Gədəbəy Rayon Məhkəməsi Qərardad — İş №3(042)-138/2020

Azərbaycan Respublikası adından QƏRARDAD Gədəbəy rayonu İş № 3(042)-138/2020 15.07.2020 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, Məhkəmə iclas katibi X5 oğlunun katibliyi ilə, Barəsində inzibati xəta haqqında icraat aparılan şəxs Şəxs Azərbaycan Respublikası İnzibati Xətalar Məcəlləsinin (bundan sonra İXM-in) 528.1-ci maddəsi ilə inzibati məsuliyyətə cəlb edilməsi barədə Gədəbəy rayon İcra və Probasiya şöbəsindən daxil olmuş inzibati xəta haqqında materiala baxaraq, MÜƏYYƏN ETDİM: Məhkəməyə Gədəbəy rayon İcra və Probasiya şöbəsindən Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair protokol və ona əlavə edilmiş sənədlərdən ibarət material daxil olmuşdur. İşin icraata götürülməsinin mümkünlüyü məsələsini yoxlayarkənmüəyyən olunmuşdur ki, Şəmkir Rayon Məhkəməsinin xx.xx.2016-cı il tarixli, 2(076)-791/2016 saylı icra sənədinə əsasən, xx xxxxxx 2016-cı il tarixdən başlayaraq xx.xx.2005-ci il təvəllüdlü X2 yetkinlik yaşına çatanadək saxlanması üçün hər ay bir bir uşağa görə 110 manat sabit pul məbləğində aliment cavabdeh Şəxs tutularaq X4 verilməlidir. İcra sənədi xx.xx.2016-cı il tarixdə Gədəbəy rayon İcra və Probasiya şöbəsinin icraatına daxil olmuş və icraata başlanılmışdır. Borcluya borcunu ödəməsi barədə müvafiq qaydada qərar və bildiriş göndərilmişdir. Həmçinin, Gədəbəy Rayon Məhkəməsinin xx.xx.2018-ci il tarixli, 2(042)- 997/2018 saylı icra sənədinə əsasən, cavabdeh Şəxs 4500 manat məbləğində pul alınaraq iddiaçı X1 verilməlidir. İcra sənədi xx.xx.2019-cu il tarixdə Gədəbəy rayon İcra və Probasiya şöbəsinin icraatına daxil olmuş və icraata başlanılmışdır. Borcluya borcunu ödəməsi barədə müvafiq qaydada qərar və bildiriş göndərilmişdir. Qətnamədən apellyasiya şikayəti verildiyindən həmin icra sənədi üzrə icraat dayandırlmış, qətnamə dəyişdirilmədən saxlanıldığı üçün xx.xx.2020-ci il tarixdə icra sənədi üzrə icraat təzələnmişdir. Şəmkir Rayon Məhkəməsinin xx.xx.2016-cı il tarixli, 2(076)-791/2016 saylı icra sənədi üzrə xx.xx.2019-cu il tarixdə və xx.xx.2019-cu il tarixdə izahatları alınmışdır. Tələbin könüllü icrası barədə bildiriş göndərilmiş,könüllü icra üçün icra məmuru tərəfindən borcluya verilmiş müddətin keçməsinə baxmayaraq borcluya icra sənədinin icra edilməsi barədə heç bir rəsmi xəbərdarlıq göndərilməmiş, borclunun icra sənədini icra etməsi üçün heç bir məcburi icra tədbiri tətbiq edilməmiş, bununla bağlı iş materiallarına sübut əlavə edilməmişdir. Eləcə də inzibati xəta haqqında materialdan görünür ki, borclunun borcun yönəldilə biləcəyi əmlakı vəziyyəti yoxlanılmamış, borclunun icra və Probasiya şöbəsinə dəvət olunması ilə bağlı heç bir məktub göndərilməmiş, məhkəmə qərarı olmadan icra və probasiya şöbəsi tərəfindən borclunun məcburi gətirilməsi barədə qərar qəbul edilmişdir. Belə olan halda məhkəmə icra və probasiya şöbəsi tərəfindən təqdim edilmiş materialları natamam hesab edir və eləcə də qeyd edir ki, icra sənədinin borclu tərəfindən icra edilməsi üçün icra məmuru tərəfindən bütün zəruri tədbirləri həyata keçirməməsi borclunun icra sənədinin icrasından qərəzli olaraq boyun qaçırmasının müəyyən edilməsində əsaslı şübhələr yaranmasına səbəb ola bilər. İXM-nin 109.1.6-cı maddəsinə əsasən, protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokol və ya digər sənədlər onu tərtib etmiş orqana, vəzifəli şəxsə geri qaytarılır. Göstərilənlərə əsasən və Azərbaycan Respublikasının İXM-in 109-cu maddəsini rəhbər tutaraq, QƏRARA ALDİM: Gədəbəy rayon İcra və Probasiya şöbəsindən daxil olmuş Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə inzibati məsuliyyətə cəlb edilməsinə dair inzibati xəta haqqında protokol və ona əlavə edilmiş sənədlər Gədəbəy rayon İcra və Probasiya şöbəsinə qaytarılsın. Hakim: Marif Kazımov