Gədəbəy Rayon Məhkəməsi Qərar — İş №3(042)-147/2024

Azərbaycan Respublikası adından QƏRAR Gədəbəy rayonu İş № 3(042)-147/2024 27.05.2024 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, X6 oğlunun katibliyi, Barəsində inzibati xəta haqqında icraat aparılan Şəxs və onun müdafiəçisi X4, zərərçəkmiş şəxslər X2 və X5 iştirakları ilə, xx.xx.1973-cü il tarixdə Sumqayıt şəhərində doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, Sumqayıt şəhəri, X10 qəsəbəsi, Ə.Vahid küçəsi, ev 48 ünvanında yaşayan Şəxs barəsində Gədəbəy rayon Polis şöbəsinin X14 Bölməsindən daxil olmuş Azərbaycan Respublikasının İnzibati Xətalar Məcəlləsinin (bundan sonra İXM-in) 510 və 535.1-ci maddələri ilə olan inzibati xəta haqqında materiala açıq məhkəmə iclasında baxaraq, Müəyyən etdi: Şəxs xx.xx.2024-cü il tarixdə, küçədə və polis bölməsində sərxoş vəziyyətdə nalayiq ifadələr işlədərək zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə yol verməklə xırda xuliqanlıq etmiş və ictimai qaydanın mühafizəsi vəzifələrini icra edən polis əməkdaşlarının qanuni tələblərinə tabe olmamışdır. Barəsində inzibati xəta haqqında icraat aparılan Şəxs məhkəmə iclasında izahat verərək bildirdi ki, o, Sumqayıt şəhəri, X10 qəsəbəsi, Ə.Vahid küçəsi, ev 48 ünvanında qeydiyyatda olmaqla yaşayır. Onun özünə məxsus “Renault” markalı **-XO-*** dövlət qeydiyyat nişanlı avtomobili vardır. O, Gədəbəy rayonu, Qızıltorpaq kəndinə qonaq gəlmiş, yeyib-içmişlər. Həmin gün ona zəng gəlmiş və Gədəbəy şəhərinə getməli olmuşlar. Özünə məxsus avtomobi ilə Rusiya Federasiyasında tanış olduğu dostu ilə Gədəbəy şəhəri istiqamətinədə hərəkət edən zaman kəskin döngədə idarə etməni itirmiş, avtomobil yoldan çıxmış və dərəyə düşmüşdür. Yanındakı dostunun burnu cızılmışdır. Hadisə yerinə polis əməkdaşları gəlmiş, o həmin zaman içki vəziyyətdə olduğuna görə polis əməkdaşları ilə aralarında mübahisə yaranmış və nalayiq ifadələr işlətmişdir. Sərxoş vəziyyətdə olduğundan aralarında olan mübahisə tam yadında qalmamışdır. Əməlindən səmimi peşmandır. Özünü təqsirli bilir. X1 məhkəmə iclasında izahat verərək bildirdi ki, bərsində inzibati xəta haqqında icraata aparılan şəxs əməlindən peşmandır. Ona görə də, onun barəsind əhəbslə əlaqədar olmayan inzibati tənbehin tətbiq edilməsini məhkəmədən xahiş etdi. Zərərçəkmiş şəxs X3 məhkəmə iclasında izahat verərək bildirdi ki, Gədəbəy rayonu Düzrəsullu kəndində yaşayır. Gədəbəy RPŞ-nin Yeni Saratovka PB-nin sahə polis nəfəri vəzifəsində işləyir. xx.xx.2024-cü il tarixdə Yeni Saratovka PB- nin inzibatı ərazisində Qaraməmmədli kəndində Yeni Saratovka PB-nin polis nəfəri polis serjantı Nahid Abbasovla birlikdə xidmətdə olduqları zaman təxminən saat 18:20 radələrində Gədəbəy rayonu, Qaraməmmədli kəndi ərazisində **-XO-*** dövlət nömrə nişanlı, “Renalut” markalı avtomobilin idarə etməni itirərək yoldan çıxmasını görüb, həmin yerə yaxınlaşıb həmin yerdə avtombilin yanında dayanan adı onlara sonradan məlum olan Şəxs nə baş verdiyini və avtomobili kimin idarə etdiyini soruşduqda Şəxs sərxoş vəziyyətdə olduğundan uca səslə - “siz kimsiniz, gedin işinizlə məşğul olun” deyərək əsəbi halda ünvanlı-ünvansız nalayiq söyüşlər söyməyə başlamış, onlar sonuncunu söyüş söyməməyə, ictimai qaydanı pozmamağa, nizam-intizama dəvət etmişlər, lakin Şəxs sərxoş vəziyyətdə olduğundan öz intizamsız hərəkətlərinə davam etdirərək əsəbi halda polisin ünvanına nalayiq söyüşlər söyərək yenə öz intizamsız hərəkətlərini davam etdirərək nalayiq söyüşlər söyməyə davam etmişdir. Onlar həmin şəxsi təkrar olaraq nizam-intizama, ictimai qaydanı pozmamağa dəvət etsələr də, o öz intizamsız hərəkətlərini davam etdirərək polisin qanuni tələbinə qəsdən tabe olmuşdur. Zərərçəkmiş şəxs X11 zərərçəkmiş şəxs X3 ilə eyni məzmunlu izahat verdi. İnzibati xəta üzrə iş materiallarında olan xx.xx.2024-cü il tarixdə Gədəbəy rayon Polis şöbəsinin X14 Bölməsinin sahə rəisi, X12 tərəfindən tərtib edilmiş MN ******* №-li inzibati xəta haqqında protokoldan görünür ki, Şəxs xx.xx.2024-cü il tarixdə küçədə və polis bölməsində ünvanlı-ünvansız nalayiq söyüşlər söyərək ictimai qaydanı pozmuş, polisin ünvanına söyüşlər söyərək qəsdən polisin qanuni tələbinə sərxoş vəziyyətdə tabe olmamışdır. İnzibati xəta üzrə iş materiallarında olan alkotestrlə yoxlamanın nəticəsi olan vərəqdən görünür ki, Şəxs xx.xx.2024-cü il tarixdə sərxoş olmuşdur. Beləliklə, məhkəmə iclasında müəyyən edildi ki, Şəxs xx.xx.2024-cü il tarixdə, küçədə və polis bölməsində sərxoş vəziyyətdə nalayiq ifadələr işlədərək zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə yol verməklə xırda xuliqanlıq etmiş və ictimai qaydanın mühafizəsi vəzifələrini icra edən polis əməkdaşlarının qanuni tələblərinə tabe olmamışdır. Bu zərərçəkmiş şəxslərin izahatları, barəsində inzibati xəta haqqında icraat aparılan şəxsin izahatı, inzibati xəta haqqında protokol və işdə olan digər sənədlərlə sübuta yetirilir. İXM-in 510-cu maddəsinə əsasən, xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə inzibati məsuliyyət müəyyən edir. İXM-in 535.1-ci maddəsinə əsasən, polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə inzibati məsuliyyət müəyyən edir. Məcəllənin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məhkəmə barəsində inzibati xəta haqqında icraat aparılan şəxsi, onun müdafiəçisini və zərərçəkmiş şəxsləri dinləyib, təqdim olunmuş inzibati xəta materiallarını tədqiq edərək hesab edir ki, Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xəta əməllərini törətmişdir. Ona görə də o, sanksiyasında daha ciddi inzibati tənbeh nəzərdə tutulmuş Azərbaycan Respublikası İXMnin 535.1-ci maddəsi ilə məsuliyyətə cəlb edilməlidir. Azərbaycan Respublikası İXM-in 33.1.1 və 33.1.2.-ci maddələrinə əsasən, səlahiyyətli şəxslərin hüquqazidd hərəkəti dayandırmağı tələb etdiklərinə baxmayaraq, bu hərəkətin davam etdirilməsi və inzibati xətaya görə inzibati tənbeh almış şəxsin eyni xətanı inzibati tənbeh vermə haqqında qərar qüvvəyə mindiyi gündən bir il ərzində təkrar törətməsi İnzibati tənbeh tətbiq edilərkən, məsuliyyəti ağırlaşdıran hallar hesab edilir. Məhkəmə qeyd olunan hüquq normalarına əsasən, inzibati xətanı sərxoş vəziyyətdə törətməsini Şəxs inzibati tənbeh tətbiq edilərkən məsuliyyətini ağırlaşdıran hallar hesab edir. Azərbaycan Respublikası İXM-in 32.1-ci maddəsinə əsasən, inzibati tənbeh tətbiq edilərkən, inzibati xəta törətmiş şəxsin səmimi peşmançılığı, inzibati xətanın yetkinlik yaşına çatmayanlar tərəfindən törədilməsi, inzibati xətanın hamilə qadın və ya himayəsində azyaşlı uşağı olan qadın tərəfindən törədilməsi, inzibati xətanın fiziki və ya psixi məcburiyyət təsiri altında, yaxud maddi, xidməti və ya sair cəhətdən asılılıq nəticəsində törədilməsi, inzibati xətanın zəruri müdafiənin və ya son zərurətin bu Məcəllə ilə müəyyən edilmiş şərtlərini pozmaqla törədilməsi və inzibati xətanın zərər çəkmiş şəxsin qanunsuz və ya əxlaqsız hərəkətlərinin təsiri altında və ya bu hərəkətlər nəticəsində qəflətən baş vermiş güclü ruhi həyəcan (affekt) vəziyyətində törədilməsi məsuliyyəti yüngülləşdirən hallar hesab edilir. Məhkəmədə Şəxs barəsində inzibati tənbeh tətbiq edilərkən onun məsuliyyətini yüngülləşdirən hər hansı hal müəyyən edilmədi. İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Məhkəmə inzibati xəta törətmiş şəxs barəsində inzibati tənbehin növünü və həddini müəyyən edərkən, inzibati xəta hadisəsinin törədilmə üsulunu, məsuliyyətini ağırlaşdıran halın olmasını, inzibati xəta törətmiş şəxsin şəxsiyyətini və işin digər hallarını nəzərə alaraq belə nəticəyə gəlir ki, Şəxs barəsində Azərbaycan Respublikasının İnzibati Xətalar Məcəlləsinin 535.1-ci maddələrinin sanksiyası həddində həbs inzibati tənbehinin tətbiq edilməsi daha ədalətli və məqsədəmüvafiqdir. Göstərilənlərə əsasən və Azərbaycan Respublikasının İnzibati Xətalar Məcəlləsinin 106-112-ci, 114-115-ci və 117-ci maddələrini rəhbər tutaraq, Qərara aldı: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətanı törətməkdə təqsirli bilinsin və ona 20 gün müddətinə inzibati həbs inzibati tənbehi təyin edilsin. İnzibati həbs müddətinin əvvəli 26 may 2024-cü il tarix, saat 19:10-dan hesablansın. Qərarın icrası Gədəbəy rayon Polis şöbəsinə həvalə edilsin. Qərarın surəti tərəflərə göndərilsin. Qərardan təqdim olunduğu gündən 10 (on) gün müddətində Gədəbəy rayon Məhkəməsi vasitəsilə Gəncə Apellyasiya Məhkəməsinə şikayət və ya protest verilə bilər. Sədrlik edən: Marif Kazımov