Gədəbəy Rayon Məhkəməsi Qərar — İş №3(042)-39/2023

Azərbaycan Respublikası adından QƏRAR Gədəbəy rayonu İş № 3(042)-39/2023 06.02.2023 GƏDƏBƏY RAYON MƏHKƏMƏSİ Hakim Kazımov Marif Sabir oğlunun sədrliyi, X1 oğlunun katibliyi, Barəsində inzibati xəta haqqında icraat aparılan şəxs Şəxs iştirakı ilə, xx.xx.1988-ci il tarixdə Gədəbəy rayonu, Qoşabulaq kəndində anadan olmuş, Azərbaycan Respublikasının vətəndaşı, evli, Gədəbəy rayonu, Qoşabulaq kəndində qeydiyyatda olan Şəxs barəsində Gədəbəy rayon Polis şöbəsindən daxil olmuş Azərbaycan Respublikasının İnzibati Xətalar Məcəlləsinin 590.2-ci maddəsi ilə olan inzibati xəta haqqında materiala açıq məhkəmə iclasında baxaraq, M ü ə y y ə n e t d i: Şəxs müvafiq icra hakimiyyəti orqanında xüsusi icazə almadan bir ədəd qoşa lülə, lüləsində, atıcı mexanizmində və lülə altlığında 138224 yazıları olan, taxta qundaqlı 16 kalibirli ov tüfəngini əldə edərək saxlamaqla mülki silahın əldə edilməsi qaydasını pozmuşdur. Gədəbəy rayon Polis şöbəsinin İTB-nin polis sahə rəisi vəzifəsinin müvəqqəti icra edən X2 tərəfindən Şəxs İXM-in 590.2-ci maddəsi ilə inzibati məsuliyyətə cəlb edilməsi barədə 17 yanvar 2023-cü il tarixdə MN ******* №-li inzibati xəta haqqında protokol tərtib edilərək, İXM-nin 43-cü maddəsinə əsasən aidiyyəti üzrə baxılması üçün Gədəbəy rayon Məhkəməsinə göndərilmişdir. Barəsində inzibati xəta haqqında icraat aparılan şəxs Şəxs məhkəmə iclasından izahat verərək bildirdi ki, o, Gədəbəy rayonu, Qoşabulaq kəndində yaşayır. Evlidir və himayəsində iki azyaşlı uşağı vardır. Onların kəndi Tovuz rayonu ilə həmsərhəddir. O, U.Orucov və Q.Bağırov ilə birlikdə ov etmək məqsədi ilə mərhum babasından qalmış ov tüfəngini götürərək Tovuz rayonu ərazisində yerləşən meşəyə getmişlər. Bu zaman polis əməkdaşları görüb onlara yaxınlaşmışdır. Həmin ov silahının sənədləri olmadığından polis əməkdaşları onları Gədəbəy rayon Polis şöbəsinə gətirmişdir. O, polis şöbəsində ov tüfəngini və dörd ədəd patronu polis əməkdaşlarına təqdim etmişdir. Onlar həmin zaman ov silahından istifadə etməmişdir. Silah mərhum babasından qalmış silah olmuşdur. Odur ki, nəzərə alınmasını məhkəmədən xahiş etdi. Beləliklə, məhkəmə hesab edir ki, Şəxs əməli İXM-nin 590.2-ci maddəsi ilə düzgün tövsif edilmiş və onun həmin əməli törətməsi iş materialları ilə kifayət qədər sübuta yetirilir. Belə ki, işdə olan Gədəbəy RPŞ-nin TB-nin baş təhqiqatçısı, polis kapitanı Hikmət Cəfərlinin 26 dekabr 2022-ci il tarixli qərarından görünür ki, 16 dekabr 2022-ci il tarixdə Gədəbəy RPŞ-nin Post Patrul Xidmətinin əməkdaşları Gədəbəy rayonu, Qoşabulaq kənd sakini Şəxs qanunsuz ov silahının olması barədə raportla müraciət etmişlər, bununla bağlı araşdırma aparılmış və toplanmış material üzrə hər hansı cinayət hadisəsi olmadığı üçün cinayət işinin başlanması rədd edilməsi və Şəxs barəsində Azərbaycan Respublikası İnzibati Xətalar Məcəlləsinin 590.2-ci maddəsinin tələblərinə əsasən inzibati qaydada tədbir görülməsi üçün qərarın surətinin İctimai Təhlükəsizlik bölməsinə göndərilməsi qərar alınmışdır. Azərbaycan Respublikasının İnzibati Xətalar Məcəlləsinin 590.2-ci maddəsi müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə inzibati məsuliyyət müəyyən edir. Məhkəmə hesab edir ki, Şəxs əməlində Azərbaycan Respublikasının İnzibati Xətalar Məcəlləsinin 590.2-ci maddəsi ilə nəzərdə tutulan inzibati xətanın tərkibi vardır və o həmin maddə ilə inzibati məsuliyyətə cəlb edilməlidir. İXM-in 590.2-ci maddəsində müvafiq icra hakimiyyəti orqanından xüsusi icazə almamış şəxslər tərəfindən mülki silahın və ya onun üçün döyüş sursatının əldə edilməsi, saxlanılması, daşınması, başqa şəxslərə verilməsi və ya satılmasına görə silah və döyüş sursatı müsadirə edilməklə səksən manatdan yüz manatadək məbləğdə inzibati tənbeh nəzərdə tutulmuşdur. İXM-in 26.1-ci maddəsinə əsasən, inzibati xəta törətmiş şəxsin xüsusi mülkiyyətində olan, inzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi bu Məcəllənin Xüsusi hissəsində nəzərdə tutulmuş hallarda həmin predmetin məcburi qaydada və ödənişsiz dövlətin mülkiyyətinə keçməsindən ibarətdir. İXM-in 9.1-ci maddəsinə əsasən, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Məhkəmə inzibati xəta törətmiş şəxs barəsində inzibati tənbehin həddini müəyyən edərkən, inzibati xəta hadisəsinin törədilmə üsulunu, təqsirkarın şəxsiyyətini və işin digər hallarını nəzərə alaraq belə nəticəyə gəlir ki, Şəxs barəsində Azərbaycan Respublikasının İnzibati Xətalar Məcəlləsinin 590.2-ci maddəsi ilə təqsirli bilinib bir ədəd qoşa lülə, lüləsində, atıcı mexanizmində və lülə altlığında 138224 yazıları olan, taxta qundaqlı 16 kalibirli ov tüfəngi və ona aid 4 ədəd patron müsadirə edilməklə 80 manat məbləğində cərimə inzibati tənbehinin tətbiq edilməsi daha ədalətli və məqsədəmüvafiqdir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 11, 40, 43, 48-51, 61, 114-115, 128-130-cu maddələrini rəhbər tutaraq, məhkəmə, Q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 590.2-ci maddəsi ilə nəzərdə tutulmuş inzibati xətanı törətməkdə təqsirli bilinsin və bir ədəd qoşa lülə, lüləsində, atıcı mexanizmində və lülə altlığında 138224 yazıları olan, taxta qundaqlı 16 kalibirli ov tüfəngi və ona aid 4 ədəd patron müsadirə edilməklə 80 manat məbləğində inzibati qaydada cərimə edilsin. Qərarın icrası Gədəbəy rayon İcra və Probasiya şöbəsinə həvalə edilsin. Qərarın surəti inzibati xəta törətmiş şəxsə göndərilsin. Qərardan, onun surəti təqdim edildiyi və ya alındığı gündən 10 (on) gün müddətində Gədəbəy rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti və protesti verilə bilər. Sədrlik edən: Marif Kazımov