Kürdəmir Rayon Məhkəməsi Qərar — İş №3(041)-614/2023

Azərbaycan Respublikası adından QƏRAR Kürdəmir rayon İş № 3(041)-614/2023 07.07.2023 KÜRDƏMİR RAYON MƏHKƏMƏSİ Kürdəmir rayon məhkəməsinin hakimi Bayramov Müseyib Seyfəddin oğlu, Cəbrayılzadə Fərid Bəybala oğlunun katibliyi, barəsində inzibati icraat aparılan şəxs Şəxs,tələbkar Zərərçəkmiş şəxs və Kürdəmir rayon İcra və Probasiya şöbəsinin ica məmuru X2 iştirakı ilə xx.xx.1990-c ildə Kürdəmir şəhərində anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Kürdəmir şəhəri,H.Əliyev prospekti,məhəllə 1,ev 38-də yaşayan- Şəxs barəsində Kürdəmir rayon İcra və Probasiya şöbəsindən daxil olmuş Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala açıq məhkəmə iclasında baxaraq, M ÜƏ Y Y Ə N E T D İ : Şəxs məhkəmə qərarlarını qəsdən icra etmədiyi üçün xx.xx.2023-cü il tarixdə barəsində inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmiş və onun inzibati məsuliyyətə cəlb eduilməsi xahiş edilmişdir. Məhkəmədə Kürdəmir rayon İcra və Probasiya şöbəsinin icra məmuru, X3 göstərdi ki, Kürdəmir rayon Məhkəməsinin 2(041)-873/2019 saylı, xx.xx.2019-cu il tarixli icra sənədinə əsasən borclu Şəxs 2 uşağn saxlanması üçün cəmi 200 manat aliment tutularaq Zərərçəkmiş şəxs ödənilməsi qət edilmişdir. İcra sənədi Kürdəmir rayon İcra və Probasiya şöbəsinin icraatına daxil olmuş və icra sənədi üzrə icraata başlanılaraq Şəxs qanuna uyğun olaraq könüllü icra üçün vaxt verilmiş, onun icra şöbəsinə gəlməsi və borcunu ödəməsi tələb olunmuş, lakin o, həmin borcunu kəsrlə ödədiyi üçün onun 9500 manat aliment borcu yaranmışdır. Borclu Şəxs barəsində inzibati xəta haqqında protokol tərtib edildikdən sonra o, tələbkar Alidə Gülmalıyevaya 500 manat da ödəmiş və qalan borclu hissə-hissə ödəyəcəyi ilə bağlı tələbkarla aralarında razılıq əldə etmişdir. Məhkəmə iclasında Şəxs izahatında göstərdi ki, Kürdəmir rayon məhkəməsinin 2019-cu il tarixli qətnaməsinə əsasən ondan 2 uşağın saxlanması üçün cəmi 200 manat aliment tutularaq Zərərçəkmiş şəxs ödənilməsi qət edilmişdir. O, işləmədiyi üçün alimenti ödəyə bilməmiş və onun borcu yaranmışdır. O, hazırda tələbkara 500 manat aliment borcundan ödəmiş, qalan borcunu da alimentlə birlikdə hissə-hissə ödəyəcəkdir. O, məsuliyyətini başa düşür və məhkəmə qərarına hörmətlə yanaşır. Odur ki, barəsində tərtib olunmuş inzibati materiala xitam verilməsini xahiş etdi. Məhkəmə iclasında dindirilmiş tələbkar Zərərçəkmiş şəxs izahatında göstərdi ki, Kürdəmir rayon məhkəməsinin 2019-cu il tarixli qətnaməsinə əsasaən Şəxs 2 uşağın saxlanması üçün cəmi 200 manat aliment tutularaq ona ödənilməsi qət edilmişdir. Xalidə alimenti hər ay ödəməmiş və onun 9600 manat aliment borcu yaranmışdır. O,dəfələrlə Xalidəyə aliment borcunu ödəməsini xahiş etsə də hər dəfə müxtəlif bəhanələrlə alimenti ödəməkdən yayınışdır. O,hesab edir ki, Xalidə tezliklə aliment borcunu ödəyəcəkdir. Odur ki, hazırki inzibati materiala xitam verilməsinə etiraz etmir. Beləliklə, məhkəmə barəsində inzibati icraat açılmış X1, təlbkarın və İcra məmuru Ruslan Əsgərovun izahatlarını dinləyib, iş materiallarına əlavə edilmiş sənədləri araşdıraraq hesab edir ki, inzibati material üzrə icraata xitam verilməlidir. Belə ki, Kürdəmir rayon Məhkəməsinin 2(041)-873/2019 saylı, xx.xx.2019-cu il tarixli icra sənədinə əsasən borclu Şəxs 2 uşağn saxlanması üçün cəmi 200 manat aliment tutularaq Zərərçəkmiş şəxs ödənilməsi qət edilmişdir. Kürdəmir rayon məhkəməsiin 2019-cu il tarixli İcra vərəqəsi Kürdəmir rayon İcra və Probasiya şöbəsinin icraatına daxil olmuş və icra sənədi üzrə icraata başlanılaraq Şəxs qanuna uyğun olaraq könüllü icra üçün vaxt verilmiş, onun icra şöbəsinə gəlməsi və borcunu ödəməsi tələb olunmuşdur. Borclu 9500 manat aliment borcundan 500 manat ödəmişdir, qalan borcunu da hissə-hissə ödəyəcəyini bildirmiş, tələbkar Zərərçəkmiş şəxs da etirazını bildirməmişdir. Borclu Şəxs məsuliyətini başa düşdüyünü və məhkəmə qərarına hörmətlə yanaşdığını bildir. Məhkəmə yuxarıda şərh olunanları nəzərə alaraq hesab edir ki, Şəxs hərəkətlərində məhkəmə qərarının icrası ilə bağlı heç bir qərəz yoxdur və İcra məmumurunun çağırışına da könüllü olaraq gəlmiş və icra sənədi üzrə borcundan ödəniş etmişdir. Ona görə də onun barəsində olan inzibati icraata xitam verilməlidir. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İXM-nin 53.0.2-ci maddəsində göstərilir ki, əməldə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Azərbaycan Respublikası İXM-nin 114.2.1-ci maddəsinəəsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında işüzrə icraata xitam verilməsi haqqında qərar çıxarılır. Yuxarıda göstərilənləri və Azərbaycan Respublikası İXM-nin 40, 43, 53,106-115,117 və 129-130-cu maddələrini rəhbər tutaraq məhkəmə, QƏ R A R A A L D İ : Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan on gün müddətində Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. Hakim Müseyib Bayramov