Gədəbəy Rayon Məhkəməsi Qərardad — İş №3(042)-388/2023

Azərbaycan Respublikası adından QƏRARDAD Gədəbəy rayonu İş № 3(042)-388/2023 30.10.2023 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Orucov Anar Möhübbət oğlunun katibliyi ilə, Şəxs barəsində Azərbaycan Respublikası İXM-nin 528.1-1-ci maddəsi ilə Gədəbəy Rayon İcra və Probasiya Şöbəsindən daxil olmuş inzibati xəta haqqında materiala baxaraq, müəyyən etdi: Şəxs barəsində Azərbaycan Respublikası İXM-nin 528.1-1-ci maddəsi ilə inzibati xəta haqqında protokol tərtib edilmiş və baxılması üçün məhkəməyə göndərilmişdir. İnzibati xəta haqqında materialdan görünür ki, Musayev X1 Rayon Məhkəməsinin 11 avqust 2023-cü il tarixli qərarı ilə Azərbaycan Respublikası İXM-nin 528.1-ci maddəsi ilə inzibati məsuliyyətə cəlb edilmiş, ona 10 gün müddətində inzibati həbs növündə inzibati tənbeh təyin edilmişdir. Azərbaycan Respublikası İXM-nin 53.1. və 53.1.7-ci maddələrinə əsasən barəsində inzibati xəta haqqında iş üzrə icraat aparılan şəxsə aid eyni fakt üzrə inzibati tənbeh etmək haqqında hakimin, səlahiyyətli orqanın (vəzifəli şəxsin) qərarı olduqda, yaxud inzibati xəta haqqında işə xitam verilməsi barəsində ləğv edilməmiş qərar olduqda, habelə həmin fakt üzrə cinayət işi başlamaq haqqında qərar olduqda, inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Beləliklə, məhkəmə belə nəticəyə gəlir ki, Şəxs iki ay müddətində Azərbaycan Respublikası İXM-nin eyni maddəsi ilə eyni əmələ görə məsuliyyətə cəlb edilməsi yolverilməzdir. Ona görə də Şəxs barəsində Azərbaycan Respublikası İXM-nin 528.1-1-cı maddəsi ilə inzibati xəta haqqında iş üzrə icraata xitam verilməlidir. Məhkəmə göstərilənləri nəzərə alaraq və Azərbaycan Respublikası İXM-in 109-cu maddəsini rəhbər tutaraq, qərara aldı: Şəxs barəsində Azərbaycan Respublikası İXM-nin 528.1-1-cı maddəsi ilə inzibati xəta haqqında iş üzrə icraata xitam verilsin. İcra orqanının nəzərinə çatdırılsın ki, Şəxs cinayət məsuliyyətinə cəb edilməsi üçün qanunda nəzərdə tutulmuş tədbirlər görülsün. Qərardan təqdim olunduğu gündən 10 (on) gün müddətində Gədəbəy Rayon Məhkəməsi vasitəsilə Gəncə Apellyasiya Məhkəməsinə şikayət və ya protest verilə bilər. Hakim:Fizuli Mirzəquliyev