Kürdəmir Rayon Məhkəməsi Qərar — İş №3(041)-417/2023

Azərbaycan Respublikası adından QƏRAR Kürdəmir rayon İş № 3(041)-417/2023 11.05.2023 KÜRDƏMİR RAYON MƏHKƏMƏSİ Məhkəmənin hakimi X5, Gülalıyev Orxan Vəzir oğlunun katibliyi Zərərçəkmiş şəxs iştirakı ilə, xx.xx.2000-ci il tarixdə Gəncə şəhərində anadan olmuş, Azərbaycan Respublikasının vətəndaşı, ünvan 1 ünvanında qeydiyyatda olmaqla yaşayan, (FİN-xxxxxxx) X3 barəsində Azərbaycan Respublikası DİN-nin BDYPİ YPXA-dan daxil olmuş Azərbaycan Respublikasının İnzibati Xətalar Məcəlləsinin 327.8-ci maddəsi ilə olan inzibati xəta haqqında materiala məhkəmənin binasında (Kürdəmir şəhəri, Heydər Əliyev prospekti, 22) açıq məhkəmə iclasında baxaraq, M Ü Ə Y Y Ə N E T D İ: Azərbaycan Respublikası DİN-nin BDYPİ YPXA-dan daxil olmuş xx.xx.2023-cü il tarixli, İXP5383699 nömrəli inzibati xəta haqqında protokola və xx.xx.2023-cü il tarixli cinayət işinin başlanmasının rədd edilməsi haqqında qərara əsasən barəsində inzibati xəta haqqında iş üzrə icraat aparılan şəxs X3 xx.xx.2023-cü il tarixdə, saat 00.07-də Bakı- Qazax-Gürcustan sərhəddi yolunun Kürdəmir rayonunun Xırdapay kəndi ərazisindən keçən 199.5-ci km-də “Mersedes E200” markalı, **-DM-*** dövlət qeydiyyat nişanlı minik avtomobilini Bakı istiqamətində idarə edib hərəkətdə olarkən avtomobili qarşıda eyni istiqamətdə eyni zolaqda hərəkətdə olan Kürdəməri şəhəri, M.Hadi küçəsi ev 7 ünvanında qeydiyyatda olmaqla yaşayan Zərərçəkmiş şəxs idarə etdiyi “Vaz 21074” markalı, **-XT-*** dövlət qeydiyyat nişanlı minik avtomobili ilə toqquşmuş, “Vaz 21074” markalı avtomobilin sürücüsü Zərərçəkmiş şəxs yüngül bədən xəsarətləri dəymiş, nəticədə Şəxs tərəfindən Azərbaycan Respublikasının İnzibati Xətalar Məcəlləsinin 327.8-ci maddəsində nəzərdə tutulmuş inzibati xəta törədilmişdir. Məhkəmə iclasında Zərərçəkmiş şəxs ifadəsində göstərdi ki, taksi fəaliyyəti ilə məşğul olur, özünə məxsus “Vaz 21074” markalı, **-XT-*** dövlət qeydiyyat nişanlı minik avtomobili var. xx.xx.2023-cü il tarixdə gecə saatlarında həmin avtomobillə Bakı-Qazax- Gürcustan sərhəddi yolunun Kürdəmir rayonunun Xırdapay kəndi ərazisindən keçən hissəsində hərəkətdə olarkən adını sonradan bildiyi X3 idarə etdiyi “Mersedes E200” markalı, **-DM-*** dövlət qeydiyyat nişanlı minik avtomobili ilə onun avtomobilini vurmuşdur. Hadisə nəticəsində ona yüngül bədən xəsarətləri dəymiş, avtomobili isə əzilmişdir. Hazırda ona dəymiş ziyan ödənilmədiyi üçün Şəxs şikayətcidir, onun barəsində qanuna müvafiq qaydada tədbir görülməsini xahiş etdi. Azərbaycan Respublikası İXM-nin 61.3-cü maddəsinə əsasən inzibati xətalar haqqında işlərə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işlərə şəxsin iştirakı olmadan, yalnız o hallarda baxıla bilər ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Məhkəmə iclasının vaxtı və yeri haqqında inzibati xəta törədən şəxs X2 lazımı qaydada məlumat verilməsinə baxmayaraq, təyin edilmiş məhkəmə iclasına gəlməmişdir. Məhkəmə Şəxs gəlməməsini üzürsüz hesab edərək işə onun iştirakı olmadan baxılmasını mümkün hesab etmişdir. İş materiallarına əlavə edilmiş, “Məhkəmə-tibbi ekspertiza və patolofi anatomiya elmitəcrübə və tədris” X4 Şəxsin Yevlax rayon şöbəsi tərəfindən verilmiş canlı ekspertizasına dair xx.xx.2023-cü il tarixli, 127 nömrəli rəyindən görünür ki, Zərərçəkmiş şəxs bədənində sol gözaltı nahiyyəsinin dərialtı hematoması, qançırı, sol gözün ağlı qişasına yayılmış qansızma küt alətin təsirindən əmələ gəlmişdir, qərarın təsviri hissəsində göstərilən tarixdə və şəraitdə yəni xx.xx.2023-cü il tarixdə yol nəqliyyat hadisəsi nəticəsində törəməsi istinsa edilmir. Qeyd olunan xəsarət səhətin qısa müddət pozulmasına səbəb olmuş və bu əlamətə görə dərəcəsi sağlamlığa Yüngül zərər vuran xəsarətlər aid edilir. İşdə olan, xx.xx.2023-cü il tarixli, 57 və 58 nömrəli sərxoşluq vəziyyətinin tibbi müayinəsi aktından görünür ki, Zərərçəkmiş şəxs və Şəxs ayıq vəziyyətdə olmuşdur. Azərbaycan Respublikasının İXM-nin 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Şəxs törətdiyi inzibati xəta iş materillarına əlavə edilmiş sənədlərlə tam sübuta yetirilir. Ona görə də, onun barəsində törətdiyi inzibati xətaya görə Azərbaycan Respublikasının İXM-nin 327.8-ci maddəsi ilə inzibati tənbeh tədbiri görülməlidir. Azərbaycan Respublikasının İXM-nin 31.2-ci maddəsinə görə fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Azərbaycan Respublikasının İnzibati Xətalar Məcəlləsinin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. X1 şəxsiyyətini, törətdiyi xətanın xarakterini, təqsirinin dərəcəsini, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində nəqliyyat vasitələrini idarə etmə hüququ məhdudlaşdırılmaqla inzibati tənbeh tədbiri tətbiq edilməsini qanuna müvafiq hesab edir. Həmçinin məhkəmə hesab edir ki, onun nəqliyyat vasitələrinin idarə etmək hüququnun məhdudlaşdırılması sürücülük vəsiqəsini təqdim etdiyi vaxtdan hesablanmalıdır. Azərbaycan Respublikasının İXM-nin 153.3-cü maddəsinə görə xüsusi hüququ məhdudlaşdırılmış fiziki şəxs onun xüsusi hüququnu təsdiq edən müvafiq sənədi təqdim etmədikdə, xüsusi hüququn məhdudlaşdırılması müddətinin axımı dayanır. Bu halda müddətin axımı müvafiq sənədin alındığı və ya həmin sənədin itirilməsi barədə ərizənin verildiyi gündən başlayır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 106-117, 128-130-cu maddələrini rəhbər tutaraq, QƏRARA ALDİ : Barəsində inzibati xəta haqqında iş üzrə icraat aparılan şəxs X3 Azərbaycan Respublikası İnzibati Xətalar Məcəlləsinin 327.8-cü maddəsində nəzərdə tutulmuş inzibati xətanı törətdiyinə görə nəqliyyat vasitələrini idarə etmək hüququ 08 (səkkiz) ay müddətinə məhdudlaşdırılsın. X1 nəqliyyat vasitəsini idarə etmək hüququnun məhdudlaşdırılması sürücülük vəsiqəsini təqdim etdiyi vaxtdan hesablansın. Qərarın surəti təqdim edildiyi və ya alındığı gündən 10 gün müddətinə Şirvan Apellyasiya Məhkəməsinə şikayət və ya protest verilə bilər. HAKİM X.X.İMANOV