Kürdəmir Rayon Məhkəməsi Qərar — İş №3(041)-985/2024

Azərbaycan Respublikası adından QƏRAR Kürdəmir rayon İş № 3(041)-985/2024 10.10.2024 KÜRDƏMİR RAYON MƏHKƏMƏSİ Hakim Bayramov Müseyib Seyfəddin oğlunun sədrliyi, Cəbrayılzadə Fərid Bəybala oğlunun katibliyi, barəsində inzibati icraat aparılan şəxs Şəxs və Zərərçəkmiş şəxs1 və Zərərçəkmiş şəxs2 Ehtiyyat qızının iştirakı ilə xx.xx.1971-ci il tarixdə Kürdəmir rayonunda anadan olmuş, Azərbaycan Respublikası vətəndaşı, orta təhsilli, evli, fərdi əməklə məşğul olan, Kürdəmir şəhəri,S.Şıxaliyev küçəsi,ev 23,mənzil 5-də yaşayan – Şəxs haqqında Azərbaycan Respublikası İXM-nin 510-cu maddəsi ilə Kürdəmir rayon prokurorluğundan daxil olmuş inzibati xəta haqqında materiala açıq məhkəmə iclasında baxaraq, MÜƏYYƏNETDİ: Şəxs xx.xx.2024-cü il tarixdə yaşadıqları evin həyətində anası Zərərçəkmiş şəxs1 və həyat yoldaşı Zərərçəkmiş şəxs2 ünvanına ucadan qışqıraraq nalayiq ifadələr işlətməklə onların üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayət edilməyən hərəkətlər etmişdir. Zərərçəkmiş şəxs1 və Zərərçəkmiş şəxs2 Ehtiyyat qızı qızınun şikayəti əsasında Şəxs barəsində xx.xx.2024-cü il tarixdə, Azərbaycan Respublikası İXM-nin 510-cu maddəsi ilə MN ******* nömrəli inzibati xəta haqqında protokol tərtib edilərək aidiyyəti üzrə baxılması üçün Kürdəmir rayon məhkəməsinə göndərilmişdır. Məhkəmədə inzibati xəta törətmiş şəxs Şəxs izahat verərək göstərdi ki, Qalina anası Tünzalə isə arvadıdır. Münasibətləri normaldır. Lakin o, arada araç idiyi üçün evlərində söz söhbət yaranır. Sonunc dəfə də xx.xx.2024-cü il tarixdə dostları ilə bir yerdə olan vaxt araq içmiş və evə gəlmişdir. Evə gələn kimi anası Qalina və arvadı Tünzalə onu danlamış o, da əsəbləşərək onların hər ikisini nalayiq ifadələrlə təhqir etmişdir. Hazırda əməlindən peşmandır,hər ikisindən üzr istəmişdir. Məhkəmə iclasında zərərçəkmiş şəxs qismində dindirilmiş Zərərçəkmiş şəxs1 izahatında göstərdi ki, Ülvi onun oğludur. Onlar bir evdə yaşayırlar. xx.xx.2024-cü il tarixdə,axşam saatlarda Ülvi araq içib evə gəlmiş və gələn kimi onlarla mübahisə edərək ucadan qışqırıb nalayiq ifadələlər təhqir etmişdir. Hazıra Ülvi onlrdan üzr istəmiş və bir daha belə hallara yol verməyəcəyinə söz vermişdir. Məhkəmə iclasında Zərərçəkmiş şəxs2 da X1 ilə eyni məzmunda izahat verib onun göstərdikləri xüsusatları təsdiq etdi. Məhkəmə araşdırması zamanı Şəxs törətdiyi inzibati xəta özünün etirafı, zərərçəkmiş şəxslərin ifadələri, hadisənin baş vermə şəraiti, inzibati xəta haqqında protokol və işə əlavə edilmiş digər sənədlərlə tam sübuta yetirilmişdir. Məhkəmə Şəxs inzibati tənbeh tətbiq edərkən onun əməlindən peşman olmasını məsuliyyəti yüngülləşdirən hal kimi nəzərə alır. Onun məsuliyyətini ağırlaşdıran hallar müəyyən edilməmişdir. Azərbaycan Respublikası İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə inzibati xəta törədən Şəxs şəxsiyyətini, törətdiyi xətanın xarakterini, təqsirlilik dərəcəsini, əmlak vəziyyətini, məsuliyyəti yüngülləşdirən halları, habelə onun qanunlara əməl edilməsi ruhunda tərbiyələndirməsi, həm özü, həm də başqa şəxslər tərəfindən yeni inzibati xəta törədilməsinin qarşısını almaq məqsədini nəzərə alaraq onun barəsində aşağı həddə, yəni 50 manat məbləğdə inzibati cərimə tənbeh tədbirinin tətbiq edilməsini məqsədə müvafiq hesab edir. İş materialalrına əlavə edilmiş xx.xx.2024-cü il tarixli, AZA 000523 nömrəli inzibati qaydada tutma haqqında protokoldan görübnür ki, Şəxs xx.xx.2024-cü il tarixdə, saat 16.40-da inzibati qaydada tutulmuşdur. Məhkəmə yuxarıda göstərilənləri və Azərbaycan Respublikası İXM-nin 40, 43, 106- 115,117 və 129-130-cu maddələrini rəhbər tutaraq, QƏRARA ALDİ : İnzibati xəta törətmiş Şəxs Azərbaycan Respublikası İnzibati Xətalar Məcəlləsinin 510-cu maddəsi ilə təqsirli bilinib barəsində 50 (əlli) manat məbləğdə cərimə cəzası tətbiq edilsin və o,dərhal məhkəmə iclas zalında azad edilsin. Qərarın surəti rəsmi qaydada verildiyi vaxtdan 10 (on) gün müddətində Kürdəmir rayon Məhkəməsi vasitəsilə Şirvan Apellyasiya Məhkəməsinə şikayət və ya protest verilə bilər. Hakim Müseyib Bayramov