsinə əsasən Şəxs və X3 ümumilikdə 7824.21 manat pulun və Şəxs ümumilikdə 2155.05 manat pulun tutularaq Zərərçəkmiş şəxs ASC-yə ödənilməsi, həmçinin tələbin ipoteka predmeti olan Şəxs məxsus “Opel Vectra” markalı, **-XA-*** dövlət nömrə nişanlı avtomobilə yönəldilməsi və həmin avtomobilin açıq hərracda satılaraq əldə olunmuş vəsait hesabına borclunun banka olan borcunun ödənilməsi qət edilmişdir. İcra sənədi icra edilməsi üçün Kürdəmir rayon icra və probasiya şöbəsinə daxil olduqdan sonra xx.xx.2020-ci il tarixdə icraata başlama haqqında qərar qəbul edilmiş, borcluya bildiriş göndərilmişdir. xx.xx.2023-cü il tarixdə Şəxs Kürdəmir rayon icra və probasiya şöbəsinə gəlmiş, həmin gün icraata başlama haqqında qərarın surəti və tələbin könüllü icra edilməsi barədə bildiriş ona təqdim edilmişdir. Eyni zamanda icra sənədini icra etməkdən yayındığı üçün həmin gün borclu barəsində inzibati xəta haqqında protokol tərtib edərək adiyyəti üzrə baxılması üçün Kürdəmir rayon Məhkəməsinə göndərmişdir. Barəsində inzibati xəta haqqında iş üzrə icraat aparılan şəxs Şəxs izahatında bildirdi ki, Kürdəmir rayonu, Atakişili kəndində qeydiyyatda olmasına baxmayaraq uzun müddət Rusiya Federasiyasında yaşamış, bir müddət olar ki, qeydiyatda olduğu Atakişili kəndinə geri qayıtmışdır. Qeydiyyatda olduğu ünvanda yaşamadığı üçün ona gələn məktublardan, bildirişlərdən xəbəri olmamışdır. Kürdəmir rayon Məhkəməsinin də onun barəsində qəbul etdiyi qətnamə ilə icra şöbəsində tanış olmuşdur. İcraata başlama haqqında qərarın surəti və tələbin könüllü icra edilməsi barədə bildiriş xx.xx.2023-cü il tarixdə ona təqdim edilmiş və həmin sənədlərlə bu gün tanış olmuşdur. İcra sənədində göstərilən borcun ödənilməsindən yayınmaq fikri yoxdur, bunun üçün ona müvafiq vaxt verilməsini məhkəmədən xahiş etdi. Azərbaycan Respubikası İnzibati Xətalar Məcəlləsinin 528.1-ci maddəsinə görə məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə məsuliyyət nəzərdə tutulmuşdur. Tərəflərin izahatıdan və iş materiallarına əlavə edilmiş sənədlərdən görünür ki, xx.xx.2019-cu il tarixdə verilmiş xx.xx.2018-ci il tarixli 2(041)-1310/2018 saylı icra vərəqəsinə əsasən Şəxs və X3 ümumilikdə 7824.21 manat pulun və Şəxs ümumilikdə 2155.05 manat pulun tutularaq Zərərçəkmiş şəxs ASC-yə ödənilməsi, həmçinin tələbin ipoteka predmeti olan Şəxs məxsus “Opel Vectra” markalı, **-XA-*** dövlət nömrə nişanlı avtomobilə yönəldilməsi və həmin avtomobilin açıq hərracda satılaraq əldə olunmuş vəsait hesabına borclunun banka olan borcunun ödənilməsi qət edilmiş, icra sənədi icra edilməsi üçün Kürdəmir rayon icra və probasiya şöbəsinə göndərilmişdir. İcra sənədi üzrə xx.xx.2020-ci il tarixdı qəbul edilmiş icraata başlama haqqında qərarın surəti və tələbin könüllü icra edilməsi barədə bildirişin iş üzrə borclu Şəxs təqdim edilməsi barədə sübut işə əlavə edilməmişdir. İş materiallarına əlavə edilmiş, tələbin könüllü icrası haqqında bildiriş xx.xx.2023-cü il tarixdə borclu Şəxs təqdim edilmiş və həmin tarixdə də, onun barəsində MN ******* nömrəli inzibati xəta haqqında protokol tərtib edilmişdir. Kürdəmir rayon icra və probasiya şöbəsinin icra məmuru X2 tərəfindən tərtib edilmiş xx.xx.2023-ci il tarixli MN ******* nömrəli inzibati xəta haqqında protokolda Şəxs tərəfindən Kürdəmir rayon Məhkəməsinin xx.xx.2021-ci il tarixli, 2(041)-1993/2021 saylı icra sənədinin icrası ilə bağlı icra məmurunun qanuni tələblərini yerinə yetirmədiyi göstərildə də, iş materiallarına xx.xx.2019-cu il tarixdə verilmiş xx.xx.2018-ci il tarixli 2(041)-1310/2018 saylı icra vərəqəsi əlavə edilmişdir. xx.xx.2021-ci il tarixli, 2(041)- 1993/2021 saylı icra sənədi işə əlavə edilməmiş və icra məmuru tərəfindən məhkəməyə təqdim edilməmişdir. “Azərbaycan Respublikası İnzibati Xətalar Məcəlləsinin 528.1-ci maddəsinin həmin Məcəllənin 9.2 və 35-ci maddələri baxımından şərh edilməsinə dair” Azərbaycan Respublikası Konstitusiya Məhkəməsinin Plenumunun 4 sentyabr 2018-ci il tarixli qərarında qeyd edilmişdir ki, məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsinə görə şəxsin inzibati məsuliyyətə cəlb edilməsi məsələsinə baxılarkən hüquqtətbiqedici işin faktiki hallarını hərtərəfli araşdırmalı, bundan əvvəl onun barəsində bu əmələ görə inzibati tənbeh tətbiq edilib-edilməməsini, inzibati tənbehin məqsədlərinə nail olunub-olunmamasını, əməlin məhz qərəzli olaraq törədilib-törədilməməsini və digər mühüm halları araşdırmalıdır. Məhkəmələr nəzərə almalıdırlar ki, tənbeh və ya cəzanın tətbiqi tərbiyəvi xarakter daşıyır. Hər hansı bir sanksiyanın tətbiqi isə mütənasib və ədalətli olmalıdır. Məhkəmə aktlarının icra edilməməsi ilə əlaqədar hər hansı inzibati tənbeh və ya cəza tətbiq edilərkən, ilk növbədə, borclu şəxs tərəfindən icra məmurunun tələblərinin yerinə yetirilməsi üçün mümkün vasitələrdən istifadə edilib-edilməməsi obyektiv qiymətləndirilməlidir. İşin yuxarıda şərh edilən halları barəsində inzibati xəta haqqında iş üzrə icraat aparılan şəxs Şəxs hərəkətlərində məhkəmə qərarının icrası ilə əlaqədar icra məmurunun qanuni tələblərinin yerinə yetirilməməsi, icra sənədinin üzrsüz səbəbdən icra edilməməsi kimi hallar öz təsdiqini tapmadığına görə onun inzibati məsuliyyətə cəlb edilməsi və barəsində inzibati tənbeh tədbiri tətbiq edilməsi üçün əsas yoxdur. Azərbaycan Respublikasının İXM-nin 53.0.2-ci maddəsinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Azərbaycan Respublikasının İXM-nin 105.1-ci maddəsinə görə Bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Azərbaycan Respublikası İXM-nin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Yuxarıda şərh olunanları nəzərə alaraq hesab edirəm ki, Şəxs hərəkətlərində Azərbaycan Respubikası İnzibati Xətalar Məcəlləsinin 528.1-ci maddəsinin dispozisiyasında göstərilən inzibati xəta halları yoxdur və bu səbəbdən də, onun barəsində olan inzibati xəta haqqında iş üzrə icraata xitam verilməlidir. Yuxarıda göstərililənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 117, 128-130-cu maddələrini rəhbər tutaraq, Q Ə R A R A A L D İ: Barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata inzibati xəta tərkibi olmadığına görə xitam verilsin. Qərardan surəti tərəflərə rəsmi qaydada verildiyi gündən 10 (on) gün müddətində Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. HAKİM X.X.İMANOV