Kürdəmir Rayon Məhkəməsi Qərar — İş №3(041)-302/2024

Azərbaycan Respublikası adından QƏRAR Kürdəmir rayon İş № 3(041)-302/2024 27.03.2024 KÜRDƏMİR RAYON MƏHKƏMƏSİ Hakim Bayramov Müseyib Seyfəddin oğlunun sədrliyi, Cəbrayılzadə Fərid Bəybala oğlunun katibliyi, barəsində inzibati icraat aparılan şəxs Şəxs və Zərərçəkmiş şəxs Yunus oğlunun iştirakı ilə xx.xx.1967-ci il tarixdə Kürdəmir rayonunda anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Kürdəmir rayonu Beyi kəndində yaşayan – Şəxs haqqında Azərbaycan Respublikası İXM-nin 510-cu maddəsi ilə Kürdəmir rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏNETDİ: Şəxs xx.xx.2024-cü il tarixdə Zərərçəkmiş şəxs Yunus oğlunun ünvanına ucadan ışqıraraq nalayiq ifadələr işlətməklə onun üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayət edilməyən hərəkətlər etmişdir. Kürdəmir RPŞ -nin əməkdşı Elçin Ələkbərovun raportu əsasında Şəxs barəsində Azərbaycan Respublikası İXM-nin 510-cu maddəsi ilə xx.xx.2024-cü il tarixli, MN ******* nömrəli inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmişdır. Məhkəmədə inzibati xəta törətmiş şəxs Şəxs izahat verərək göstərdi ki, özü Kürdəmir rayonunun Beyi kəndində yaşayır. Ramin onun həmkəndlisidir. Münasibətləri normal olmuşdur. Raminin ona pul borcu olmuş və pulu verməmək üçün möxtəlif bəhanələrlə onu aldadaraq qaçı və ondan gizlənmişdir. xx.xx.2024-cü il tarixdə o, rayondan yaşadığı kəndə getmək üçün taksi fəaliyyəti ilə məşğul olan həmkəndlisinə zxəng etmiş və kəndə qayıdanda onu da özü ilə aparmasını xahiş etmiş və həmin vaxt Raminin də taksidə olmasını bilmiş və rayonda Raminin gəlməsini gözləmişdir. Ramin rayona gələn ki ondan pulunu tələb etmiş və aralarında mübahisə yaranmışdır. Mübahisə zamanı əsəbləşərək Raminin ünvanına nalayiq ifadələr işlətmişdir. Hazırda onlar barışmışlar. Hazırda əməlindən peşmandır. Bir daha belə hallara yol verməyəcəkdir. Məhkəmə iclasında Zərərçəkmiş şəxs Yunus oğlu izahatında göstərdi ki, Nəbi onun həmkəndlisidir və münasibətləri normaldır. Onlar Nəbi ilə birlikdə RF-də olmuş və aralarında pul söbhəti olmuşdur. O, Nəbiyə olan borcunu verəcəkdir. Hazırd onlar barışmışlar. Onun Nəbiyə qarşı heç bir şikayəti yoxdur. Məhkəmə araşdırması zamanı Şəxs törətdiyi inzibati xəta özünün etirafı, zərərçəkmiş şəxsin ifadəsi, hadisənin baş vermə şəraiti, inzibati xəta haqqında protokol və işə əlavə edilmiş digər sənədlərlə tam sübuta yetirilmişdir. Məhkəmə Ziya Nəsirova inzibati tənbeh tətbiq edərkən onun əməlindən peşman olmasını məsuliyyəti yüngülləşdirən hal kimi nəzərə alır. Onun məsuliyyətini ağırlaşdıran hallar müəyyən edilməmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta törədən Şəxs şəxsiyyətini, törətdiyi xətanın xarakterini, təqsirlilik dərəcəsini, əmlak vəziyyətini, məsuliyyəti yüngülləşdirən halları, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində aşağı həddə, yəni 50 manat məbləğdə inzibati cərimə tənbeh tədbirinin tətbiq edilməsini məqsədə müvafiq hesab edir. Məhkəmə yuxarıda göstərilənləri və Azərbaycan Respublikası İXM-nin 40, 43, 106- 115,117 və 129-130-cu maddələrini rəhbər tutaraq, QƏRARA ALDİ : İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib barəsində 50 (əlli) manat cərimə cəzası tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Kürdəmir rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər . Hakim Müseyib Bayramov