Kürdəmir Rayon Məhkəməsi Qərar — İş №3(041)-627/2024

Azərbaycan Respublikası adından QƏRAR Kürdəmir rayon İş № 3(041)-627/2024 15.06.2024 KÜRDƏMİR RAYON MƏHKƏMƏSİ Kürdəmir Rayon Məhkəməsinin hakimi Mehdiyev Rahid Baxşəli oğlunun sədrliyi, Qurbanov Ruslan Şirvan oğlunun katibliyi, inzibati xəta haqqında protokol tərtib etmiş şəxs Kürdəmir rayon İcra və Probasiya Şöbəsinin icra məmuru X1, barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1990-cı il tarixdə Kürdəmir rayonu, Xırdapay kəndində doğulmuş, Azərbaycan Respublikasının vətəndaşı, evli, orta təhsilli, işləməyən, Kürdəmir rayonu, Xırdapay ərazi dairəsi, Xırdapay kəndində qeydiyyatda olmaqla yaşayan (FİN-EFYA9Y) Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə tərtib edilmiş inzibati xəta haqqında protokol əsasında toplanmış materiala məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: Kürdəmir rayon İcra və Probasiya şöbəsindən daxil olmuş xx.xx.2024-cü il tarixli inzibati xəta haqqında protokolda göstərilmişdir ki, borclu Əsgərov X4 Rayon Məhkəməsinin 2(041)-447/2020, 2(041)-2378/2021 saylı və notariat ofisinin 4071, 12613 saylı icra sənədlərinin icrası ilə əlaqədar icra məmurunun qanuni tələblərini yerinə yetirməmişdir. Bununla da, o, İXM-nin 528.1-ci nəzərdə tutulmuş inzibati xətanı törətmişdir. Məhkəmə iclasında Kürdəmir rayon İcra və Probasiya şöbəsinin icra məmuru X2 tərtib etdiyi inzibati xəta haqqında protokolun dəlillərinə uyğun izahat vermiş və əlavə olaraq bildirmişdir ki, “İcra haqqında” Azərbaycan Respublikası Qanununun tələblərinə uyğun olaraq icra sənədləri üzrə icraata başlamaq haqqında qərarlar qəbul edilərək borcluya tələbin icrası üçün bildirişlər göndərilmişdir. Bundan sonra, dəfələrlə borclu Şəxs yazılı və şifahi xəbərdarlıq edilərək qətnamələrin icrası tələb olunmuşdur. Borclu, Şəxs Azərbaycan Respublikası adından qəbul edilmiş və icrası bütün şəxslər üçün məcburi olan məhkəmə qərarlarının icrasını təmin etməmiş, icra sənədlərinin icrasında qərəzli olaraq yayınmış, icra məmurunun qanuni tələblərini yerinə yetirməmişdir. xx.xx.2020-ci il tarixli, 2(041)-447/2020 saylı icra sənədi üzrə 7693 manat, xx.xx.2022-ci il tarixli, 2(041)- 2378/2021 saylı icra sənədi üzrə 169,21 manat, Kürdəmir rayon notariat ofisinin xx.xx.2019-cu il tarixli, 4071 saylı icra sənədinə əsasən 366,38 manat, xx.xx.2023-cü il tarixli, 12613 saylı icra sənədinə əsasən 130 manat borc ödənilməmiş qalmışdır. Hazırda aliment borcunun ödənilməmiş hissəsi 7693 manat, kredit borcu 665,59 manat təşkil edir. Göstərilənlərə əsasən borclu şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs İXM-nin 528.1-ci maddəsində nəzərdə tutulmuş inzibati xətanı törətməkdə özünü təqsirli bilərək göstərdi ki, xx.xx.2020-ci il tarixli, 2(041)-447/2020 saylı icra sənədi üzrə 7693 manat, xx.xx.2022-ci il tarixli, 2(041)-2378/2021 saylı icra sənədi üzrə 169,21 manat, Kürdəmir rayon notariat ofisinin xx.xx.2019-cu il tarixli, 4071 saylı icra sənədinə əsasən 366,38 manat, xx.xx.2023-cü il tarixli, 12613 saylı icra sənədinə əsasən 130 manat borc ödənilməmiş qalmışdır. Ödənilməmiş qalmış borcunu işləmədiyindən və maddi imkanı olmadığından ödəmək imkanı olmamışdır. Müvafiq inzibati xətanın baş verməsi faktı barəsində inzibati xəta haqqında protokol tərtib etmiş şəxsin izahatı və inzibati xəta haqqında protokolla yanaşı, iş üzrə toplanmış digər sənədlərlə də sübuta yetirilir. Belə ki, iş materiallarında olan və məhkəmə baxışında tədqiq edilmiş: Kürdəmir Rayon Məhkəməsinin xx.xx.2020-ci il tarixli, 2(041)-447/2020 saylı icra sənədindən görünür ki, xx.xx.2017-cü il tarixdə doğulmuş X3 yetkinlik yasına çatana kimi saxlanması üçün 27 yanvar 2020-ci il tarixdən başlayaraq Kürdəmir rayonunun Xirdapay kəndində vasayan cavabdeh Şəxs hər ay sabit pul məbləğində 160 (yüz altımış) manat aliment tutularaq Kürdəmir rayonu Xırdapay kəndində yaşayan iddiaçı Zərərçəkmiş şəxs1 ödənilməli, Şəxs ödəniləcək illik alimentin həcminə görə 30 (otuz) manat dövlət rüsumu tutularaq dövlət büdcəsinə ödənilməlidir. icraata başlama haqqında xx.xx.2020-ci il tarixli qərarın surətindən görünür ki, Kürdəmir Rayon Məhkəməsinin xx.xx.2020-ci il tarixli, 2(041)-447/2020 saylı icra sənədinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir; Kürdəmir Rayon Məhkəməsinin xx.xx.2022-ci il tarixli, 2(041)-2378/2021 saylı icra sənədindən görünür ki, cavabdeh Şəxs müqavilə üzrə 107.56 manat qalıq borc, 31.66 manat cərimə borcu olmaqla, cəmi 139,21 (bir yüz otuz doqquz manat 21 qəpik) manat borc və rüsumunun əvəzi olaraq 30 (otuz) manat tutularaq iddiaçı “Optimal Elektronika MMC”yə ödənilməlidir. icraata başlama haqqında xx.xx.2022-ci il tarixli qərarın surətindən görünür ki, Kürdəmir Rayon Məhkəməsinin xx.xx.2022-ci il tarixli, 2(041)-2378/2021 saylı icra sənədinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir; Kürdəmir rayon notariat ofisinin xx.xx.2019-cu il tarixli, 4071 saylı icra sənədinə əsasən borclu Şəxs 366,38 manat pul tutularaq tələbkar Zərərçəkmiş şəxs3 ASC-nin xeyrinə ödənilməlidir. icraata başlama haqqında xx.xx.2022-ci il tarixli qərarın surətindən görünür ki, Kürdəmir rayon notariat ofisinin xx.xx.2019-cu il tarixli, 4071 saylı icra sənədinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir; Kürdəmir rayon notariat ofisinin xx.xx.2023-cü il tarixli, 12613 saylı icra sənədinə əsasən borclu Şəxs 130 manat pul tutularaq "xxxx" MMC-yə ödənilməlidir. icraata başlama haqqında xx.xx.2023-cü il tarixli qərarın surətindən görünür ki, Kürdəmir rayon notariat ofisinin xx.xx.2023-cü il tarixli, 12613 saylı icra sənədinə əsasən iş üzrə icraat başlanılmış və icraata başlanması haqqında qərar icra olunması üçün müvafiq bildirişlə borclu Şəxs göndərilmişdir; xəbərdarlıqlardan görünür ki, Kürdəmir Rayon Məhkəməsinin xx.xx.2020-ci il tarixli, 2(041)-447/2020 saylı, xx.xx.2022-ci il tarixli, 2(041)-2378/2021 saylı, Kürdəmir rayon notariat ofisinin xx.xx.2019-cu il tarixli, 4071 saylı və xx.xx.2023-cü il tarixli, 12613 saylı icra sənədlərinin icrası borcludan tələb edilmiş, icranı təmin etmədiyi halda məsuliyyət daşıyacağı izah edilmişdir; izahatlardan görünür ki, Şəxs icra sənədlərinin icrası tələb edilmiş, sonuncu hissəhissə ödəniş edəcəyinə söz vermişdir: Azərbaycan Respublikası Mülki Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. «İcra məmurları haqqında» Azərbaycan Respublikası Qanununun 10-cu maddəsinə əsasən icra məmurlarının öz səlahiyyətləri hüququnda irəli sürdükləri tələblər Azərbaycan Respublikası ərazisində bütün fiziki və hüquqi şəxslər üçün məcburidir. İcra məmurlarına öz vəzifəsini həyata keçirmək üçün tələb olunan məlumat, sənəd və onların surətləri ödənişsiz və müəyyən olunmuş vaxtda verilir. İcra məmurlarının qanuni tələblərini yerinə yetirməyən, ona həvalə edilmiş vəzifələrin icrasına mane olan şəxslər qanunvericilikdə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, icra məmurunun, barəsində inzibati xəta haqqında iş üzrə icraat aparılan şəxsin izahatları və inzibati materialda olan digər sənədlərlə sübuta yetirilmişdir ki, borclu Şəxs məhkəmə qətnamələri ilə və notariat ofisinin icra sənədlərinə əsasən borclarını üzrsüz səbəbdən yerinə yetirməyərək icra məmuru tərəfindən müəyyən olunmuş müddətdə Kürdəmir Rayon Məhkəməsinin xx.xx.2020-ci il tarixli, 2(041)-447/2020 saylı, xx.xx.2022-ci il tarixli, 2(041)- 2378/2021 saylı, Kürdəmir rayon notariat ofisinin xx.xx.2019-cu il tarixli, 4071 saylı və xx.xx.2023-cü il tarixli, 12613 saylı icra sənədlərinin icrasını təmin etməmişdir. Bununla da, Şəxs borc məbləğini məhkəmə qərarında göstərildiyi qaydada ödənilməsini təmin etməmiş, borcun ödənilməsinə laqeydlik göstərmiş və icra vərəqəsinin icrasına səhlənkar yanaşmışdır. Bu isə öz növbəsində keçən müddət ərzində icrası məcburi olan Azərbaycan Respublikası adından qəbul edilmiş məhkəmə aktına vətəndaşın səthi və etinasız yanaşmasına dəlalət edir. Bununla da, Əsgərov X5 Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmənin bu qənaəti həmçinin onunla da əsaslandırılır ki, Şəxs nəinki icra sənədi ilə müəyyən edilmiş məbləğdə, hətta daha az - maddi imkanı çata biləcəyi məbləğdə belə ödəniş etməmiş, Kürdəmir Rayon Məhkəməsinin xx.xx.2020-ci il tarixli və xx.xx.2022-ci il tarixli qərarları ilə barəsində inzibati tənbeh tədbirlərinin tətbiq edilməsinə baxmayaq icra məmurunun çağırışlarından yayınmış, axtarış qərarı əsasında xx.xx.2024-cü il tarixdə Kürdəmir rayon İcra və Probasiya Şöbəsinə gətirilmişdir. Bunlar, onun məhkəmə qərarının icrasına biganə yanaşdığını və qərarı üzrsüz səbəbdən icra etmədiyini təsdiq edir. Şəxs Dövlət adından çıxarılmış məhkəmə qətnaməsinə etinasız yanaşmasının ictimai təhlükəliliyi ondan ibarətdir ki, bu hərəkətlərə yol verməklə o, məhkəmə orqanlarını nüfuzdan salır və bununla da, vətəndaşların məhkəmə sisteminə inamını azaldır. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə, törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək, hesab edir ki, Şəxs Azərbaycan Respublikası İXM-nin 528.1-ci maddəsi ilə təqsirli bilinməli və ona adıçəkilən maddənin sanksiyasının hədləri daxilində inzibati həbs növündə inzibati tənbeh tətbiq edilməlidir. Məhkəmə hesab edir ki, məhkəmə qərarı qanuni qüvvəsinə minən vaxtdan ötən müddət ərzində borcun ödənilməsini təmin etməmiş şəxsin inzibati qaydada 500 manatdan 1000 manatadək miqdarda cərimə edilməsi ağlabatan və inzibati tənbeh tədbirinin məqsədinə nail olunması baxımından yetərli vasitə hesab oluna bilməz. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, QƏRARA ALDİ: Əsgərov X5 Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək 10 (on) gün müddətinə inzibati həbs edilsin. Həbsetmənin əvvəli 15 iyun 2024-cü il tarixdən hesablansın. Qərarın icrası Kürdəmir Rayon Polis Şöbəsinə tapşırılsın. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş hakim vasitəsilə və ya bilavasitə Şirvan Apelyasiya Məhkəməsinə şikayət verilə bilər. Sədrlik edən: Rahid Mehdiyev