Gədəbəy Rayon Məhkəməsi Qərar — İş №3(042)-186/2021

Azərbaycan Respublikası adından QƏRAR Gədəbəy rayonu İş № 3(042)-186/2021 12.07.2021 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, Məhkəmə iclas katibi X3 oğlunun katibliyi, İnzibati xəta haqqında protokol tərtib etmiş şəxs Gədəbəy rayon İcra və Probasiya şöbəsinin icra məmuru X2, barəsində inzibati xəta haqqında icraat aparılan şəxs Şəxs iştirakları ilə, xx.xx.1987-ci ildə Gədəbəy rayonu, Qurudərə kəndində anadan olmuş, Azərbaycan Respublikası vətəndaşı, subay, orta təhsilli, Gədəbəy rayonu, Qurudərə kəndində qeydiyyatda olan Şəxs Azərbaycan Respublikası İnzibati Xətalar Məcəlləsinin (bundan sonra İXM-in) 528.1-ci maddəsi ilə inzibati məsuliyyətə cəlb edilməsi barədə Gədəbəy rayon İcra və Probasiya şöbəsindən daxil olmuş inzibati xəta haqqında materiala baxaraq, Müəyyən etdi: Gəncə Apellyasiya Məhkəməsinin 14 iyun 2018-ci il tarixli, 2(104)-2310/2018 saylı icra sənədinə əsasən, 1.800 manat dəyərində olan cəmi 30 qram çəkidə üzük, sırğa və boyunbağı dəsti, 480 manat dəyərində olan 8 qram çəkidə 1 ədəd nişan üzüyü, cəmi 1.260 manat dəyərində olan (hər birinin dəyəri 420 manat olan) hər biri 7 qram çəkidə 3 ədəd üzük, 360 manat dəyərində 6 qram çəkidə 1 ədəd üzük, 300 manat dəyərində 5 qram çəkidə 1 ədəd üzük, 600 manat dəyərində olan 10 qram çəkidə 1 ədəd sırğa və 720 manat dəyərində olan 12 qram çəkidə 1 ədəd sırğadan ibarət qızıl-zinət əşyaları natura şəkilində, həmin əmlaklar qətnamə icra olunan vaxt olmadıqda isə, onların dəyəri olan 5.220 (beş min iki yüz iyirmi ) manat məbləğində pul cavabdeh Şəxs tutularaq iddiaçı X1 xeyrinə ödənilməlidir. İcra sənədi 15.01.2019-cu il tarixdə Gədəbəy rayon İcra və Probasiya şöbəsinin icraatına daxil olmuş və icraata başlanılmışdır. Borcluya borcunu ödəməsi barədə müvafiq qaydada qərar və bildiriş göndərilmişdir. Lakin borc könüllü ödənilməmişdir. Borcun ödənilməsi barədə borcluya təklif edilsə də, o borcunu ödəməmiş, ona görə də məcburi icra tədbirləri həyata keçirilmiş, o cümlədən borclunun əmlak vəziyyəti yoxlanılmış, borcun yönəldilə biləcəyi əmlak aşkar olunmamışdır. Borcluya borcunu ödəməsi təklif edilmiş, lakin borclu tərəfindən əsaslı səbəb olmadan borc ödənilmir. Bununla da borclu borcunu ödəməsi barədə icra məmurunun qanuni tələbinə tabe olmur. Borclu icra sənədini icra etmədiyindən onun barəsində Azərbaycan Respublikasının İXM-in 528.1-ci maddəsi ilə protokol tərtib olunaraq inzibati material baxılması üçün məhkəməyə göndərilmişdir. İnzibati xəta haqqında protokol tərtib etmiş şəxs Gədəbəy rayon İcra və Probasiya şöbəsinin icra məmuru X4 məhkəmə iclasında izahat verərək bildirdi ki, Gəncə Apellyasiya Məhkəməsinin 14 iyun 2018-ci il tarixli, 2(104)-2310/2018 saylı icra sənədinə əsasən, 1.800 manat dəyərində olan cəmi 30 qram çəkidə üzük, sırğa və boyunbağı dəsti, 480 manat dəyərində olan 8 qram çəkidə 1 ədəd nişan üzüyü, cəmi 1.260 manat dəyərində olan (hər birinin dəyəri 420 manat olan) hər biri 7 qram çəkidə 3 ədəd üzük, 360 manat dəyərində 6 qram çəkidə 1 ədəd üzük, 300 manat dəyərində 5 qram çəkidə 1 ədəd üzük, 600 manat dəyərində olan 10 qram çəkidə 1 ədəd sırğa və 720 manat dəyərində olan 12 qram çəkidə 1 ədəd sırğadan ibarət qızıl-zinət əşyaları natura şəkilində, həmin əmlaklar qətnamə icra olunan vaxt olmadıqda isə, onların dəyəri olan 5.220 (beş min iki yüz iyirmi ) manat məbləğində pul cavabdeh Şəxs tutularaq iddiaçı X1 xeyrinə ödənilməlidir. İcra sənədi 15.01.2019-cu il tarixdə Gədəbəy rayon İcra və Probasiya şöbəsinin icraatına daxil olmuş və icraata başlanılmışdır. Borcluya borcunu ödəməsi barədə müvafiq qaydada qərar və bildiriş göndərilmişdir. Lakin borc könüllü ödənilməmişdir. Borcun ödənilməsi barədə borcluya təklif edilsə də, o borcunu ödəməmiş, ona görə də məcburi icra tədbirləri həyata keçirilmiş, o cümlədən borclunun əmlak vəziyyəti yoxlanılmış, borcun yönəldilə biləcəyi əmlak aşkar olunmamışdır. Borcluya borcunu ödəməsi təklif edilmiş, lakin borclu tərəfindən əsaslı səbəb olmadan borc ödənilmir. Bununla da borclu borcunu ödəməsi barədə icra məmurunun qanuni tələbinə tabe olmur. Borclu bundan əvvəldə 10 gün müddətinə inzibati qaydada həbs olunmuşdur. Odur ki, barəsində inzibati tənbeh tədbiri tətbiq edilməsi məqsədilə inzibati xəta haqqında protokol tərtib edilmiş və məhkəməyə təqdim edilmişdir. Məhkəmə iclasında Şəxs izahat verərək bildirdi ki, Gəncə Apellyasiya Məhkəməsinin 14 iyun 2018-ci il tarixli, 2(104)-2310/2018 saylı icra sənədinə əsasən, 1.800 manat dəyərində olan cəmi 30 qram çəkidə üzük, sırğa və boyunbağı dəsti, 480 manat dəyərində olan 8 qram çəkidə 1 ədəd nişan üzüyü, cəmi 1.260 manat dəyərində olan (hər birinin dəyəri 420 manat olan) hər biri 7 qram çəkidə 3 ədəd üzük, 360 manat dəyərində 6 qram çəkidə 1 ədəd üzük, 300 manat dəyərində 5 qram çəkidə 1 ədəd üzük, 600 manat dəyərində olan 10 qram çəkidə 1 ədəd sırğa və 720 manat dəyərində olan 12 qram çəkidə 1 ədəd sırğadan ibarət qızıl-zinət əşyaları natura şəkilində, həmin əmlaklar qətnamə icra olunan vaxt olmadıqda isə, onların dəyəri olan 5.220 (beş min iki yüz iyirmi ) manat məbləğində pul cavabdeh Şəxs tutularaq iddiaçı X1 xeyrinə ödənilməlidir. O, heç bir yerdə işləmir. Kənd təsərrüfatı işləri ilə məşğul olur. İmkanı olmadığına görə borcunu ödəyə bilməmişdir. İmkanı olduğu zaman borcunu ödəyəcəkdir. O, bundan əvvəldə 10 gün müddətinə inzibati qaydada həbs olunmuşdur. Odur ki, inzibati xəta haqqında iş üzrə icraata xitam verilməsini məhkəmədən xahiş etdi. Məhkəmə inzibati iş üzrə işdə iştirak edən şəxsləri dinləyib, iş materiallarını nəzərdən keçirib işin faktiki hallarını nəzərə alaraq hesab edir ki, inzibati xəta haqqında iş üzrə icraata xitam verilməlidir. Belə ki, işdə olan Gəncə Apellyasiya Məhkəməsinin 14 iyun 2018-ci il tarixli, 2(104)- 2310/2018 saylı icra sənədinə əsasən, 1.800 manat dəyərində olan cəmi 30 qram çəkidə üzük, sırğa və boyunbağı dəsti, 480 manat dəyərində olan 8 qram çəkidə 1 ədəd nişan üzüyü, cəmi 1.260 manat dəyərində olan (hər birinin dəyəri 420 manat olan) hər biri 7 qram çəkidə 3 ədəd üzük, 360 manat dəyərində 6 qram çəkidə 1 ədəd üzük, 300 manat dəyərində 5 qram çəkidə 1 ədəd üzük, 600 manat dəyərində olan 10 qram çəkidə 1 ədəd sırğa və 720 manat dəyərində olan 12 qram çəkidə 1 ədəd sırğadan ibarət qızıl-zinət əşyaları natura şəkilində, həmin əmlaklar qətnamə icra olunan vaxt olmadıqda isə, onların dəyəri olan 5.220 (beş min iki yüz iyirmi) manat məbləğində pul cavabdeh Şəxs tutularaq iddiaçı X1 xeyrinə ödənilməlidir. Məhkəmə qeyd etməyi zəruri sayır ki, borclu tərəfindən icra məmurunun qanuni tələblərinin yerinə yetirilməməsi və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin icra edilməməsi üzrsüz səbəbdən baş verdiyi, həmçinin qərəzli olaraq icra edilmədiyi hallarda şəxsin məsuliyyətindən söhbət gedə bilər. Əgər borclu ona edilən bildiriş və xəbərdarlıqlardan məlumatlı deyilsə və cinayət və ya inzibati məsuliyyət daşıması barədə onda aydın təsəvvür yoxdursa, bu halda onun məsuliyyəti istisna olunur. Azərbaycan Respublikası Cinayət Məcəlləsinin 306.1-ci maddəsinin şərh edilməsinə dair 02 oktyabr 2012-ci il tarixli qərarında Azərbaycan Respublikası Konstitusiya Məhkəməsinin Plenumu qeyd etmişdir ki, icra sənədini icra etməmə o halda qərəzli olur ki, təqsirkar şəxsə yazılı şəkildə xəbərdarlıq edildikdən sonra da o, məhkəmə aktının tələbini icra etmir və ya məhkəmə aktlarının icrasını mümkünsüz etməyə yönələn hərəkətlərini davam etdirir. Məhkəmə aktlarının qərəzli icra edilməməsini aşağıdakılara əsasən müəyyən etmək olar: - məhkəmə qərarında nəzərdə tutulmuş tələblərin həmin qərarda müəyyən edilmiş müddət ərzində icra edilməməsi; - borcluya məhkəmə qərarının icra edilməməsi haqqında dəfələrlə rəsmi xəbərdarlıq edilməsi; - borclunun məhkəmə qərarını icra etməməsinə görə inzibati məsuliyyətə cəlb edilməsi; - borclu tərəfindən məhkəmə qərarının icrası üçün yetərli tədbirlərin görülməməsi; - borclunun məhkəmə qərarının icrası üçün faktiki imkanlarının olması. İnsan Hüquqları üzrə Avropa Məhkəməsi “Pyersak Belçikaya qarşı” iş üzrə 01 oktyabr 1982-ci il tarixli qərarında qeyd etmişdir ki, adətən, qərəzsizlik mənfi və ya qərəzli münasibətin olmadığını bildirsə də, qərəzsizliyin olması, yaxud əksinə, olmaması, Konvensiyanın 6-cı maddəsinin 1-ci bəndinə uyğun olaraq müxtəlif üsullarla yoxlanıla bilər. Bu baxımdan konkret işdə konkret hakimin şəxsi mülahizələrini əks etdirən subyektiv yanaşma ilə qərəzsizlik məsələsində hər hansı şübhələri aradan qaldırmaq üçün yetərli təminatların olub- olmadığını müəyyən edən obyektiv yanaşma arasında fərq qoymaq olar. Məhkəmə iclasında müəyyən edildi ki, borclu bundan əvvəl 10 gün müddətinə inzibati qaydada həbs edilmiş və həbs olunmasından 1 il keçməmişdir. Odur ki, izah edilsin ki, borclu icra sənədinin icrasından qərəzli şəkildə yayınırsa o cinayət məsuliyyətinə cəlb olunmalıdır. Məhkəmə yuxarıda qeyd edilən hallara əsaslanaraq hesab edir ki, borclu Şəxs barəsində başlanılmış inzibati xəta haqqında iş üzrə icraata xitam verilməlidir. Belə ki, AR İXM-in 53.0 və 53.0.2-ci maddələrinin tələblərinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-in 114.2 və 114.2.1-ci maddələrinə əsasən, bu Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Göstərilənlərə əsasən və Azərbaycan Respublikasının İXM-in 39, 40, 43, 48-51, 53 və 114-115-ci maddələrini rəhbər tutaraq, QƏRARA ALDİ: Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi ilə olan inzibati xəta haqqında iş üzrə icraata xitam verilsin. Qərardan onun surəti təqdim edildiyi və ya alındığı gündən 10 (on) gün müddətində Gədəbəy rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və protesti verilə bilər. Sədrlik edən: Marif Kazımov