Kürdəmir Rayon Məhkəməsi Qərar — İş №3(041)-65/2023

Azərbaycan Respublikası adından QƏRAR Kürdəmir rayon İş № 3(041)-65/2023 30.01.2023 KÜRDƏMİR RAYON MƏHKƏMƏSİ Fiziki şəxsə verilmiş xüsusi hüququn məhdudlaşdırılması haqqında qərara xitam verilməsi barədə Kürdəmir rayon məhkəməsinin hakimi Bayramov Müseyib Seyfəddin oğlu Cəbrayılzadə Fərid Bəybala oğlunun katibliyi ilə xx.xx.1970-ci ildə Kürdəmir rayonunda anadan olmuş, Azərbaycan Respublikasının vətəndaşı, Kürdəmir rayonu Köhünlü kəndində qeydiyyatda olan Şəxs barəsində olan Kürdəmir rayon məhkəməsinin xx.xx.2023-cü il tarixli, 3(041)- 65/2023 saylı məhkəmə qərarından verdiyi vəsatətə açıq məhkəmə iclasında baxaraq, MÜƏYYƏNETDİ: Şəxs yol hərəkəti qaydalarını pozduğu üçün barəsində tərtib edilmiş inzibati cəriməni qanunla müəyyən edilmiş 3 ay müddətində ödəməmişdir. Onun Azəbayan Respublikası İXM-nin 529.3-cü maddəsində nəzərdə tutulan inzibati xətanı törətməsi müəyyən edilmiş, barəsində inzibati protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmiş və məhkəmənin xx.xx.2023-cü il tarixli, 3(041)-65/2023 saylı qərarı ilə Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə təqsirli bilinib barəsində nəqliyyat vasitələrini idarə etmək hüququ 08 ay müddətə məhdudlaşdırılmışdır. Cəfərov X1 rayon məhkəməsinə vəsatət verərək rayon cəriməni və müvafiq olaraq hesablanmış dəbbə pulunu tam odədiyini və Kürdəmir rayon məhkəməsinin xx.xx.2023-cü il tarixli, 3(041)-65/2023 saylı saylı qərarına xitam verilməsini xahiş etmişdir. Şəxs vəsatətə əlavə etdiyi arayışdan görünür ki, cərimə və dəbbə pulunu ödəmişdir. Məhkəmə işdə olan sənədləri araşdırıb hesab edir ki Şəxs vəsatəti əsaslı olduğu üçün təmin edilməli və barəsində olan xüsusi hüququn məhdudlaşdırılması haqqında qərara xitam verilməlidr. Belə ki Şəxs yol hərəkəti haqqında Azərbaycan Respublikası İnzibati Xətalar Məcəlləsinin müvafiq maddələrinin tələblərini pozdüğu üçün inzibati qaydada cərimə edilmişdir. Sonradan inzibati cəriməni və müvafiq olaraq hesablanmış dəbbə pulunu tam olaraq ödəmişdir. Ona görə də məhkəmə hesab edir ki, Şəxs inzibati cəriməni və müvafiq olaraq hesablanmış dəbbə pulunu ödədiyinə görə barəsində olan inzibati xəta haqqında iş üzrə icraata xitam verilməlidir. Azərbaycan Respublikası İXM-nin 152.5-ci maddəsinin tələbinə görə barəsində yol hərəkəti qaydaları əleyhinə olan inzibati xəta törətməyə görə inzibati cərimə növündə inzibati tənbeh tətbiq etmə haqqında qərarın icra edilməməsinə görə nəqliyyat vasitəsini idarə etmək hüququnun məhdudlaşdırılmasına dair qərar çıxarılmış şəxs inzibati cəriməni və müvafiq olaraq hesablanmış dəbbə pulunu ödədikdə, bu qərara onu qəbul etmiş məhkəmə tərəfindən həmin şəxsin vəsatəti əsasında xitam verilir. Həmin Məcəllənin 52.2-ci maddəsində göstərilir ki, vəsatət yazılı formada verilir və ona dərhal baxılmalıdır. Vəsatətin təmin olunmasından imtina edildikdə, bu barədə qərardad qəbul edilir. Həmin Məcəllənin 153.4-cü maddəsində göstərilir ki, xüsusi hüququn məhdudlaşdırılması müddəti qurtardıqda, bu Məcəllənin 152.5-ci maddəsinə uyğun olaraq nəqliyyat vasitəsini idarə etmək hüququnun məhdudlaşdırılması haqqında qərara xitam verildikdə, barəsində həmin inzibati tənbeh növü tətbiq edilmiş şəxsdən alınan sənədlər ona qaytarılır. Göstərilənləri və Azərbaycan Respublikası İnzibati Xətalar Məcəlləsinin 129-130 və 152-153-cü maddələrinə əsasən məhkəmə, QƏRARA ALDİ : Şəxs barəsində Azərbaycan Respublikası İnzibati Xətalar Məcəlləsinin 529.3-cü maddəsi ilə olan nəqliyyat vasitəsini idarə etmək hüququnun məhdudlaşdırılması haqqında Kürdəmir rayon məhkəməsinin 30 yanvar 2023-cü il tarixli, 3(041)-65/2023 №-li qərarına xitam verilsin. Qərardan tərəflərə rəsmi qaydada verildiyi gündən 10 gün müddətinə Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. Hakim Müseyib Bayramov