Kürdəmir Rayon Məhkəməsi Qərar — İş №3(041)-506/2024

Azərbaycan Respublikası adından QƏRAR Kürdəmir rayon İş № 3(041)-506/2024 30.05.2024 KÜRDƏMİR RAYON MƏHKƏMƏSİ Məhkəmənin hakimi X4, Gülalıyev Orxan Vəzir oğlunun katibliyi Kürdəmir rayon icra və probasiya şöbəsinin icra məmuru X1, Barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1969-cu il tarixdə Kürdəmir anadan olmuş, Azərbaycan Respublikasının vətəndaşı, orta təhsilli, fərdi əməklə məşğul olan, Kürdəmir rayonu, Cəyli kəndində qeydiyatda olmaqa hazırda Bakı şəhərində ünvanını bilmədiyi evdə kirayədə yaşayan Şəxs barəsində Kürdəmir rayon icra və probasiya şöbəsindən daxil olmuş Azərbaycan Respublikasının İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala məhkəmənin binasında (Kürdəmir şəhəri, Heydər Əliyev prospekti, 22) açıq məhkəmə iclasında baxaraq, M Ü Ə Y Y Ə N E T D İ: Kürdəmir rayon icra və probasiya şöbəsindən daxil olmuş xx.xx.2024-cü il tarixli MN ******* nömrəli inzibati xəta haqqında protokola əsasən barəsində inzibati xəta haqqında iş üzrə icraat aparılan şəxs Şəxs Bakı şəhəri Sabunçu rayon Məhkəməsinin xx.xx.2010-cu il tarixli, 2(008)-604/2010 saylı və Şamaxı rayon Məhkəməsinin xx.xx.2019-cu il tarixli, 2(074)-1327/2019 saylı icra sənədlərinin icrası ilə bağlı icra məmurunun qanuni tələblərini yerinə yetirməmiş, nəticədə Şəxs tərəfindən Azərbaycan Respubikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törədilmişdir. Məhkəmə iclasında Kürdəmir rayon icra və probasiya şöbəsinin icra məmuru İ.S.Əliyev inzibati xəta haqqında protokolu şifahi əsaslandıraraq bildirdi ki, Bakı şəhəri Sabunçu rayon Məhkəməsinin xx.xx.2010-cu il tarixli 2(008)-604/2010 saylı icra sənədinə əsasən 1 nəfər uşağın yetkinlik yaşına çatana kimi saxlanması üçün borclu Şəxs hər ay 100 manat alimentin tutularaq tələbkar Zərərçəkmiş şəxs1 ödəlinməsi, həmçinin Şamaxı rayon Məhkəməsinin xx.xx.2019-cu il tarixli, 2(074)-1327/2019 saylı icra sənədinə əsasən 1 nəfər uşağın yetkinlik yaşına çatana kimi saxlanması üçün borclu Şəxs hər ay 130 manat aliment tutularaq tələbkar Zərərçəkmiş şəxs2 Əlisahib qızına ödənilməsi qət edilmişir. Hər iki icra sənəd icra edilməsi üçün Kürdəmir rayon icra və probasiya şöbəsinə daxil olduqdan sonra icraata başlama haqqında qərar qəbul edilmiş, borcluya bildiriş göndərilmişdir. İcra sənədlərinin icrası ilə əlaqədar dəfələrlə rəsmi və şifahi xəbərdarlıq edilməsinə baxmayaraq borclu tələbkarlara olan borcunu ödəməkdən yayınmış, nəticədə hər iki icra sənədi üzrə 18800 manat borcu yaranmışdır. Tələbkarın şikayətləri əsasında borclu onun dəvətilə Kürdəmir rayon icra və probasiya şöbəsinə dəvət olunmuş, lakin borclu icra və probasiya şöbəsinə gəlməkdən yayındığı üçün barəsində axtarış işi açılmışdır. Borclu Şəxs Kürdəmir RPŞ-nin əməkdaşalrı tərəfindən tutularaq icra və probasiya şöbəsinə təhvil verilmişdir. Bundan sonra onun barəsində inzibati xəta haqqında protokol tərtib edilmiş və məhkəməyə təqdim edilmişdir. İnzibati xəta haqqında protokola məhkəmədə baxılan zaman borclu bu günə qədər onlara təqdim etmədiyi ödəniş qəbzlərini təqdim etmiş və onun hər iki icra sənədi üzrə ümumilikdə 16600 manat borcu olduğu müəyyən edilmişdir. Barəsində inzibati xəta haqqında iş üzrə icraat aparılan şəxs Şəxs izahatında bildirdi ki, Kürdəmir rayon Cəyli kəndində qeydiyatda olmasına baxmayaraq Bakı şəhərində yaşayır, barəsində olan icra sənədlərindən məlumatı olub, bu günə qədər tələbkarlara ödənişlər etmiş, lakin onlara inandığı üçün ödənişləri rəsmi qaydada deyil müxtəlif formalarda uşaqlarına vermişdir. Barəsində inzibati xəta haqqında protokol tərtib edilib məhkəməyə verildikdən sonra təqdim etmədiyi ödəniş qəbzlərini icra məmuruna təqdim etmiş və icra məmurunun hesablamasına əsasən onun 1660 manat borcu qaldığı müəyyən edilmişdir. Əslində isə onun 5-6 min civarında borcu qalmışdır. Borcunu tam şəkildə ödəyə bilmir, bundan sonra borcunu ödəmək üçün tədbirlər görəcək. Bütün bunları nəzərə alaraq barəsində ədalətli qərar qəbul edilməsini xahiş etdi. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə, fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. İnzibati xəta haqqlnda protokoldan və ona əlavə edilmiş sənədlərdən görünür ki, Bakı şəhəri Sabunçu rayon Məhkəməsinin xx.xx.2010-cu il tarixli, 2(008)-604/2010 saylı icra sənədinə əsasən 1 nəfər uşağın yetkinlik yaşına çatana kimi saxlanması üçün borclu Şəxs hər ay 100 manat alimentin tutularaq tələbkar Zərərçəkmiş şəxs1 ödəlinməsi, həmçinin Şamaxı rayon Məhkəməsinin xx.xx.2019-cu il tarixli, 2(074)-1327/2019 saylı icra sənədinə əsasən 1 nəfər uşağın yetkinlik yaşına çatana kimi saxlanması üçün borclu Şəxs hər ay 130 manat aliment tutularaq tələbkar Zərərçəkmiş şəxs2 Əlisahib qızına ödənilməsi qət edilmişir. Hər iki icra sənədi borclu Şəxs ödənilməmiş 1660 manat borcu olduğundan barəsində Kürdəmir rayon icra və probasiya şöbəsinin icra məmuru X2 tərəfindən xx.xx.2024-cü il tarixdə Azərbaycan Respubikası İnzibati Xətalar Məcəlləsinin 528.1-ci maddəsi ilə inzibati xəta haqqında protokol tərtib edilmiş və baxılması üçün Kürdəmir rayon Məhkəməsinə göndərilmişdir. Beləliklə, məhkəmə araşdırması zamanı Şəxs sözü gedən icra sənədlərinin icrası ilə əlaqədar icra məmurunun tələblərini yerinə yetirmədiyi və onun Azərbaycan Respublikasının İXM-nin 528.1-ci maddəsinin tələblərini pozduğu müəyyən olunur. Belə ki, borclu Şəxs heç bir üzrlü səbəb olmadan icra sənədlərini tam olaraq icra etməkdən qərəzli surətdə boyun qaçırmışdır. Şəxs məsuliyyətini yüngülləşdirən və ağırlaşdıran hallar müəyyən edilmədi. Şəxs törətdiyi inzibati xətanın xarakterini, onun təqsirlilik dərəcəsini və şəxsiyyətini, icra sənədinin icrası ilə bağlı icra məmurunun tələblərini qəsdən icra etmədiyinə görə, habelə onun qanunlara əməl edilməsi ruhunda tərbiyənləndirilməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində inzibati həbs tənbeh tədbiri tədbiq edilməsini məqsədə müvafiq hesab edir. Azərbaycan Respublikasının İnzibati Xətalar Məcəlləsinin 21-ci maddəsində göstərilir ki, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114, 117, 128-130-ci maddələrini rəhbər tutaraq, QƏRARA ALDİ: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətdiyinə görə barəsində 07 (yeddi) gün müddətinə inzibati həbs tənbeh tədbiri tətbiq edilsin. İnzibati həbs etmənin əvvəli 30 may 2024-cü il tarixdən hesablansın. Qərarın icrası Kürdəmir rayon polis şöbəsinə həvalə edilsin. Qərardan surəti tərəflərə rəsmi qaydada verildiyi gündən 10 (on) gün müddətində Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. HAKİM X.X.İMANOV