Kürdəmir Rayon Məhkəməsi Qərar — İş №3(041)-433/2024

Azərbaycan Respublikası adından QƏRAR Kürdəmir rayon İş № 3(041)-433/2024 01.05.2024 KÜRDƏMİR RAYON MƏHKƏMƏSİ (İnzibati tənbeh vermə haqqında) Kürdəmir rayon məhkəməsinin hakimi Bayramov Müseyib Seyfəddin oğlu, Cəbrayılzadə Fərid Bəybala oğlunun katibliyi və barəsində inzibati icraat aparılan şəxs Şəxs iştirakı ilə xx.xx.1994-cü il tarixdə Kürdəmir rayonunda anadan olmuş, Azərbaycan Respublikası vətəndaşı, orta təhsilli, evli, Kürdəmir rayonu Topalhəsənli kəndində qeydiyyatda olmaqla yaşayan – Şəxs haqqında Azərbaycan Respublikası İXM-nin 535.1-ci maddəsi ilə Kürdəmir rayon polis şöbəsindən daxil olmuş inzibati xəta haqqında materiala açıq məhkəmə iclasında baxaraq, MÜƏYYƏNETDİ: Şəxs xx.xx.2024-cü il tarixdə xidməti ərazidə ictimai qaydanın mühafizəsi üzrə vəzifələri icra edən Kürdəmir RPŞ-inin əməkdaşlarının qanuni tələbinə qəsdən tabe olmamışdır. Şəxs barəsində xx.xx.2024-cü il tarixdə MN ******* nömrəli inzibati xəta haqqında protokol tərtib edilmiş və aidiyyəti üzrə baxılması üçün Kürdəmir rayon məhkəməsinə göndərilmişdir. Məhkəmə iclasında inzibati xəta törədən Şəxs izahatında göstərdi ki, xx.xx.2024-cü il tarixdə dostları ilə bir yerdə olarkən araq içmiş və evə gəlmişdir. Evə gələndən sonra anası Gülçin araq içməsini ona irad tutmuş və o, da əsəbləşərək anası ilə mübahps edərək ucadan qışqıraraq onları nalayiq ifadələrlə təhqir etmişdir. Atası DİN-nin 102 xidmət mərkəzinə zəng edərək şikayət etdiyi üçün polis əməkdaşları onların yaşadıqları ünvana gəlmiş və onlarla birlikdə polis şöbəsinə getməsini xahiş etsələr də o, sərxoş olduğu üçün pois əməkdaşalrı ilə mübahisə edərək onlara etirazını bildirmiş vəonların qanuni tələblərinə abe olmamışdır. Əməlindən peşmandır. İlk dəfədir ki, inzibati xəta törədir və bir daha belə hallara yol verməyəcəkdir.. Məhkəmə iclasında şahid qismində dindirilmiş X1 ifadəsində göstərdi ki, o,Kürdəmir RPŞ CAB-də əməliyyat müvəkkili vəzifəsində işləyiR. xx.xx.2024-cü il tarixdə Kürdəmir RPŞ-nin növbətçi hissəsində növbətçi olarkən DİN-nin 102 xidmət mərkəzinə edilən şikayət əsasında Kürdəmir rayonu Topalhəsənli kəndində getmiş və həyətə daxil olanda adını sonradan bildiyi Şəxs ailə üzvlərinin ünvanına nalauiq ifadələr işlətdiyini görüb özünü təqdim etmiş və ondan sakitləşməsini xahiş etsə də Vüsal sakitləşməmişdir. Bundan sonra o, Vüsalı sakitləşdirmək və onu polis şöbəsinə gətirmək istəsə də Vüsal gəlməmiş və onların qanuni tələblərinə tabe olmamışdır.Bundan sonra məcburi şəkildə polis şöbəsinə gətirildikdən sonra barəsində inzibati xəta haqqında protokol tərtib etmişlər. Məhkəmə araşdırması zamanı Şəxs törətdiyi inzibati xəta özünün etirafı, şahid ifadəsi, hadisənin baş vermə şəraiti, inzibati xəta haqqında protokol və işə əlavə edilmiş digər sənədlərlə tam sübuta yetirilmişdir. Məhkəmədə inzibati xəta törədən Şəxs cəza təyin edərkən onun məsuliyyətini yüngülləşdirən və ağırlaşdıran hallar müəyyən eilməmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta törədən Şəxs şəxsiyyətini, törətdiyi xətanın xarakterini, təqsirlilik dərəcəsini, əmlak vəziyyətini, məsuliyyəti yüngülləşdirən halı, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində inzibati cərimə tənbeh tədbirinin tətbiq edilməsini məqsədə müvafiq hesab edir. İş materiallarına əlavə edilmiş xx.xx.2024-cü il tarixli, AZA 000368 nömrəli inzibati qaydada tutma haqqında protokoldan görünür ki, Şəxs xx.xx.2024-cü il tarixdə,saat 23.00da inzibati qaydada tutulmuşdur. Məhkəmə yuxarıda göstərilənləri və Azərbaycan Respublikası İXM-nin 40, 43, 106- 115,117 və 129-130-cu maddələrini rəhbər tutaraq, QƏRARA ALDİ : İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 535.1-ci maddəsi ilə təqsirli bilinib barəsində 200 (iki yüz) manat məbləğdə cərimə tənbeh tədbiri tətbiq edilsin və dərhal məhkəmə iclas zalında həbsdən aza edilsin. Qərarın surəti rəsmi qaydada verildiyi vaxtdan on gün müddətində Kürdəmir rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər . Hakim Müseyib Bayramov