Kürdəmir Rayon Məhkəməsi Qərar — İş №3(041)-424/2023

Azərbaycan Respublikası adından QƏRAR Kürdəmir rayon İş № 3(041)-424/2023 04.05.2023 KÜRDƏMİR RAYON MƏHKƏMƏSİ Məhkəmənin hakimi X5, Gülalıyev Orxan Vəzir oğlunun katibliyi, Kürdəmir RPŞ-nın İTB-nın sahə rəisi X1 Barəsində inzibati xəta haqqında iş üzrə icraat aparılan şəxs Şəxs, xx.xx.1994-cü il tarixdə Kürdəmir rayonunda anadan olmuş, Azərbaycan Respublikasının vətəndaşı, orta təhsilli, evli, Kürdəmir rayonu, Mollakənd kəndində qeydiyyatda olmaqla yaşayan Şəxs barəsində Kürdəmir rayon polis şöbəsindən daxil olmuş Azərbaycan Respublikasının İnzibati Xətalar Məcəlləsinin 535.1-ci maddəsi ilə olan inzibati xəta haqqında materiala məhkəmənin binasında (Kürdəmir şəhəri, Heydər Əliyev prospekti, 22) açıq məhkəmə iclasında baxaraqiclasında baxaraq, M Ü Ə Y Y Ə N E T D İ: Kürdəmir rayon Məhkəməsinə daxil olmuş xx.xx.2023-cü il tarixli, MN1646208 nömrəli inzibati xəta haqqında protokola əsasən, barəsində inzibati xəta haqqında iş üzrə icraat aparılan şəxs Şəxs xx.xx.2023-cü il tarixdə Kürdəmir rayonu Topalhəsənli kəndi ərazisində polis əməkdaşlarının qanuni tələblərinə qəsdən tabe olmamış, nəticədə Şəxs tərəfindən Azərbaycan Respubikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xəta törədilmişdir. Kürdəmir RPŞ-nın İTB-nın sahə rəisi İ.Ə.Sadıqov izahatında göstərdi ki, Kürdəmir rayon Mollakənd kənd sakini X4 xx.xx.2023-cü il tarixdə saat 15 radələrində Azərbaycan Respublikası DİN-nin 102 xidmətinə zəng vuraraq və şikayət ərizəsi ilə Kürdəmir rayon polis şöbəsinə müraciət edərək oğlu Elnur Ələkbərovun spirtli içki qəbul edərək evdə mübahisə yatadığını, onları söyüb təhqir etdiyini bildirərək oğlu barəsində tədbir görülməsini xahiş etmişdir. Şikayət ərizəsi qeydiyyata alınaraq araşdırma aparılması üçün onun icraatına verilmiş və həmin gün qeyd edilən ünvana getmiş, orada Elnur Ələkbərovun ucadan nalayiq ifadələr işlətdiyini görmüş və onu sakitləşdirərək izahat verməsi üçün polis şöbəsinə dəvət etmişlər. Həmin vaxt Elnurun arvadı Şəxs araya girərək onlarla mübahisə etmiş, Elnuru polis şöbəsinə aparılmasına maneəçilik törətmiş, nizam intizama dəvət etsələrdə onların qanuni tələblərinə tabe olmamışdır. Nəticədə S.E.Ələkbrovu polis şöbəsinə apararaq izahatı alınmış, barəsində Azərbaycan Respubikası İXM-nın 535.1-ci maddələri ilə inzibati xəta haqqında protokol tərtib etmiş və aidiyyəti üzrə baxılması üçün məhkəməyə göndərmişdir. Barəsində inzibati xəta haqqında iş üzrə icraat aparılan şəxs Şəxs izahatında bildirdi ki, Kürdəmir rayonu, Mollakənd kəndində yaşayır, X4 onun qaynatası, Elnur Ələkbərov isə əridir, əri spirtli içki aludəçisidir, dəfələrlə onu bu hərəkətindən çəkindirməyə çalışsalar da buna nail ola bilməmişlər. xx.xx.2023-cü il tarixdə, günorta saatlarında Elnur nahar edərkən spirtli içki qəbul etmiş və evdə söz-söhbət salaraq valideynləri ilə mübahisə etmişdir. X2 DİN-nin 102 xidmətinə verdiyi məlumatdan sonra polis əməkdaşları oların evinə gəlmiş və baş verənlərlə bağlı onlardan izahat alacaqlarını bildirmişlər. Həmin vaxt sərxoş vəziyyətdə olduğu üçün əri Elnurun polis əməkdaşları ilə mübahisə edəcəyindən qorxmuş və məsələni polis əməkdşalarına izah etməyə çalışmış, lakin polis əməkdaşları onun dediklərinə əhəmiyyət vermədən əri Elnuru məcburi qaydada şöbəyə aparmaq istərkən əri ilə polislər arasında qısa müddətli mübahisə olmuşdur. Həmin vaxt ərini sakitləşdirmək və onları aralamaq üçün araya girərək mübahisənin böyüməsinin qarşısını almışdır. Mübahisə sakitləşəndən sonra polis əməkdaşlarının dəvəti ilə heç bir mübahisə yaratmadan şöbəyə gedərək baş verənlər barədə izahat vermişdir. Şöbədə olarkən onun barəsində əsassız olaraq İXM-nın 535.1-ci maddəsi ilə inzibati xəta haqqında protokol tərtib edildiyini görmüş, öz etirazını bildirərək polis əməkdaşları ilə mübahisə etmədiyini, sadəcə mübahisəni sakitləşdirmək istədiyi üçün araya girdiyini, onların qanuni tələblərinə tabe olduğunu bildirməsinə baxmayaraq bunun bir nəticəsi olmamışdır. Polis şöbəsində 535.1-ci maddəsi ilə prokokol tərtib edilərkən normal yazı yaza bilmədiyi üçün başqa şəxs tərəfindən yazılan izahata imza etmiş, lakin izahatda yazılanları oxumamışdır. Odur ki, barəsində ədalətli qərar qəbul edilməsini məhkəmədən xahiş etdi. Kürdəmir RPŞ-nın İTB-nın sahə rəisi İ.Ə.Sadıqovun və barəsində inzibati xəta haqqında iş üzrə icraat aparılan şəxsin izahatını dinləyib, iş materiallarına əlavə edilmiş sənədləri araşdıraraq hesab edirəm ki, hərəkətində inzibati xəta tərkibi olmadığına görə Şəxs barəsində olan inzibati xəta haqqında iş üzrə icraata xitam verilməlidir Belə ki, Azərbaycan Respubikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xəta polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə yaranır. Hazırki işdə olan sənədlərdən görünür ki, Kürdəmir rayon Mollakənd kənd sakini X4 xx.xx.2023-cü il tarixdə saat 15 radələrində Azərbaycan Respublikası DİN-nin 102 xidmətinə zəng vuraraq oğlu Elnur Ələkbərovun spirtli içki qəbul edərək evdə mübahisə yatadığını, onları söyüb təhqir etdiyini bildirərək və oğlu barəsində tədbir görülməsini xahiş etmişdir. Şikayət əsasında Kürdəmir RPŞ-nın İTB-nın sahə rəisi İ.Ə.Sadıqov şikayətçinin yaşadığı evə getmiş Elnur Ələkbərovun izahatını almaq üçün polis şöbəsinə dəvət etmişlər, həmin vaxt Elnur sərxoş olduğu üçün polis əməkdaşları ilə mübahisə etmiş, mübahisənin qarşısını almaq niyəti ilə barəsində inzibati xəta haqqında iş üzrə icraat aparılan şəxs Şəxs əri Elnur ilə polis əməkdaşlarının arasına girərək onları aralamış, mübahisənin böyüməsinin qarşısını almışdır. Polis əməkdaşlarının dəvəti ilə Sevinc Ələkbərov heç bir maneəçilik törətmədən polis şöbəsinə gedərək izahat vermişdir və bundan sonra Şəxs barəsində Azərbaycan Respublikasının İnzibati Xətalar Məcəlləsinin 535.1-ci maddələri ilə inzibati xəta haqqında protokol tərtib etmiş, protokol baxılması üçün məhkəməyə göndərilmişdir. Barəsində inzibati xəta haqqında işə baxılan şəxs Şəxs polis əməkdaşlarının qanuni tələblərinə qəsdən tabe olmamasını təsdiq edən heç bir sübut iş materillarına əlavə edilməmiş, habelə məhkəmə araşdırması zamanı müəyyən edilməmişdir. Ona görə də, onun inzibati məsuliyyətə cəlb edilməsi və barəsində inzibati tənbeh tədbiri tətbiq edilməsi üçün heç bir əsas yoxdur. Azərbaycan Respublikasının İXM-nin 53.0.2-ci maddəsinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasənbu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 114.2.1-ci maddəsinə əsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Yuxarıda göstərililənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 117, 128-130-cu maddələrini rəhbər tutaraq, QƏRARA ALDİ: Barəsində inzibati xəta haqqında iş üzrə icraat aparılan şəxs Şəxs barəsində Azərbaycan Respublikası İnzibati Xətalar Məcəlləsinin 535.1-ci maddəsi ilə olan inzibati xəta haqqında iş üzrə icraata inzibati xəta tərkibi olmadığına görə xitam verilsin. Qərardan surəti tərəflərə rəsmi qaydada verildiyi gündən 10 (on) gün müddətində Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. HAKİM: X.X.İMANOV