Gədəbəy Rayon Məhkəməsi Qərar — İş №3(042)-160/2022

Azərbaycan Respublikası adından QƏRAR Gədəbəy rayonu İş № 3(042)-160/2022 16.06.2022 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, X1 oğlunun katibliyi ilə, Şəxs Azərbaycan Respublikası İnzibati Xətalar Məcəlləsinin (bundan sonra İXMnin) 529.1-ci maddəsi ilə inzibati qaydada məsuliyyətə cəlb olunması barədə Gədəbəy rayon İcra və Probasiya şöbəsindən daxil olmuş materiala baxaraq, M ü ə y y ə n e t d i: Gədəbəy şəhəri, H.Əliyev prospektində yerləşən çay evində işçi heyətin tibbi maskadan istifadə etmədiyinə görə Şəxs barəsində İXM-in 211.2-ci maddəsi ilə 24 fevral 2021-ci il tarixli, MN ******* saylı inzibati tənbeh vermə haqqında qərar qəbul edilərək 300 manat məbləğində inzibati qaydada cərimə olunmuşdur. Şəxs qərar qanuni qüvvəyə mindiyi gündən cəriməni 3 ay müddətində qanunla müəyyən edilmiş əsaslar olmadan ödəmədiyinə görə İXM-in Məcəllənin 529.1-ci maddəsi ilə inzibati məsuliyyətə cəlb edilməsi barədə Gədəbəy rayon İcra və Probasiya şöbəsi tərəfindən xx.xx.2022-ci il tarixli, MN ******* №-li inzibati xəta haqqında protokol tərtib edilərək, aidiyyəti üzrə baxılması üçün Gədəbəy rayon Məhkəməsinə göndərilmişdir. Barəsində inzibati xəta haqqında iş üzrə icraat aparılan şəxs Şəxs qanunla müəyyən edilmiş qaydada məhkəmə baxışının vaxtı və yeri barədə xəbərdar edilmiş, lakin o üzürlü səbəb olmadan məhkəmə iclasına gəlməmiş, gəlməməsinin səbəbi barədə bildirməmiş, məhkəmə baxışının təxirə salınması barədə məhkəməyə vəsatəti daxil olmamışdır. Azərbaycan Respublikası İXM-nin 61.3-cü maddəsinə əsasən, məhkəmə inzibati xəta törətməkdə təqsirləndirilən şəxsin iştirakı olmadan işə baxılmasını mümkün hesab etmişdir. Məhkəməyə təqdim edilmiş sübutlarla müəyyən edildi ki, Gədəbəy şəhəri, H.Əliyev prospektində yerləşən çay evində işçi heyətin tibbi maskadan istifadə etmədiyinə görə Şəxs barəsində İXM-in 211.2-ci maddəsi ilə 24 fevral 2021-ci il tarixli, MN ******* saylı inzibati tənbeh vermə haqqında qərar qəbul edilərək 300 manat məbləğində inzibati qaydada cərimə olunmuşdur. Qərar icra yönəlmiş və xx.xx.2021-ci il tarixdə icraata başlamaq haqqında qərar qəbul edilmişdir. İcra sənədində göstərilən tələbin 10 gün müddətində könüllü icra edilməsi barədə Şəxs bildiriş və icra sənədinin icra edilməsi barədə xəbərdarlıq göndərilməsinə baxmayaraq o icra sənədini icra etməmişdir. Eləcə də, Şəxs Gədəbəy rayon İcra və Probasiya şöbəsinə gətirilərək izahatı alınmış, izahatında borcunu ödəyəcəyinə söz verməsinə baxmayaraq borcundan heç bir ödəniş etməmişdir. Məhkəməyə göndərilmiş xx.xx.2022-ci il tarixli, MN ******* №-li İnzibati xəta haqqında protokoldan göründüyü kimi Şəxs barəsində inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddət keçməsinə baxmayaraq qanunla müəyyən edilmiş əsaslar olmadan cəriməni ödəməmiş və bununla da həmin qərar icra edilməmişdir. Azərbaycan Respublikası İXM-in 34.3-cü maddəsinə əsasən, şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Beləliklə, məhkəmə hesab edir ki, Şəxs əməli İXM-nin 529.1-ci maddəsi ilə düzgün tövsif edilmiş və onun həmin əməli törətməsi iş materialları ilə kifayət qədər sübuta yetirilir. Azərbaycan Respublikasının İnzibati Xətalar Məcəlləsinin 529.1-ci maddəsi Yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarının qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə inzibati məsuliyyət müəyyən edir. Məhkəmə hesab edir ki, Şəxs barəsində İXM-nin 529.1-ci maddəsinin sanksiyasında nəzərdə tutulan həddə inzibati tənbeh tədbiri tətbiq olunaraq ona 160 saat ictimai işlər cəzası təyin edilsin. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 11, 40, 43, 48-51, 61, 114-115, 128-130-cu maddələrini rəhbər tutaraq, məhkəmə, Q ə r a r a a l d ı: xx.xx.1962-ci il tarixdə ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 529.1-ci maddəsi ilə nəzərdə tutulmuş inzibati xətanı törətməkdə təqsirli bilinsin və ona 160 (bir yüz altmış) saat ictimai işlər cəzası təyin edilsin. Qərarın icrası Gədəbəy rayon İcra və Probasiya şöbəsinə həvalə edilsin. Qərardan, onun surəti təqdim edildiyi və ya alındığı gündən 10 (on) gün müddətində Gədəbəy rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və protesti verilə bilər. Sədrlik edən: Marif Kazımov