Gədəbəy Rayon Məhkəməsi Qərar — İş №3(042)-211/2020

Azərbaycan Respublikası adından QƏRAR Gədəbəy rayonu İş № 3(042)-211/2020 05.10.2020 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, Məhkəmə iclas katibi X2 oğlunun katibliyi ilə, Barəsində inzibati xəta haqqında icraat aparılan şəxs Şəxs, və Gədəbəy rayon İcra və Probasiya şöbəsinin böyük icra məmuru X1 iştirakları ilə, xx.xx.1986-cı il tarixdə Gədəbəy rayonunda anadan olmuş, Azərbaycan Respublikası vətəndaşı, evli, orta təhsilli, işsiz ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin (bundan sonra İXM-in) 529.1-ci maddəsi ilə inzibati məsuliyyətə cəlb edilməsi barədə Gədəbəy rayon İcra və Probasiya şöbəsindən daxil olmuş inzibati xəta haqqında materiala baxaraq, Müəyyən etdi: Gədəbəy rayon Polis şöbəsinin xx.xx.2019-cu il tarixli, ******* nömrəli icra sənədinə əsasən borclu Şəxs 300 manat məbləğində inzibati qaydada cərimə tutularaq dövlət büdcəsinə ödənilməsi müəyyən edilmişdir. Qərar qanuni qüvvəyə mindikdən sonra icraya yönəldilmiş və bu barədə xx.xx.2020-ci il tarixdə Gədəbəy rayon İcra və Probasiya şöbəsinə icra sənədi verilmişdir. İcra sənədi icraata başlanılmışdır. Borcluya cərimələri ödəməsi barədə müvafiq qaydada qərar və bildirişlər göndərilmişdir. Borclu Gədəbəy rayon İcra və Probasiya şöbəsinə dəvət edilmiş və təyin edilmiş cərimələri ödəməsi tələb olunmuşdur. Borclu Şəxs cəriməni ödəmədiyindən Gədəbəy rayon İcra və Probasiya şöbəsinin icra məmuru X3 tərəfindən onun barəsində Azərbaycan Respublikasının İXM-in 529.1-ci maddəsi ilə inzibati xəta haqqında protokol tərtib olunaraq baxılması üçün məhkəməyə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxsŞəxs izahat verərək bildirdi ki, o, ünvan 2 ünvanında yaşayır. Gədəbəy rayon Polis şöbəsinin xx.xx.2019-cu il tarixli, ******* nömrəli icra sənədinə əsasən ondan 300 manat məbləğində inzibati qaydada cərimə tutularaq dövlət büdcəsinə ödənilməsi müəyyən edilmişdir. O, cərimədən heç bir ödəniş etməmişdir. O, Gədəbəy rayon Polis şöbəsinin xx.xx.2019-cu il tarixli qərarından şikayət vermişdir. Ona görə də barəsində olan inzibati xəta haqqında iş üzrə icraata xitam verilməsini və inzibati məsuliyyətdən azad olunmasını xahiş edir. Məhkəmə iş materiallarını nəzərdən keçirib işin faktiki hallarını nəzərə alaraq hesab edir ki, inzibati xəta haqqında iş üzrə icraata xitam verilməlidir. Belə ki, işdə olan xx xxxxxxxx 2020-ci il tarixli, MN ******* nömrəli protokoldan görünür ki, Gədəbəy rayon Polis şöbəsinin MN ******* nömrəli, xx.xx.2019-cu il tarixli qərarı üzrə borclu Şəxs 300 manat məbləğində cəriməni qanunla müəyyən olunmuş müddətdə ödəmədiyinə görə qərarın icrasından yayınması göstərilmişdir. İXM-in 529.1-ci maddəsində yol hərəkəti qaydaları əleyhinə olan inzibati xətaların və bu Məcəllənin 353.2-ci maddəsində nəzərdə tutulan inzibati xətanın törədilməsinə görə inzibati cərimə istisna olmaqla, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarının qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə inzibati məsuliyyət nəzərdə tutulmuşdur. Maddənin məzmunundan göründüyü kimi, inzibati cərimə növündə inzibati tənbeh tətbiq etmə haqqında səlahiyyətli orqanın (vəzifəli şəxsin) qərarının icra edilməməsi o halda inzibati məsuliyyətə səbəb olur ki, həmin qərar qanuni qüvvəsini almış olsun, qərar qüvvəyə mindiyi gündən 3 ay keçmiş olsun və bu müddət ərzində qərarın icra edilməməsi üçün qanuni əsaslar olmasın. Bu inzibati xətanın obyektiv cəhəti qərarın qanuni qüvvəyə mindiyi gündən 3 ay müddətində cəriməni ödəməməkdən ibarət hərəkətsizlikdə ifadə olunur. Yəni qərar qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməmişdirsə, 3 ay müddətin tamam olduğu gündən sonrakı gün inzibati xətanın törədildiyi gün hesab olunur. Məhkəmə iş materiallarını nəzərdən keçirərkən müəyyən olunur ki, Gədəbəy rayon Polis şöbəsinin xx.xx.2019-cu il tarixli, ******* nömrəli icra sənədinə əsasən borclu Şəxs 300 manat məbləğində inzibati qaydada cərimə tutularaq dövlət büdcəsinə ödənilməsi müəyyən edilmişdir. Borclu Şəxs cəriməni ödəmədiyindən Gədəbəy rayon İcra və Probasiya şöbəsinin icra məmuru X3 tərəfindən İXM-in 529.1-ci maddəsi ilə inzibati xəta haqqında protokol tərtib olunmasına baxmayaraq borclu Şəxs Gədəbəy rayon Polis şöbəsinin xx.xx.2019-cu il tarixli qərarından şikayət verdiyinə görə onun barəsində başlanmış inzibati xəta haqqında işin icraatına xitam verilməlidir. Belə ki, icra işindən və iş materiallarından görünür ki, Gədəbəy rayon Polis şöbəsinin xx.xx.2019-cu il tarixli qərarı, həmin şöbənin cinayət işi başlanmasının rədd edilməsi haqqında qərar əsasında qəbul edilmişdir. Cinayət işi başlamasının rədd qərarı ilə bağlı Şəxs Gədəbəy rayon Məhkəməsinə şikayət etmiş, həmin şikayət icraata götürülərək baxılmışdır. Həmin qərardan şikayət olduğundan Gədəbəy rayon Polis şöbəsinin xx.xx.2020-ci il tarixli qərarı qüvvəyə minməmişdir. Göründüyü kimi, cərimənin icrası üçün qanuni əsaslar yoxdur. İXM-in 114.1-ci maddəsinə əsasən, inzibati xəta haqqında işə baxılarkən aşağıdakı məsələlər barəsində qərar çıxarılır: 114.1.1. inzibati tənbeh vermə haqqında; 114.1.2. inzibati cərimənin şərti olaraq tətbiq edilməsi haqqında; 114.1.3. inzibati xəta haqqında iş üzrə icraatın dayandırılması haqqında; 114.1.4. inzibati xəta haqqında iş üzrə icraata xitam verilməsi haqqında. İXM-in 114.2-ci və 114.2.1-ci maddələrinə əsasən, inzibati xəta haqqında iş üzrə icraata xitam verilməsi haqqında qərar bu Məcəllənin 53-cü maddəsində nəzərdə tutulan hallardan biri mövcud olduqda çıxarılır: İXM-in 53.0 və 53.0.2-ci maddələrinin tələblərinə görə, inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir.İnzibati məsuliyyətə cəlb olunan şəxsin təqsirli olması barəsində olan şübhələr onun xeyrinə həll olunmalıdır. Yuxarıda qeyd olunanlara əsasən, məhkəmə qeyd edir ki, Şəxs Gədəbəy rayon Polis şöbəsinin xx.xx.2019-cu il tarixli qərarından şikayət verdiyindən onun əməlində inzibati xəta tərkibi yoxdur. Belə olan halda məhkəmə hesab edir ki, Şəxs barəsində Azərbaycan Respublikası İnzibati Xətalar Məcəlləsinin 529.1-ci maddəsi ilə başlanmış inzibati xəta haqqında iş üzrə icraata xitam verilməli və o, inzibati məsuliyyətdən azad edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 11, 40, 43, 48-51, 61, 114-115, 128-130-cu maddələrini rəhbər tutaraq, Qərara aldı: Şəxs barəsində Azərbaycan Respublikası İnzibati Xətalar Məcəlləsinin 529.1-ci maddəsi ilə başlanmış inzibati xəta haqqında iş üzrə icraata xitam verilsin və o, inzibati məsuliyyətdən azad edilsin. Qərardan onun surəti təqdim edildiyi və ya alındığı gündən 10 (on) gün müddətində Gədəbəy rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və protesti verilə bilər. Sədrlik edən Marif Kazımov