Kürdəmir Rayon Məhkəməsi Qərar — İş №3(041)-747/2024

Azərbaycan Respublikası adından QƏRAR Kürdəmir rayon İş № 3(041)-747/2024 01.08.2024 KÜRDƏMİR RAYON MƏHKƏMƏSİ Kürdəmir rayon məhkəməsinin hakimi Bayramov Müseyib Seyfəddin oğlu, Cəbrayılzadə Fərid Bəybala oğlunun katibliyi, barəsində inzibati icraat aparılan şəxs Şəxs və Kürdəmir rayon İcra və Probasiya şöbəsinin icra məmuru X1 iştirakı ilə xx.xx.1978-ci ildə Laçın rayonunda anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Laçın rayonu Çıraqlı kəndində qeydiyyatda olmaqla, Kürdəmir şəhərində məcburi köçkünlər üçün inşa edilmiş 564 ailəlik qəsəbədə yaşayan - Şəxs barəsində Kürdəmir rayon İcra və Probasiya şöbəsindən daxil olmuş Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında materiala açıq məhkəmə iclasında baxaraq, M ÜƏ Y Y Ə N E T D İ : Şəxs məhkəmə qərarlarını qəsdən icra etmədiyi üçün xx.xx.2024-cü il tarixdə barəsində inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmiş və onun inzibati məsuliyyətə cəlb eduilməsi xahiş edilmişdir. Məhkəmədə Kürdəmir rayon İcra və Probasiya şöbəsinin icra məmuru X2 göstərdi ki, Kürdəmir Rayon Məhkəməsinin 2(041)-866/2023 saylı, xx.xx.2023-cü il tarixli icra vərəqəsinə əsasən Şəxs 7500 manat pul tutularaq Zərərçəkmiş şəxs ödənilməsi qət edilmişdir. İcra sənədi Kürdəmir rayon İcra və Probasiya şöbəsinin icraatına daxil olmuş və icra sənədi üzrə icraata başlanılaraq Şəxs qanuna uyğun olaraq könüllü icra üçün vaxt verilmiş, onun icra şöbəsinə gəlməsi və borcunu ödəməsi tələb olunmuş, lakin borcunu ödəmədiyi üçün sənədi üzrə 7500 manat borcu qalmışdır. Məhkəmədə iclasında Şəxs göstərdi ki, Kürdəmir rayon məhkəməsinin 2023-cü il tarixli qətnaməsindən məlumatı olmamış və İcra və Probasiya şöbəsi borcun ödənilməsi üçün onu şöbəyə dəvət edəndən sonra həmin məhkəmə qətnaməsinən məlumatı olmuşdur. O, Kürdəmir rayon məhkəməsinin 2023-cü il tarixli qiyabi qətnaməsindən şikayət vermişdir və həmin qətnamə ilə razı deyildir. Odur ki, yekun məhkəmə qərı yoxudur. Ona görə də barəsində olan inzibati materiala xitam verilməsini xahiş etdi. Beləliklə, məhkəmə barəsində inzibati icraat açılmış Şəxs və İcra məmuru Ruslan Əsgərovun izahatlarını dinləyib, iş materiallarına əlavə edilmiş sənədləri araşdıraraq hesab edir ki, inzibati material üzrə icraata xitam verilməlidir. Belə ki, Kürdəmir Rayon Məhkəməsinin 2(041)-866/2023 saylı, xx.xx.2023-cü il tarixli icra vərəqəsinə əsasən Şəxs 7500 manat alınaraq iddiaçı Zərərçəkmiş şəxs verilməsi barədə qiyabi qətnamə qəbul edilmişdir.Barəsində inzibati icraat açılmş şəxs Şəxs inzibati protokol tərtib olnmasına səbəb olmuş məhkəmə qətnaməsini almadığını bildirmiş və həmin qətnamədən şikayət verəcəyini bildirmişdir. Məhkəmə hesab edir ki, hazırki protokol üzrə yekun məhəkəmə qərarı olmadığı üçün Şəxs barəsində tərtib edilmiş hazrki protokola xitam verilməlidir. Məhkəmə yuxarıda şərh olunanları nəzərə alaraq hesab edir ki, Şəxs hərəkətlərində məhkəmə qərarının icrası ilə bağlı heç bir qərəz yoxdur və İcra məmumurunun çağırışına da könüllü olaraq gəlmişdir. Ona görə də onun barəsində olan inzibati icraata xitam verilməlidir. Azərbaycan Respublikası İXM-nin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Azərbaycan Respublikası İXM-nin 53.0.2-ci maddəsində göstərilir ki, əməldə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Azərbaycan Respublikası İXM-nin 114.2.1-ci maddəsinəəsasən bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında işüzrə icraata xitam verilməsi haqqında qərar çıxarılır. Yuxarıda göstərilənləri və Azərbaycan Respublikası İXM-nin 40, 43, 53,106-115,117 və 129-130-cu maddələrini rəhbər tutaraq məhkəmə, QƏ R A R A A L D İ : Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan on gün müddətində Kürdəmir rayon Məhkəməsi vasitəsi ilə Şirvan Apellyasiya Məhkəməsinə şikayət və ya protest verilə bilər. Hakim Müseyib Bayramov