Gədəbəy Rayon Məhkəməsi Qərar — İş №3(042)-237/2025

Azərbaycan Respublikası adından QƏRAR Gədəbəy rayonu İş № 3(042)-237/2025 02.09.2025 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Əsgərova Rəsmiyə Cəmil qızının katibliyi, barəsində inzibati xəta haqqında iş üzrə icraat aparılan şəxs Şəxs, zərərçəkmiş şəxslər X2, X7,X3 və X1 iştirakları ilə xx.xx.1996-cı il tarixdə Gədəbəy rayonunda doğulmuş, Azərbaycan Respublikasının vətəndaşı, orta təhsilli,subay, Gədəbəy rayonu, Söyüdlü kəndində yaşayan Şəxs barəsində Gədəbəy RPŞ-dən Azərbaycan Respublikası İXM-nin 510 və 535.1-ci maddələri ilə daxil olmuş inzibati xəta haqqında materiala açıq məhkəmə iclasında baxaraq, müəyyən etdi: Şəxs barəsində 01 sentyabr 2025-ci il tarixdə Azərbaycan Respublikası İXM-nin 510 və 535.1-ci maddələri ilə tərtib edilmiş inzibati xəta haqqında protokol baxılması üçün Gədəbəy Rayon Məhkəməsinə göndərilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək, bildirmişdir ki, o, Gədəbəy rayonu, Söyüdlü kəndində yaşayır. 01 sentyabr 2025-ci il tarixdə sərxoş vəziyyətdə olmuş və evdə babası ilə mubahisəsi yaranmışdır.Babası DİN-nin 102 xidmətinə zəng edərək onu döydüyunu bildirmişdir. Polis əməkdaşlar həmin unavana gələrək onun sərxoş olmasını səs-küy salıb nalayiq ifadələr işlətməsini görərək, onu Gədəbəy Rayon Polis Şöbəsinə aparmışlar.O, hamıdan üzr istəyir,əməlindən peşmandır.Ona görə də barəsində həbslə əlaqədar olmayan inzibati tənbeh verilməsini xahiş edir. Məhkəmə iclasında iş üzrə zərərçəkmiş şəxs X2 izahat verərək, bildirmişdir ki, xx.xx.2025-ci il tarixdə nəvəsi Şəxs sərxoş vəziyyətdə evə gəlmiş, onu nalayiq söyüşlərlə söymüşdür. O, bu barədə polisə məlumat vermiş, polis əməkdaşları gəlmiş və Orxanı aparmışlar. Orxan mütəmadi olaraq spirtli içkilər qəbul edir, onu nalayiq söyüşlərlə söyür və döyür. Onun barəsində qanunda nəzərdə tutulmuş ağır tənbehin verilməsini xahiş edir. Məhkəmə iclasında iş üzrə zərərçəkmiş şəxs X7 izahat verərək, bildirmişdir ki, xx.xx.2025-ci il tarixdə Gədəbəy rayonu, Söyüdlü kənd sakini X2 DİN-nin 102 xidmətinə zəng edərək nəvəsi Şəxs tərəfindən döyülüdüyunu bildirmişdir.Daxil olmuş məlumat əsasında əməliyyat qrupunun üzvləri ilə həmin ünvana gəlmiş, Şəxs sərxoş olmasını səsküy salıb nalayiq ifadələr işlətməsini görmüş, onu Gədəbəy Rayon Polis Şöbəsinə aparmışlar.Şəxs Gədəbəy RPŞ-nin inzibati binasında da onu və digər polis əməkdaşlarını nalayiq ifadədlərlə söymüş, şöbənin iş rejimini pozmuşdur. Ona görə də onun barəsində həbs inzibati tənbehinin təyin edilməsini xahiş edir. Məhkəmə iclasında iş üzrə zərərçəkmiş şəxs qismində dindirilmiş X3 və X4 eyniməzmunlu izahatlar vermişlər. İşdə olan inzibati xəta haqqında protokoldan görünür ki, Şəxs barəsində xx.xx.2025ci il tarixdə ictimai qaydanı pozması və polisin qanuni tələblərinin yerinə yetirməməsi ilə əlaqədar Azərbaycan Respublikası İXM-nin 510 və 535.1-ci maddələri ilə tərtib edilmişdir. İşdə olan sənəddən görünür ki, 01 sentyabr 2025-ci il tarixdə Şəxs qanında alkoqolun miqdarı 0.913 promil olmuşdur. İşdə olan tutulma protokolundan görünür ki, Şəxs 01 sentyabr 2025-ci il tarixdə saayt 23-35 dəqiqədə tutulmuşdur. Azərbaycan Respublikası İXM-nin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə -əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə-fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Məcəllənin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. Məcəllənin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məcəllənin 33.1.7-ci maddəsinə əsasən inzibati xətanın sərxoş halda olan şəxs tərəfindən törədilməsi inzibati tənbeh tətbiq edilərkən, məsuliyyəti ağırlaşdıran hal hesab edilir. Beləliklə, məhkəmə araşdırması ilə müəyyən edilmişdir ki, barəsində inzibati xəta haqqında iş üzrə icraat aparılan şəxs 01 sentybr 2025-ci il tarixdə Gədəbəy rayonu, Söyüdlü kəndində və Gədəbəy RPŞ-nin inzibati binasında sərxoş vəziyyətdə nalayiq söyüşlər söyərək, ictimai qaydanı pozmuş, ictimai qaydanı mühafizə edən polis əməkdaşlarının qanuni tələblərinə qəsdən tabe olmamış, bununla da Azərbaycan Respublikası İXM-nin 535.1-ci maddəsi ilə nəzərdə tutulmuş inzibati xəta əməlini törətmişdir. Məhkəmə törədilmiş əməlin ictimai təhlükəlilik dərəcəsini və barəsində inzibati xəta haqqında iş üzrə icraat aparılan Şəxs barəsində Azərbaycan Respublikası İXM-nin 535.1ci maddəsinin sanksiyası həddində həbs inzibati tənbehinin tətbiq edilməsi məqsədəmüvafiqdir. Məhkəmə göstərilənləri nəzərə alaraq və Azərbaycan Respublikasının İXM-nin 105, 106-112-ci, 114-115-ci və 117-ci maddələrini rəhbər tutaraq, qərara aldı: Şəxs barəsində Azərbaycan Respublikası İXM-nin 510-cu maddəsi ilə olan inzibati xəta haqqında iş üzrə icraata xitam verilsin. Şəxs Azərbaycan Respublikası İXM-nin 535.1-ci maddəsi ilə nəzərdə tutulmuş əməlin törədilməsində təqsirli bilinsin və ona 20 gün müddətində həbs növündə inzibati tənbeh təyin edilsin. Həbsdə saxlamanın əvvəli 01 sentyabr 2025-ci il tarix saat 23-30 dəqiqədən hesablansın. Qərarın icrası Gədəbəy Rayon Polis Şöbəsinə həvalə edilsin. Qərardan təqdim olunduğu gündən 10 (on) gün müddətində Gədəbəy Rayon Məhkəməsi vasitəsilə Gəncə Apellyasiya Məhkəməsinə şikayət və ya protest verilə bilər. Sədrlik edən:Fizuli Mirzəquliyev