Gədəbəy Rayon Məhkəməsi Qərar — İş №3(042)-18/2021

Azərbaycan Respublikası adından QƏRAR Gədəbəy rayonu İş № 3(042)-18/2021 19.01.2021 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Orucov Anar Möhübbət oğlunun katibliyi ilə, xx.xx.1981-ci il tarixdə Gədəbəy doğulmuş, orta təhsilli, subay, işləməyən, məhkum edilməmiş, Gədəbəy rayonunun Novoivanovka kəndində qeydiyyatda olmaqla həmin kənddə yaşayan Şəxs barəsində Gədəbəy Rayon Polis şöbəsindən daxil olmuş Azərbaycan Respublikasının İnzibati Xətalar Məcəlləsinin 517-2.1-ci maddəsi ilə olan inzibati xəta haqqında materiala açıq məhkəmə iclasında baxaraq, Müəyyən etdi: Şəxs barəsində Gədəbəy Rayon Polis Şöbəsindən Azərbaycan Respublikası İnzibati Xətalar Məcəlləsinin 517-2.1-ci maddəsi ilə inzibati xəta haqqında protokol tərtib edilərək, baxılması üçün Gədəbəy Rayon Məhkəməsinə göndərilmişdir. İşdə olan barəsində inzibati xəta haqqında iş üzrə icraat aparılan şəxs Şəxs izahatından görünür ki, xx.xx.2020-ci il tarixdə gecə saatlarında Gədəbəy rayonunun ərazisində komendant saatının tələblərini pozmuşdur. Əməlindən peşmandır. Ona yüngül cəza verilməsini xahiş etmişdir. İşdə olan inzibati xəta haqqında xx.xx.2020-cu il tarixli MN ******* saylı inzibati xəta haqqında protokoldan görünür ki, Şəxs xx xxxxxx 2020-ci il tarixdə komendant rejimini pozmuş və onun barəsində Azərbaycan Respublikası İnzibati Xətalar Məcəlləsinin 517- 2.1-ci maddəsi ilə inzibati xəta haqqında protokol tərtib edilmişdir. Azərbaycan Respublikası İXM-nin 517-2.1-ci maddəsinə əsasən xüsusi icazə vərəqəsi və (və ya) şəxsiyyəti təsdiq edən sənəd olmadan komendant saatı vaxtında küçələrdə və ya digər ictimai yerlərdə olmağa görə xəbərdarlıq edilir və ya əlli manat məbləğində cərimə edilir. Beləliklə, məhkəmə, barəsində inzibati xəta haqqında protokol tərtib edilmiş şəxsin izahatını araşdırıb, inzibati xəta materiallarını tədqiq edərək müəyyən etmişdir ki, Şəxs xx.xx.2020-ci il tarixdə gecə saatlarında Gədəbəy rayonunun ərazisində komendant saatının tələblərini pozmuş və bununla da Azərbaycan Respublikası İnzibati Xətalar Məcəlləsinin 517-2.1-ci maddəsilə nəzərdə tutulmuş inzibati xəta əməlini törətmişdir. Məhkəmə törədilmiş əməlin ictimai təhlükəlilik dərəcəsini və barəsində inzibati xəta haqqında iş üzrə icraat aparılan Şəxs şəxsiyyətini və əməlindən səmimi peşiman olmasını nəzərə alaraq, belə nəticəyə gəlir ki, barəsində iş üzrə icraat aparılan şəxs Azərbaycan Respublikası İXM-nin 517-2.1-ci maddəsi ilə təqsirli bilinməli və ona xəbərdarlıq edilməlidir. Məhkəmə göstərilənlərə əsasən və Azərbaycan Respublikasının İnzibati Xətalar Məcəlləsinin 106-35-ci, 114-115-ci və 117-ci maddəsini rəhbər tutaraq, Qərara aldı: Şəxs Azərbaycan Respublikası İXM-nin 517-2.1-ci maddəsi ilə təqsirli bilinsin və ona xəbərdarlıq edilsin. Qərarın surəti tərəflərə göndərilsin. Qərardan təqdim olunduğu gündən 10 (on) gün müddətində Gədəbəy Rayon Məhkəməsi vasitəsilə Gəncə Apellyasiya Məhkəməsinə şikayət və ya protest verilə bilər. Sədrlik edən: Fizuli Mirzəquliyev