Kürdəmir Rayon Məhkəməsi Qərar — İş №3(041)-345/2023

Azərbaycan Respublikası adından QƏRAR Kürdəmir rayon İş № 3(041)-345/2023 07.04.2023 KÜRDƏMİR RAYON MƏHKƏMƏSİ Kürdəmir rayon məhkəməsinin hakimi Bayramov Müseyib Syfəddin oğlu Cəbrayılzadə Fərid Bəybala oğlunun katibliyi, barəsində inzibati icraat aparılan şəxs Şəxs və zərərçəkmiş Zərərçəkmiş şəxs iştirakı ilə xx.xx.1979-cu ildə Kürdəmir rayonu Muğanlı kəndində anadan olmuş, Azərbaycan Respublikasının vətəndaşı, orta təhsilli, ailəli, fərdi əməklə məşğul olan, Kürdəmir rayonu Muğanlı kəndində yaşayan- Şəxs haqqında Azərbaycan Respublikası İXM-nin 157-ci maddəsi ilə Kürdəmir rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, M ÜƏ Y Y Ə N E T D İ : Şəxs xx.xx.2023-cü il tarixdə saat 08 radələrində Kürdəmir rayonu Muğanlı kəndində yaşadıqları evdə arvadı Zərərçəkmiş şəxs ilə şəxsi münasibətlər zəmnində aralarında baş vermiş mübahisə zamanı sonuncunun çiyin nahiyəsinəkürək nahiyəsindən qəsdən vuraraq fiziki ağrılar yetirməklə onu döymüşdür. Zərərçəkmiş şəxs ərizəsi əsasında toplanmış materialda cinayət hadisəsi müəyyən edilmədiyindən Kürdəmir rayon polis şöbəsinin təhqiqatçısı tərəfindən xx.xx.2023-cü il tarixli qərarla cinayət işinin başlanması rədd edilmiş, onun Azərbaycan Respublikası İXMnin 157-ci maddəsində nəzərdə tutulan inzibati xətanı törətməsi müəyyən edilmiş və xx.xx.2023-cü il tarixdə barəsində inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmişdır. İnzibati xəta törədən Şəxs göstərdi ki, İlhaməd onun arvadıdıdr. Münasibətləri normal deyildir. Belə ki, evləndikləri gündən aralarında olan mübahisələri ara verməmişdir. Sonuncu dəfə xx.xx.2023-cü il tarixdə o, İlhaməyə qızı Lamiyəgilə getməməsini demiş, İlhamə də onunla mübahisə etmiş, mübahisə zamanı İlhamə onu nalayiq ifadələrlə təhqir etdiyi üçün əsəbləşərək əli ilə İlhamənin çiyninə yumruqla vurmuşdur. Hazırda o, İlhamədən üzr istəmiş və ona dəymiş ziyanı ödəməklə onunla barışmışdır. Əməlindən peşman olmasını və zərərçəkmiş şəxslə barışmasını nəzərə alıb barəsində olan inzibati işin icraatına xitam verilməsini xahiş etdi. Məhkəmə iclasında Zərərçəkmiş şəxs izahatında göstərdi ki, Ayaz onun əridir. Münasibətləri normal deyildir. Belə ki, Ayaz daima araq içdiyi üçün te-tez aralarında mübahisələri olmuşdur. Sonuncu dəfə o, xx.xx.2023-cü il tarixdə Kürdəmir ryonunun Beyi kəndində olan qızı Lamiyəgilə bayramlaşmağa getmək istəmiş və həmin vaxt Ayaz ondan hara getdiyini soruşmuş, o, da qızı Lamiyəgilə getmək istədiyini demiş, buuna görə də aralarında mübahisə olmuş, mübahisəz zamanı Ayaz nalayiq ifadələrlə onu təhqir etmiş və təpiklə qəsdən onun belinə və əli iləsə çiyninə yumruqla vurmuşdur. Bunda sonra o, da oğlu Məhərrəmlə birlikdə evdən çıxaaq atası evinə getmişdir. O, Kürdəmir RPŞ-nə gələrək Ayazın onu döyməsi barədə şikayət ərizəsi ilə müraciət etmişdir. Hal-hazırda Ayaz onunla barışmışdır. Ona qarşı heç bir şikayət və tələbinin olmadığını bildirərək Ayaz barəsində olan inzibati işə xitam verilməsini xahiş etdi. İş materiallarına əlavə edilmiş, məhkəmə-tibbi ekspertiza və Pataloji Anatomiya birliyinin xx.xx.2023-cü il tarixli, 103 saylı canlı şəxsin məhkəmə tibbi müayinəsi aktında Zərərçəkmiş şəxs məhkəmə tibbi müayinəsi zamanı bədəni üzərində sağ saidin orta 1/3də qançırın küt əşya təsirindən əmələ gəlməsi və ağırlıq dərəcəsinə görə dərəcəsinin təyin edilmədiyi göstərilmişdir. Məhkəmə araşdırması zamanı Şəxs törətdiyi inzibati xəta hadisəsi özünün etirafı, zərərçəkmiş şəxsin izahatı və işə əlavə edilmiş digər sənədlərlə sübuta yetirilmişdir. İş materiallarına əlavə edilmiş Zərərçəkmiş şəxs ərizəsindən görünür ki, inzibati xəta hadisəsi törədən Şəxs onunla barışmışdır. İş materiallarına əlavə edilmiş inzibati xəta hadisəsi törədən Şəxs ərizəsindən görünür ki, o, zərərçəkmiş şəxslə barışmış və işin icraatına xitam verilməsini xahiş edir. Azərbaycan Respublikası İXM-nin 53-cü maddəsinin tələbinə görə bu Məcəllənin 157-ci maddəsində nəzərdə tutulmuş inzibati xətanı törətmişşəxs zərərçəkmişşəxslə barşıdıqda inzibati xəta haqqında işüzrə icraata xitam verilir. Ona görə dəməhkəmə hesab edir ki, inzibati xəta törətmiş şəxs zərərçəkmiş şəxslə barışdığına görə barəsində olan inzibati xəta haqqında işüzrə icraata xitam verilməlidir. Yuxarıda göstərilənləri və Azərbaycan Respublikası İnzibati Xətalar Məcəlləsinin 43, 353.0.9, 106-115,117 və 129-130-cu maddələrini rəhbər tutaraq məhkəmə , QƏRARA ALDİ : İnzibat xəta törədən Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə olan inzibati xəta haqqında iş üzrə icraata xitam verilsin. Qərardan tərəflərə rəsmi qaydada verildiyi gündən 10 gün müddətinə Kürdəmir rayon Məhkəməsi vasitəsi iləŞirvan Apellyasiya Məhkəməsinə şikayət və ya protest verilə bilər. Hakim Müseyib Bayramov